السلام عليكم....



ياليت كل واحد فينا يقول لنا عن بعض المشاكل اللي صارت له في سيارته
من جميع النواحي من اعطال اوغيرها ووشلون حلها,,,,
علشان الكل يستفيد ونحاول نتفادى هذي المشاكل.


ولكم جزيل الشكر والتقدير,,,,

يعطيك العافيه مستر فوجي

على الموضوع الجيد واتمنى من الجميع المشاركه فيه

وبالنسبه لي الحمد لله لحد الحين ما فيه مشاكل


تحياتي,,

و عليكم السلام


كلامك جميل يعطي لصفحتك فائدة يستفيد منها كل من يملك السوسو
ننتظر من لديه مشكلة يعاني منها أو مشكلة تم حلها و كيفية حلها

أشكرك سيد فوجي

.

.

كلام سليم ومفيد
والفكره احلي واحلي
صح عليك يمستر:sa:

والله انا عندي مشكله وحده وهي لما التانكي حق البانزين يصير في الشرطتين الاخيريه ولفيت على جهه اليمين السياره
تعمل تفتفه مدري ايش منه؟
وديتها كذا ورشه بس ماعرفو
بما ان مافي وكيل اليمني عندنا في الاحساء بوديها في اقرب فرصه للخبر اخليه يشيك عليها

بدل طرمبة البنزين بالفلتر وتأكد ان جميع المواسير تبع البنزين نظيفة
المفروض الورش يعرفون هالشي
وإذا مافاد لاتلف يمين لما يكون عندك شرطتين <== أمزح طبعاً
والأفضل تخليهم يشيكون لك على الإنجكترات والكويل مع الكيابل تبعه

بدل طرمبة البنزين بالفلتر وتأكد ان جميع المواسير تبع البنزين نظيفة
المفروض الورش يعرفون هالشي
وإذا مافاد لاتلف يمين لما يكون عندك شرطتين <== أمزح طبعاً
والأفضل تخليهم يشيكون لك على الإنجكترات والكويل مع الكيابل تبعه
يعطيك العافيه والله اخوي واول مرى اسمع في الاشياء الي قلتها شكلك ميكانيكي
وان شاء الله بحفظ الي قلتهم في ورقه وبقولهم:p73:

السلام عليكم ورحمة الله وبركاته

أنا أملك سوبارو ليجاسي 2001 2.5 جير عااادي

بس عندي صوت في الخلف مع إني أنا بدلت بيرنجات ألاطارات بأربعهم

وبدلت ألاطارات بالنفس بأربعهم

بس الصوت خفيف مش قوي كثير

بس أبي أعرف هذا الصوت ناتج لان السياره دفع رباعي أو في مشكله ثانيه ؟؟؟؟؟

أرجو من أهل الخبره المساعده

اولا اهلا وسهلا بك في منتداك,,,,,
ياليت تقول لنا عن نوع الكفرات والمقاس,,,
وبما انك غيرت كل هذي الاشياء يمكن يكون الصوت من الدفرنس الخلفي.

اتمنى منك ياسوبارو 2001 تقول كم ماشية سيارتك وهل غيرت زيت الدفرنش ولالأ

هلا والله أخوي

ألف شكر لك على هذا ألاهتمام

أنا بدلت أيل الدفرنس لما كان عداد السياره 218 ألف والحين عداد السياره 270 ألف

نوع ألاطارات yokohama / c drive

المقاسات هي مقاسات المصنع

195 / 60 / r15

على طاري الكفرات ياشباب انا عندي الحين جنوط مقاس 15 وابي اركب كفرات وش احسن نوع من انواع الكفرات يعني مابقي يكون فيهم صوت في الطرقات وومابقي لما ادوس على مطبه تكون الظربه في راسي ابيه يكون مريح ومريح السياره

اوكي سوبارو 2001
بالنسبة للكفرات ممتازة جدا وهادية
لكن بالنسبة للزيت وش النوع اللي استخدمته هل هو gl-4 او gl-5 وماهي لزوجته
ومع ان اطاراتك جيد بس انصحك اولا بتبديل الامامية بالخلفية

[quote=ليجاسي 98;175]على طاري الكفرات ياشباب انا عندي الحين جنوط مقاس 15 وابي اركب كفرات وش احسن نوع من انواع الكفرات يعني مابقي يكون فيهم صوت في الطرقات وومابقي لما ادوس على مطبه تكون الظربه في راسي ابيه يكون مريح ومريح السياره[/quote
صراحه ياخوى انا عندى الكفرات نوع مشلن بس فعلا شى محترم يعنى نعومه على الاخر او ماتسمع صوت الشارع جرب مشلن او ماراح تندم :p73:

