السلام عليكم ورحمة الله:050:
أنا إسمي ضياء الدين ..أثناء تجوالي في النت وجدت موقع سوبارو السعودية وبصراحة هو موقع منسق, منظم, ومفيد في كل ما يختص بالسوبارو وأنا الحقيقة من عشاق السوبارو من بدري وعندي نية إني أشتري إمبريزا هاتشباك..
بس انا ما أدري بالأسعار وبحثت بالموقع عن السعر ما وجدت شي عن الأسعار..
المهم إني ناوي على إمبريزا 2.0 R Sport رجاءا منكم خبروني عن أسعارها وإيضا عن الـ WRX 230 HP .
ولكم جزيل الشكر
أرجو إنكم تقبلوني صديق لكم وإن شاء الله أستفيد من الخبراء ..بإذن الله
وشكراً
dr.khalaf
29-09-2009, 09:27 AM
اولا اخوي
حياك الله , وهذا بيتك دام انك عاشق للسوبارو :)
بالنسبه للأمبريزا انا عندي موديل 2008 هاتش باك , لكن مع الأسف 2009 نزل السيدان فقط !
نفس المواصفات بالظبط لكن الخلفيه تختلف فقط , ونفس الداخليه بالظبط
والـ wrx ايضا سيدان وليست هاتشباك مع ان الهاتشباك شكله افضل بكثير
لكن مثل ما قلت الوكاله قامت تنزل السيدان فقط للامبريزا 2.0r وللـ wrx , اما الأس تي اي ينزل هاتشباك !
مع العلم ان موديل 2009 wrx اصبح الأن 265 حصان !
بالنسبه للأسعار انا من الككويت وبعطيك اسعار الكويت واتوقع انها مشابهه للسعر اللي عندكم :)
الأمبريزا 2.0R spotr قيمتها 5800 دينار كويتي كاملة المواصفات مع شاشه وكاميرا خلفيه قير عادي 5 غيار
امبريزا wrx قيمتها بالوكاله 8600 دينار كويتي , والفرق بينها وبين اللي فوقها : المكينه 2.5 لتر مع تيربو , هوود , العداد يختلف , المرايات تنطوي تلقائيا , سستم اقزوز من الوكاله
اتمنى اني افتدك واي سؤال انا حاضر :)
H-KYD
29-09-2009, 09:42 AM
حياك الله ياخ ضياء والساعة المباركة الى طبيت فيها المنتدا وبالنسبة عن استفسارك اعتقد الاسعار فيها اختلاف بين دولة والثانيه بس الاسعار بشكل عام موجودة في المنتدي سواء للكويت او السعودية لاكن ماقلت لنا انت من وييييييييييييييين؟؟؟؟؟؟؟؟؟؟؟؟؟؟؟
عذرا نسيت أقول لكم .. أنا من السودان
عندنا فقط الإمبريزا 1.5 والليجاسي 2.0 الوكيل ما يجيب غيرهم وأنا ودي في الـ 2.0 إسبورت أو WRX ما الـsti
لو حد يتكرم ويقول لي الأسعار بالريال السعودي
لأني رح أزور السعودية بعد شهر وعايز أجهز ميزانيتي
س: هل الـ WRX قطع غيارها نفس الإمبريزا العادية؟؟
شكراً للأعضاء الكرام على ردودهم
بس ما أكون تقيل عليككم؟؟
يظهر إني "غير مرحب به ولا غيره" مفيش غير ردين؟؟
شكراً على العموم..
saad507
06-10-2009, 02:44 AM
لا بالعكس يامرحبا ولكن ودنا تخش على لمواضيع وتشارك منها تتعرف على الاعضاء
ولاتنسى شعار سوبارو ... عائله واحده
وارجوا انك تكون راضي وامسحها بوجه هالمره
dr.khalaf
06-10-2009, 04:00 AM
اخوي لا تحاتي قطع غيار الـ wrx نفس الأمبريزا العاديه , ولكن اللي يختلق قطع المكينه
يعني مثلا الفلتر , او كمية الدهن , وبعض الأختلافات اللتي تخص المكينه فقط
اما من ناحيه الشكل والقير نفس الشي بالظبط , والكلام هذا بالنسبه للـ 2.0R
ما ادري عن الـ 1.5
SAM-13
06-10-2009, 08:27 AM
وهذي الأسعار بناء على آخر زيارة لي للوكالة:
impreza 2008 2.0R: القير العادي بـ 62 والقير الأوتو بـ 67 ألف
impreza 2008 2.0R SPORT: القير العادي بـ 67 والقير الأوتو بـ 72 ألف
الفرق بين الـ R و الـ R SPORT هو: الجنوط (الـ R جنط 16 والـ R SPORT جنط 17)، الـ R SPORT تجي ببدي كت ومقاعد رياضية
........................................
سعر الـ wrx بـ 98 ألف ريال
السلام عليكم..
والله شكرا جزيلا لكل الأعضاء صرااااحة أفدتوني جداً والحين قررت أشتري 2.0R sport ولي زيارة بعد شهر إن شاء الله للمملكة بإذن الله
وشكرا جزيلاً..وآسف لو إتحاملت عليكم..
كوكيز
06-10-2009, 09:18 PM
ما عندك اي مشكلة تبغى أي حاجة احنى حاضرين
SAM-13
07-10-2009, 08:34 AM
بالتوفيق... ومبروك مقدماً
H-KYD
07-10-2009, 08:59 AM
اذا وصلت انشاء الله بالسلامه عطنا خبر عشان نقوم بالواجب ويمكن نعينك الناطق الرسمي للمنتدي في السودان.:bib:..شكل المدير بيعطيني كرت اصفر ثاني:f165: