السلام عليكم ورحمة الله وبركاته

انا عندي كم استفسار ياليت احد يفيدني فيه
انا عندي مكينتين سوبارو
الاولى : 2.0 فور كام تيربو موديل 98
الثانيه : 2.5 سينجل كام
السؤال لو حطيت البلوك حق التيربو وركبت عليها الرؤوس حقت السيجل كام هل من ضرر ؟ او تقوى المكينه ؟

ثانيا انا اشتريت جالون اوكتان ابي اعرف كيف الوزنيه لمن اضيفها على البنزين ؟

وشكرا

راح اجاوب عليك حسب خبرتي في المحركات

بالنسبه الي تركيب رؤوس الـ 2.5 على الـ2.0 اتوقع 95 بالميه ماراح يركب من الاساس وادا ركب ماراح تستفيد شي لان ضغط مافي

اما بالنسيه الى الاوكتان هذي يبي لها واحد فاهم في الشغله وبحساب دقيق له

صادق ودى واحترامي

بالنسبة لسؤالك الأول: حتى لو ركبت ماراح تستفيد شي
الروس بتكون مخصصة لضغط أعلى من ضغط بلوك التربو لأن في العادة مكاين التربو ضغطهم منخفض مقارنة بالمكاين العادية
والشي الثاني بتحتاج إلى سيور جنزير جديدة لأن بيكون عندك فرق في الأعمدة تبع الكامات وغير ممكن بكرات الشد والأهم الكمبيوتر
ماراح يعطيك اي قوة وأتوقع لو عملت كل هالأشياء بتحصل على قوة أقل من الي تتوقعها وممكن أقل من القوة الأصلية لمكينة التربو
إنا كرأي شخصي لو كنت مكانك وعندي استطاعة مادية ابتديت بستروكر واوفر لي قير يتحمل وابدل التربو ونظام حقن الوقود ولاننسى التيونينج
هالمكينة من أكثر المكاين الي قطع تعديلها متوفرة بالنسبة للسوبارو

بالنسبة لسؤالك الثاني: يعتمد على الأوكتان هل هو صافي أو خليط وأنا ماعندي فكرة بالضبط بس هو في العادة للسيارات المجهزة للسباقات
يكون الأوكتان في تانكي لوحده ويكون موجود بعد تانكي ميثانول والي يتحكم بالخليط نظام حقن وقود منفرد ومو أي واحد يقدر يوزن
لأن زيادة الأوكتان يعني زيادة معدل الإحتراق وزيادة الحرارة
الميثانول يساعد على الإحتراق وفي نفس الوقت يعمل كتبريد لحجرة الإحتراق
الي فهمته انا من موضوع قريته من زمان بس مو متذكر وين ان أعلى نسبة اوكتان تقدر تستخدمها لسيارة عادية هو 115
لأن الزيادة بتكون بدون فائدة
وعلى فكرة أحسن محركات تستفيد من نسبة الاوكتين العالية هي المحركات الجديدة الي عليها AVC الي هو Active Valve Control الي يغير توقيت الصمامات بحسب الحاجة لأن الإحتراق بيكون ممتاز وفيها الموضوع حساسات بتقرأ ان البنزين محترق بشكل ممتاز وبتعطيك قوة حلوة وفوق هذا بيعدل الكمبيوتر من وزنية الكامات وتوقيت الإحتراق

إذا في أي نقطة مو واضحة أو حتى لو في شي ماذكرته أنا حاضر بالي أعرفه والي أقدر ادور لك عليه

بعض مكاين الفور كام ماتصلح لتيربو لازم يكون البستم مخصص للتيربو
لانه على ماسمعت يذوب ويحتر البستم

الشباب ماقصرو معاك بس اخذ هلفكره مافي شي مايركب كلشي بالترهيم يركب بس السؤال هل بتستفيد لارهمت او لا وساعات يكون الترهيم سلبي مايضبط معك ويصير اجابي
انا من رايي امسك المكينه 2.5 واحلى استروكر من بساتم وذرعان وسبايك كاملين وثلاجة شركه واخذلك كات سنجل تيربو وتركب الهوائيات من بكرات وسستم الاغزوز من بعد السنجل وكمبيوتر حق ريس شف لك واحد من شركه حلوه وكلش اش كي اس وعكوس حق شركة حلوه وسستم فيول وطرمبة بنزين وانت في بحر 400 براحه
واذا عندك فلوس لاتتحسف اذا حطيتهم في ياباني سواء سوبارو او غيره لاكن الامريكي اشوف الشباب يحطون 30 الف على لومينات وتشوف المستوى من 300 الي 370 او 380 حصان والله يوفقك ان شاء الله

الله يعطيكم العافيه ومشكور على ردودكم التى تعم بالفائده
سؤالي الاخير
ايهما التي تعطي الاداء الكامل مكينة 2.5 سينجل او بلوك 2.0 تيربو مع رؤوس 2.5 سينجل ؟
ولو ركبت الثانيه اقدر اضف عليها تيربو ام لا ؟