مشلان مين والناس نايمن

مشلان مشكلته انو يصير قاسي كثير في وقت قصير

واذا صار الكفر قاسي ما نفع ابد يطلع اصوات في الخط واقسى في المطبات نصيحه بريجستوون وبس :)

مشلان مين والناس نايمن

مشلان مشكلته انو يصير قاسي كثير في وقت قصير

واذا صار الكفر قاسي ما نفع ابد يطلع اصوات في الخط واقسى في المطبات نصيحه بريجستوون وبس :)

ياخوى انا الحين باضبط معاى الكفرات 3 سنوات الحمد لله ناعم او طرى كأنه جديد او انته اتعرف جو الكويت مافى تعليييييييق:ta3ajub:

انا كنت مركب على سيارتي امبريزا ٢.٠ ٢٠٠٧ انتيك وفلتر ودبة فجأة طلعت لي كتمة في السيارة لما الامبير يوصل ٢ ونص الين ٣ ونص رحت فيها للوكالة اول مرة صفو لي المكينة اللي هي تغيير بواجيي وبرمجة وفلتر بنزين وغيره الموووهيم ما راحت رجعتها ثاني يوم قالو لي لا مشكلتك اجل كلتش وغيرو الكلتش وبعدين رجعتهم ثالث يوم بنفس المشكلة قالو مو كلتش هذا الثروتر بدي يبي تنظيف ونظفوه يا عمي المهم ما راحت الكتمة وسافرت عليها من الشرقية لجدة عاد وانا راجع انفجرت مكينتي بمعنى الكلمة وبغيت اروح فيها المهم رجعتها لهم وقعدت شهرين ونص الين صلحوها على الضمانوتوي ما لي اسبوع ماخذها والكتمة موجودة قالي واحد من الشباب في الوكالة الله يجزاه خير ارجعلي بعد التمرين المهم رجعتها اليوم وقالو انهم بينظفون البوابة حقت الثروتل بدي والسنسرات وانشالله تنحل بكرة بتطلع واردلكم خبر انشالله

^
^
^

والانتيك لسى راكب ؟

اهلين ياسر انت حالتك غريبه ياخي

يمكن على شان الفلتر ما تنضفه من فتره لين فتره ؟؟

وقصه المكينه اغرب كيف اتفجرت المكينه كذا لحالهااااا يعني ؟؟

:):)

أخوي mr FUJJ

أنا الحين بدلت أيل الدفريشن

ونوع ألايل shell 140

بس الصوت بعده موجود وأكثر شي على سرعة 40 كيلومتر

أنا والله أتوقع الصوت من ألاطارات

لانه ألاطارات الخلفيه الحين كملت السنه تقريبا يمكن الصوت من ألاطارات

أبي أعرف كم حد مشي ألاطارات ؟

أتتظر ردك أخوي

بنسبه للاطارات اتوقع احسن شي برجستون و فالكون بس مشلان معروف انه زين بس ماعرف حد جربه
بنسبه للصوت يا اخوي سوبارو 2001 يمكن من الكورات او فيه حكه في الكفر عندك يحك في البدي او الكاور

والله اعلم

السلام ,,,
بالنسبة للزيت شل 140 هو زيت تركيبتة gl-4 وهي تركيبة غير ملائمة لدفرنش السوبارو...
فالحل انك تغير الزيت الى اي ماركة ثانية بس اهم شي يكون gl-5 ولزوجة 90 وانشاء الله تضبط الامور
واذاما راح الصوت الله يعينك على دفرنش جديد بعد التاكد طبعا
ولا تاخذ لك من التشليح ولا توضبه.......
وجرب تبدل اماكن الكفرات الامامية بالخلفية واذا راح الصوت تمام التمام بس ضروري تغير الزيت بلي قلتلك...
وبالنسبة لعمر الكفرات تختلف من ماركة لماركة وعلى حسب الاستعمال والممشى وانا اعرف واحد ماشي على اليوكوهاما 125000 ماغيرها الى الان.
لكن انا افضل من 2-3 سنوات.

تسلم والله أخوي تعبتك معي

بس أنا مشيت للكراج وشلت الميكانيك معي وسمع الصوت بنفسه

وقالي تقريبا هذا صوت الشفت أو الصليب أو بيرنج الشفت

بس قالي لازم أول أبطل الشفت علشان أتاكد

وبشوفه شوراح يقول

السلام عليكم
يا شباب على اي اساس بتصنفوا الزيوت وتقولوا هذا احسن و هذا ماينفع
وكمان الكفرات
و بعدين ماتهتموا في تماسكها ( رساوتها ) وهي عليها كل الأحمال ؟

بالنسبه لخوي سوبارو 2001 احتمال كبير من نفس الدفرنس صارت لواحد من الشباب وغيرنا الكرونه لنه طالعه فيها صوت مثل الونين




واخوي الي انفجرة مكينته اقول الله يعوض عليك ان شاء الله والحمدلله بدلوها لك مو زي اللجاسي 2008 الي توهق
وانا اقولك شيك الانجكترات واذا انت مركب انتيك لازم يكون من شركه معروفه ومايكون ترهيم لنه الترهيم في السوبارو في الهوائيات يحتاج دقه عاليه في الشغل لنه يجي حساس في نفس البخاخ


وبالنسبه احلى وافضل تواير لخوي لؤي ان بغيت ليونه يوكوهاما وان بغيت شكل ومنظر حلو واستعمال حلو اخذلك برجستون من الوكاله نوعيتهم بوتنزا وان بغيت استعمال وحق كرف اخذلك مشلان موديل 2009 موجود علي التاير رجال ومكتوب جنبه مشلان اتمنى اني افدتكم

السلام عليكم
احب اقول لابن هندي حياك الله في المنتدى وتشرفنا والله فيك
بس حبيت افيدك بمعلومة هي ان بخاخ السوبارو مافيه حساس ولا شي وهو اصلا يشتغل على كمبيوتر السيارة على حسب الحاجة,,,
وبالنسبة لصاحب الليجاسي 2008 مين قال لك انه توهق
هل تعرفه؟
هل تعرف وش السالفة؟
انا اعرفه واعرف السالفة تماما والوكالة اصلا مارفضت تصلح له السيارة ولا شي هو بنفسه اللي رفض

(ارجو من جميع الاعضاء الاعزاء التأكد من المعلومة تماما قبل كتابتها)
(ارجو من الاعضاء الاعزاء عدم التحدث بلسان غيرهم وهم ما يعرفون السالفة)

السلام عليكم ورحمه الله وبركاته

الله يعطيكم الف عافيه على هالحوار الجيد والبناء

الي افادنا جميعاً

والحقيقه انا حبيت انوه على نقطه

الا وهي: علينا جميعاً الا نصدق كل ما يقال لان اكثر الاخبار مجرد اشاعات وكثير منها مغرضه

فيجب التأكد دائماً من ان المصدر موثوق فيه
ليس كما حدث في انتشار ايميل السوبارو 2008 لان حتى صاحب السياره اطلق اشاعه

لشويه سمعه السياره اولا وتشويه سمعه الوكاله
وحدث ما حدث كثير منا صدق وقام بنشر الخبر
وذلك ما لا نريده في منتداكم
واشكر الجميع على جهودهم التي قاموا بها لتحسين هذا المنتدى

و بارك الله فيكم جميعا


تقبلوا تحياتي,,,,

يعطيكم العافيه بس وانا اسف عدم صحتي بالمعلومه ولاكن هذا الي صار في المنتديات بالاشاعه يعني الي مايعرف صاحب السياره اكييد بيصدق وانا واحد من صدقو الاشاعه ياخوي mr fuji واذا ماعليك امر تقولنا وش صار مع اللجاسي 2008 مدام انك تعرفه
وانا اسف للجميع عدم صحة الخبر لاكن هذا المنشور في المواقع والمنتديات




وبالنسبه الحساس الي في البخاخ راح اوافيكم باصوره عما قريب

طلع عندي صوت في القير يشبة الصرصرة يختفي لما ادعس كلتش قالولي عادي لاكنة واضح حتى الى برى السيارة يسمعة ولو غيرت طقم الكلتش بيطلع خفيف مرة وهاذا شي مهب ظريف .

أخوي بدلة فحمة الكلتش لو لا لان هذا صوت الفحمه اتوقع

ادا بدلتها قول وان شاء الله راح نشوف لك حل

صادق ودى واحترامي

مشكورين اخواني
اخوي احمد خلاص انا قليت كفرات مناسبين وصناعه يابانيه وركبتهم على الجنوط وبسعر مناسب لاني شفتهم على اكثر من سياره ومريحين
واشتريتهم بعدين

السلام عليكم ورحمة الله وبركاته ..

طبعاً انا لست ميكانيكيا .. >>> يا عيني على العربي الفصيح ..


والشباب مشاء الله عليهم واضح انهم ملمين بالمواضيع الميكانيكية ..


بالنسبة للأخ العزيز صاحب مشكلة الصوت " في مؤخرة السيارة أو الدفرنش "

اقترح انك تشيك على البيرنجات .. يمين ويسار .. صادفني مرة صوت من هالنوع وطلع منهم ..


" مجرد اقتراح "


تحياتي .. للجميع ويعطيكم العافية ..