وشكرا

2.5 افضل لاصارت فور كام سواء بالتيربو او بدونه

اقتباس:
المشاركة الأصلية كتبت بواسطة بن هندي http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=1422#post1422)
2.5 افضل لاصارت فور كام سواء بالتيربو او بدونه


بدون التيربو مشاكلها كثيرة ومن أهمها الحرارة
علشان كذا المصنع حالياً موقف إنتاج هالمكينة بدون تيربو

بالعكس ياخوي التنين محرك 2.5 حق 98 من افضل المحركات وعند ولد الجيران وحدة ماشاء الله ماشيه معاه تماااام وسألته اليوم عن العداد
ماشية 577934 كيلو ومكينة بلدها مافكها ابد

كلامك صحيح وبالتأكيد من أحسن المحركات
بس الي كنت اقصده للمكاين الحديثة وعذراُ على عدم التوضيح
لما يخلوا نفس المكينة مع الأنظمة الي تقلل الإنبعاث والحساسات علشان تعديل التوقيت ومثل هالأشياء
بتبتدي تطلع حرارة بالذات لما يكون في knuck الي هو مشروح في أحد المواضيع في الورشة
مجرد ان يكون في نظام لتعديل التوقيت على هالمكينة وهي ضغط عالي بتبتدي فيها المشاكل

في شباب برا حاولوا انهم يحولون المكينة 2.5 من sohc إلى dohc وكانت النتيجة مشاكل الحرارة
والحل انهم يستغنوا عن كل الأنظمة ويخلوا المكينة مثل القديمة بس لما يتركب عليها تربو كلام ثاني

طيب ليش ما ينطبق الكلام هذا على ال 2.0
لان مكينة سيارتي 2.0 dohc مع نظام تعديل الصمامات
صراحة بديت تخوفني لأني اشوف ان سعة المحرك مالها علاقة

انا محرك سيارتي 2.0 وماشاء الله عليها اجاكر السته السلندر وال2.5 وبلموت يطوفوني لاني مومزود السياره مخليها ستوك شد بلد
بس مركب فلتر رياضي وعندي ماكينه ثانيه استنى تصير عندي سيوله
الي عندي فور كام لموديل ال98 الله يعطيني خيرها ويكفيني شرها
بس ماراح اركبها الا لمن تصير عندي سيوله

شباب شفيكم يعني لهالدرجة كلامي مو واضح؟؟
الي أقصده ان المحرك 2.5 فور كام لما نزل مع الأنطمة الجديدة كان مخصص لليابان وأكيد الكل يعرف هالشي لحد موديل 2003
وكان فيها مشاكل حرارة بشكل كبير
الموضوع مو موضوع سعة لأن كل مكينة ولها تصميمها الخاص وعلى حسب إحتياجها للتبريد والتزييت ولو كلامك صحيح اخوي فوجي
كان كل سيارات سوبارو الجديدة فيها هالمشكلة ؟؟
مايصير لأن كل مكاين السوبارو الجديدة فور كام لكل السعات ماعدا 2.5 تتوقع ليش يعني؟؟
معقولة السوبارو بتوفر هالمكاين في كل الدول فور كام بس المكينة 2.5 يخلوها عادية؟؟
فكروا في الموضوع وحاولوا تربطوا الردود مع الردود السابقة

طيب انا عندي استفسار:
هل لنسبة الانضغاط العالية او المنخفضة دخل في عمر المحرك الافتراضي؟؟؟؟
مثلا محرك الليجاسي 2.0 2006 نسبة الانضغاط عالية 11.1 ومحرك 2.5 2008 نسبة الانضغاط تقريبا 10
هل هناك محرك عمرة اطول من الثاني ام لكل محرك تصميمة ملائم عشان يعيش الى اطول مدة

هذي ماتحدد عمر المحرك
نسبة الإنضغاط بتحددها التقنية الي مبني عليها المحرك
مثلاً لاحظ أن أي مكينة dohc أو dohv نسبة إنضغاطها أعلى من المكاين sohc أو ohv
نسبة الأنضغاط هم تتأثر مع طريقة تزويد المكينة بالبنزين والهواء
يعني لما تستخدم شاحن سواء تربو او سوبر شارجر لازم تقلل نسبة الإنضغاط لسببين
قوة الأحتراق بتكون عالية نتيجة لضغط خليط الهواء والبنزين وتترتب عليها تغيير البساتن إلى بساتن تتحمل أكثر وراح يكون وزن البساتن أكثر وعليها لازم يكون عدد دورات المحرك أقل لأن صعبة انك تعمل كرانككينج إلى هالقوة الي راح تصدر على سرعات عالية

يعطيك الف عافية على الاجابة الشافية

حاضرين بأي وقت إنشاء الله :)