والله انا عندي مشكله وحده وهي لما التانكي حق البانزين يصير في الشرطتين الاخيريه ولفيت على جهه اليمين السياره
تعمل تفتفه مدري ايش منه؟
وديتها كذا ورشه بس ماعرفو
بما ان مافي وكيل اليمني عندنا في الاحساء بوديها في اقرب فرصه للخبر اخليه يشيك عليها

المشكله 100% من طرمبة البنزين ولي يقول غير كذا خليه يروينا شطارته .
هذا من واقع تجربتي في سيارات سوبارو ...من 96 وانت طالع الى 2008
(يعني الى يومنا هذا)
اذا غلبت الورش كلها عنا عندي الك الحل والضمان بعد ...في احسن من كذا

بسم الله الرحمن الرحيم
اعاني في الفترة هاذي(قبل 10ايام من كتابة الرسالة) من كتمة في السيارة واحس انها ثقيلة تكتم ثواني ثم تفك مشيت فيها مشاوير طويلة بسرعة ثابتة راحت الكتمة الى تروح وتجي لاكن السيارة ثقيلة ؟
رحت لحلبة الريم ورجعت 160 كيلو خفت الكتمة لاكن برظو السيارة مهب على طبيعتها
توني مغير الزيت يمكن من البواجي(مغيرة في التسعين الف) ولاالبخاخات ولاوش السالفة علما ان السيارة ماشية 119الف
نصايحكم يااهل الخبرة

تقريباً هذي من MAF sensor الي هو الحساس الي بعد فلتر الهواء مباشرة
انت في البداية اعمل له تنظيف بمنظف إلكترونيات بدون زيت وجرب
إذا فرق معاك تمام وإذا فرق معاك كم يوم ورجعت الكتمة بدل الحساس
وإذا مافرق معاك عطنا خبر وياريت لو تفيد كيف تكون الكتمة ومن عدد دورات كم وتروح على عدد دورات كم ؟

تصير قبل 3000 دورة تقريبا 2500 وتبدا ثم تختفي وخصوصا لم ادعس عشان اتعدي 3000 دورة طبعا زي ما زكرت راحت لاكن السيارة ثقيلة وصراحة ما ابغا من هب ودب ينظفلي الحساس لاني ماعرفت وش المنظف المناسب وشكرا على الرد

منظفات الإلكترونيات نوعين في منظف صافي وفي منظف مع زيت خفيف
وهي ماركات كثيرة بس كلها نفس المواد
يعني تقدر تروح اي محل إلكترونيات وتسأله عن منظف إلكترونيات بدون زيت
ولما يعطيك المنظف جرب بخ على اصبعك ولما يتبخر تحسس اصبعك هل يترك ملمس زيتي او لا
إذا ماترك ملمس زيتي معناته انه المطلوب

تسلم اخوي على المعلومة .

رحت للوكاله عشان اغير فحمة الكلتش قالولي الافضل كامل المهم غيرتة وراحت الصرصرة وصارالكلتش خفيف يحوم الكبد صاير كاني توني متعلم السواقة
الحين هل من الضرورى تغير زيت الدفرنس الخلفي انا ماشي 119 يضر اذا ماغيرتة وهل صحيح انة يطلع صوت ......؟
وهل نفخ الحساس الي بعد الفلتر بالهواء بس ينظفى اولازم من البخاخ حق تنظيف الحساسات...

زيت الدفرنس لازم يتبدل كل فترة على حسب الإستخدام
إذا ماتبدله بتتعب البيرنقات الي جوا الدفنرس بسبب قلة كفائة الزيت

وبالنسبة للحساس الي بعد الفلتر مايضر لو نظفته بهواء دامه ماجاه اي بخار أو رطوبة
أنت نظفه بهواء وإذا حسيت ان السيارة لسه فيها رجفة خفيفة مع المشي في البداية جرب نظفه بمنظف الكترونيات نقي بدون زيت

اقتباس:
المشاركة الأصلية كتبت بواسطة H-KYD http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=3396#post3396)
رحت للوكاله عشان اغير فحمة الكلتش قالولي الافضل كامل المهم غيرتة وراحت الصرصرة وصارالكلتش خفيف يحوم الكبد صاير كاني توني متعلم السواقة
الحين هل من الضرورى تغير زيت الدفرنس الخلفي انا ماشي 119 يضر اذا ماغيرتة وهل صحيح انة يطلع صوت ......؟
وهل نفخ الحساس الي بعد الفلتر بالهواء بس ينظفى اولازم من البخاخ حق تنظيف الحساسات...



:p73:ذكرتني اول ماغيرته صرت نفسك اهلوس رحت لهم وقلت ركبتوه دحين انتو قالي مركب بس معا الوقت تتعود
طبعا سعودي الي يشنغل في الوكاله

نفخت الحساس بالهواء امس. اليوم ....طلعت بالسيارة صارت السيارة خفيفة وهادية ورجعت لحالتها الطبيعية ومع هاذا كلة طالعت لقيت لمبة الشك انجن ولعت مع انا ممشي السيارة ولا احلى......الحساس شكلة يبيلة تغير ولا.........

هذا لأنك فصلت الحساس بدون ماتفصل البطارية

موضوعها سهل إنشاء الله

افصل البطارية لمدة عشر دقايق
وأول ماتفصلها اكبس العالي علشان الكهرباء المخزنة تتفرغ
وأول ماتشبك البطارية تفتح السلف بدون ماتشغل المكينة وتطفيه خمس مرات بس أول مرة أنتظر لحد ماتنتهي الأصوات كلها
وبعدها شغل السيارة وإنشاء الله بتكون اللمبة انطفت

معليش اخوي لاكن ماتدري ان اكرة شي عندي هو فصل البطارية تدري وش يصير في السيارة لما افصل البطارية لفترة طويلة .
امبير الـrpm ينزل لاخر شي كان السيارة ودها تطفا لاكن يرتفع لحدة الطبيعي وتصير لما اجي اوقف ينزل بنفس الطريقة وبعد الاستخدام لفترة تزول الحركة تدريجيا وهاذي الحركة تتلف اعصابي.........او بمعنى اصح المتبقي من اعصابي..!
وشاكر اهتمامك والله يوفقك

أنت تدري انك كل ماتركب اي شي خفيف على السيارة وتفصل البطارية يبتدي الكمبيوتر يتعود على القراءات الجديدة ويعدل التوقيت بحسب الحاجة؟؟
وأنا أنصح أي احد يعملها لما يبدل زيت السيارة

صراحه معلومه حلوه او جديده على شاكر لك

والله معلومه زينه حيل حيل وانا لمبه الشيك انجين معلقه عندي اكثر من سنه وبشوف اسوي الحركه هذه
يعطيك العافيه اخي على هذه المعلومه

السلام عليكم ورحمة الله وبركاته

أناعندي الليجاسي 2005 أشوف إشارة ((sport)) وأنا أمشي تولع عندي لما أطفي السيارة تروح وبعد ما أشغل السيارة بمدة تولع مرة ثانية وعلى هذا المنوال ؟؟ وبالنسة للأعطال الحمدلله مافي غير المستهلكه .... بس أبيكم تفيدوني يا شباب لو سمحتوو

الأفضل فحص كمبيوتر علشان نعرف السبب

بالنسبة للمشكله حقت حساس الهواء والرجفة الي تسويها السيارة ....صراحة انا اقتنعت بكلام الاخBlack dragon بان المشكلة في حساس الهواء وحلها مثل ما ذكر فصل البطاريه و................الخ
طبعا لوقالي قبل ما تشبك البطاريه رح اركض بعــــــــــــيـــــــــد وتعال مسرع ونط قدام السيارة واصفق صفقتين ...!
فصدقوني باسويها لاكن الحمد لله رحت الوكالة وقام الاخ(يمنع ذكر اسمة لاسباب اقتصادية) وشيك بالكمبيوتر وطلع الحساس الي في القير....... ماتجي صح! غيرناة ورجعت السيارة مشاء الله لحالتها الطبيعية.......
وشكرا للجميع وبالخصوص الاخ(يمنع ذكر اسمة لاسباب اقتصادية)

لكل مشكلة حل والأهم انك تعرفها قبل لاتفكر في حلها

شباب هل الكمبرسر تبع المكيف يصلحونه محلات التكيف او الكهربائي
لاني عندي كومبرسر مجيم وقالي الكهربائي مافي شي ماينتحصل
والي يقولك الكومبرسر يبغاله تبديل وماينتصلح غلطان لانه كل شي ينتصلح
وكل مشكله لها حل بس الكومبرسر يبغالك تجيب له قطع مدري اذا الوكاله توفر قطع الكومبرسر
من بكره وبستم وشياء ثانيه

على حسب العطل الموجود واذا كان العطل مكلف الله يخلي التشليح ولا الله يعينك على الجديد

أخوي ما أعتقد في بالوكاله قطع الحين قاموو يطبقون قاعدة خذ بدل وركب مافي تصليح بالوكاله يعني تجيك قطعه كومبريسور كامله ....وعلى فكرة كمبروسور الهوندا يركب على الليجاسي بس تتاكد بالاول عندك اذا قطع الليجاسي غاليه ... شكرا

كومبرسر الهوندا يركب على السوبارو
والله زين اذا يركب بس المشكله كم سعره في الوكاله
واي نوع من الهوندا
وانا سمعت انه الصني برضو يركب
بس لسى ماجربت وماشفت

شباب تذكرو لما قلت تطلع علامة سبورت طلعت البطيخة مالت الغير تخيلو تصليحها بــ 10000 ريال مادري شتنصحوني اصلحها واللا ابدلها كامله ووين بالوكاله والا بكراج ؟؟

شباب عندي أستفسار بخصوص ليت حزام الأمان ما يبين عندي ولا له صوت اذا له صوت ..ما ادري اذا اللي سايقها قبلي فاصله بس بعرف نوعية التنبية بالأشارة والا بالصوت بخصوص الليجاسي 2005 وشكراا

معظم الليجاسي الي شفتهم وحتى الي يجون من الوكالة مافيهم صوت
المشكلة اول ماتفتح السويتش تلاقي اللمبة والعة في الطبلون بس ماتشتغل لو ماكنت رابط الحزام
ومافي صوت والمشكلة ان الكيبل موجود وموصل مابين الكرسي لحد الكمبيوتر
حاولت اشغله بس ماقدرت وكنت ناوي أشغله للراكب لأن انا على طول رابط الحزام
ومعظم الي يركبون مايربطونه بصراحة وأنا ودي اخليهم يتعلمون

اخوي لؤي سعر كمبرسر الليجاسي موديل 96 ب 3000 ريال بعد الخصم غااااااااااااااالي بقوه

بس فكره حلوه اذا فيه كمبرسر يركب على السوبارو بس ياليت تحدوون لنا نوع السياره والموديل

انقذونا انا ولؤي من الحر ما نبي يصير فينا كذا :057: ههههههههههه

اما عاد نصير زاي الي بصوره خخخخ انا صرت وخلصت
والله اخر مرى سمته السنه الي فاتت في موزعنا يقول ب2500 < غالي راتب شخص هذا هههههه
رحت التشليح يا اخوي سلطان واخذت واحذت كومبرسر ووديته لاحسن واحد كهربائي يسوي ترهيمات وكهربائيات وكومبرسرات سعودي
نظف لي الثلاجه قولي متى اخر مره نظفت الثلاجثه والفلتر؟:047: قلت له
من كنت في اول متوسط اول ماشريتها يعني مانظفت الثلاجه:yagahrhom:
قالي الثلاجه و وسخه اوسخ ثلاجه شفتها بحياتي ويقولي وتبي كومبرسر يدوم معك انت وجهك:p73:
قالي اركب الكومبرسر بس ما اضمنه لك دقيقه وحده قلت له لا يبا ابي الكومبرسر يدوم معي
واي شي تحتاج له السياره خبرني
قالي جيب فلتر جديد وشيك ولف <:047: ويوم السبت بروح اشتري القطع
الفلتر ب270 ريال معا الخصم:054:
وبركب فريون امريكي درجه ثانيه 150 ريال
المهم الي بيسوي لي
1-تنظيف وتغسيل المواصير والثلاجه
2-تركيب فريون امريكي درجه ثانيه
3-تنظيف لديتر المكيف ومواصيره
4-تزبيط الكومبرسر وتنظيفه
5-شراء فلتر مكيف معا الشيك ولف

وبهذه الاشياء يقولي راح تخلي المكيف على 1 واذا صار الجو حار بتخليه على 2 3
والكومبرسر راح يدوم معاك ان شاء الله واعطيك ضمان عليه شهرين< قلت له انا جايب لك الكومبرسر من برا كيف تظمنه قالي ياخوي انا مغسل ابي هذه طريقتي اذا سويت الي ابي وجبت الطلبيات الي قلت لك عليا اظمنك اما تبي تركب وبس ماضمنك شي المهم قال واشيك على التنسيم واغير لك الجلد من كل ماصوره
وانا انتظر سيارتي يوم الاحد تخلص وهي موجوده من يوم ليله الاربعاء:050:

صح كلامك بلاك دراقون وأنا نفسك دايم رابط حزام الأمان بس او ما اشغل النارية يبين الليت بس لما اشغلها يروح وانا مو رابطة ما ادري هل عيب مصنعي ؟؟وهل أقدر اشبكة ؟؟؟

السيارة مصممة ان صوت الانذار يطلع لمدة 6 ثواني فقط بعدين يطفي هو ولمبة الحزام ولمبة الوسائد الهوائية (srs )
وجرب اربط الحزام قبل التشغيل ما راح يطلع الصوت

يا شباب انا عندي سؤال بخصوص السير الداخلي تبع المكينه كيف نعرف اذا كان يحتاج الى التغيير او هل له علامات تدل على انه يحتاج الى التغيير. طبعا السيارة لجاسي 2003 وشكرا......

حبيبي انا رديت عليك لما سألت السؤال المرة الاولى راح تلقاه هناك واي استفسار انا حاضر

ايوة والله شفتو بعد ما كتبت هذي المشاركة و اسفين على التكرار بس لاني كنت ابغا الاجابة بسرعة
واكرر شكري لك و الله يعطيك العافية

اذا قصدكــ على سير التيمن الي داخـل المكينـه

اذا ماشي اكثر من 80000 طبعا يبغالو تغير لان لا سمح الله ممكن السير يسير محلول

وينقطع داخل المكينه وتفر البكرات والرومانات فتخبط المكينه بعيد كل مكروه

على سيارتكـ فياصاحبي لازم افضلكـ كـل 80000 تغير هذا السير لان هو اهم سير

هو وسير الدينمو

ان شاء الله اكون افدكـ بقدر الامكان

ايه نعم والله يعطيك العافية و شكرا

جنزير السوبارو مضمون ان شاءالله الى 100000 وهذا الرقم هو الحد الادنى لخدمته يعني لاتغير قبل
واذا كمل 4 سنوات قبل المية الف غيرة لانه وصل للحد الزمني
ويجب تغيير البكرات والشداد مع السير

ايه صحيح المعلومه كل 100000 الف لابد ان تغير سير التيمن

صح الكلام الي قلته لانه قبل شهر انقطع جنزير السياره لانه وصلت اكثر 300000ثاني وبعدها انقطع الجنزير
والحمد لله ماصار شي للماكينه وبلوفها
بس غيرت الجنزير ومكراته
وترى ياشباب مهم تغيير الجنزير واذا لاسمح الله انقطع
بتعرف تشوف السياره تبي تدق سلف بس ماتشتغل لاتحاول اكثر من مرتين
عشان مايخترب شي وتندم

هلا والله اخوي ليجاسي 98 الصراحه انا مثلك ما قد نظفت الثلاجه ولا الفلتر بس الغريب اني رحت للوكاله وقالي مافيه فلتر لها تجي بدون

فلتر ومكان الثلاجه ورا الدرج جهت الراكب بس المشكله ابي افكها ما عرفت قلت خلها لا تكسرها وفيه مبرد مثل الرديتر ما قد نظفته وهذا اتوقع انه يجي ورا المسجل والمكيف يعني لازم تفكر الديكور كله

بالنسبه للكمبرسر رحت غيرت الفريون وعبيته زيت قالي علشان ما يخرب ويمشيك مده بس هو بيخرب بيخرب واذا فيه كمبرسر يركب على السوبارو بدون توليف ياليت تخبرني

السلام عليكم شباب أنا سيارتي ماشية 50 ألف وفيها كلتشات الغير او السويتشات فا ما ادري هل هذا طبيعي بالنسبة لممشاها ومع العلم اني شاريها وهي ماشية 45 الف ثاني شيء أقدر اركب كلتشات من السكراب ((التشليح)) ؟؟؟ لان بالوكاله غاليات بالحييييييل

في نوعين للسوبارو الكومبرسرات تختلف من ناحيه الشكل والمواصير
يعني انا عندي 98 وصديقي عنده 98 كومبرسره شد بلد نفسي وماغيرنا المواصير
بس الكومبرسرين يختلفون من ناخيه الشكل والمواصير مواقعها
انا مركب كومبرس فورستر
شوف روح شيك على اللديتر تبع امكيف يمكن فيه تنسيم لحمهم لحام المنيوم
لو انك تجي الاحساء اوديك مكان زين حيل يزبط المكيف وانا ماشاء الله في الليل احط المكيف على 1 وابرد ماشاء الله
وفي عز الظهر على 3 صحيح تعبت عليه بس اهم شي النتيجه ولاتركب اي فريون ترى فيه صيني وفي ياباني وفيه امريكي
ركب لك امريكي الدرجه الاولى او الثانيه وخله يعبي لك زيت
ولاتزر على السياره وانت مشغل المكيف او السياره تمشي تشغل المكيف

يعطيك الف عافيه اخوي لؤي ماقصرت وان شاء الله اذا فيه جديد اخبركم

السلام عليكم
بخصوص مكيف السوبارو بأمكانك عمل ترهيم بكمبروسر هايلكس مقاس 15 انا مركبه على سيارتى اليجاسي 98 والتكلفه 600 ريال ويعمل بشكل ممتاز

قبل فترة طلع عندي صوت يجي من جهة الكفرات من اول ما امشي ويرتفع مع زيادة السرعة
صوت ونة مممممممممممممممممممممممممممممممم +شي يدور طبعا كفراتي جديدة والصوت اعلى من انة صوت كفرات رحت الوكاله واتفقنا على تاكيد انة مستحيل يكون من الكفرات وبعد الفحص تبين انة رمان الكفر بدا يتلف غيرناة وراح الصوت ولله الحمد
وشكرا لاخونا الى منور الوكالة ( شكل راسة بيكبر حتى مهب لاقي طاقية على مقاسة...:064: )

مشكور اخويي بو اصيل على المعلومه بس قولي اهم شي بارد المكيف وللا بروده متوسطه
طيب بسالك مويل كم الهايلكس وسعر الكومبرسر 600 جديد ولا مستعمل
ومشكور


اخوي حمزه زين غيرتها بسرعه عشان ماتخرب شي ثني الله يعطيك خيرها ان شاء الله ويبعدك من شرها
انا يبيلي جلد مقصات 4 ب500 <- احس السعر مبالغ فيه

يعطيك الف عافيه اخوي ابو اصيل ماقصرت بس لو تخبرنا كم موديل الهايلكس

على فكره اذا تبون المكيف يبرد زياده لازم تزود عوازل الحراره اللي على الارضيه و حتى السقف

وراح تحس بفرق في التبريد فرق وااااااااااااااااااااااااااااضح

لان اغلب السيارات الامريكيه القديمه وبعض الياباني القديم فيها عواااازل كبيره مثل الكابريس التسعاوي

مافيه احلى من مكيفه روح فك الفرش حق الارظيه وشوف العازل انا لما شفته انهبلت عازل كبير تقريبا

ارتفاعه 6 سم مب مثل اللي في السيارات الجديده الله يخلف

مشكور يا شباب على المعلومات المفيده

الله يعطيكم العافيه

تسلم يا سوبارو المبدع على معلومة العازل وكلنا نعرف ان الاجيال الاخيرة صارت تستغني عن كثير من الاشياء الجيدة يقولك تقليل كلفة ووزن ويخوفي بكرة السيارات تصير قالب يصبون فيه بلاستيك ويخلونة ينشف ثم يفكون القالب ويطلعون السيارة جاهزة بس يركبون عليها مكينة ......!

^^^
اقول اسحب هلفكره لايسونا ويصدقون
في السعوديه والخليج عادي يسوون سياره يشترونها
بس بشان العازل والله فكره حلوه وشكلي بعد بشيل التنجيده الي على الطابلون لانه لونها اسود او بحط عليهاا علم فريق
عشان الحرار تنحفظ
استغفر الله هذا جو اجل حار ويلسع من الحروره

هلا اخوي لؤي جد الحركة هذي يسونها اصحاب الجيوب الربع التويوتا والهايلوكسات والسيارات اللي مثلها ولها محلات خاصه تسويها وشغل صح

ايه جينا للهيلوكسات والجيوب الربع.....!
المهم بالنسبة لفلتر المكيف الى اعرفة ان كثير من السيارات تجي بدونة والغريب ان بعض الماركات تعرضة بشكل مستقل كانة من الاكسسوارات وكثير من الناس تجهل هاذا الشي بما فيهم انا الي مستغرب لما قريب الى انا كاتبة.........
اذكر الامبريزا 1997 gl الى كانت معي كان يطلع من فتحة المكيف اوراق الشجر ولما فكيت المروحة الي تجي عند رجلين الراكب لقيتة مليان ورق شجر وعودان صغار معد بقا الى القى عصفور معشش فيها

شكلك فاتح الامبريزا ملجا للعصافير والطيور المهاجره
بس الفلتر ضروري وغريبه زي ماقلت بعض الموديلات لسيارات ماتجي فيه
في بعض الوكالات تطلب كومبرسر يعطونك الكومبرسر قطعه قطعه يعني الصوفه لحالها
الكلتش لحالها والقفل بلحاله هو كان يكلف تقريبا ب1500 والحين يكلف 3000 او 4000 < طبعا اتكلم عن التويوتا الله يعزها هه
اجل كومبرسر ايكو يطلع ب4000 ريال معا شغل اليد ام حق بس
والي يقهر يقولون قطعها رخص التراب ومتوفره وطلع العكس بلقوه

هلا اخوي لؤي بالنسبه لقطع الغيار التويوتا الاصلي غالي بس الاغلبيه يشترون تجاري

كل مالة يزيد كرهي للسيارة بسبب هاذي الحرك الى ماقد شفت اغبى منها في حياتي ......
تفصل البطارية عشان تغيرها او تنظف الاصابع حقتها ثم ترجعها وتشغل السيارة يصير امبير الrpm ينزل بسرعة للاخير وتحس ان السيارة ودها تطفي ثم يرتفع , دلوني ياناس على حل لهاذي المشكلة الغبية مهب معقول كل مرة ابغى اغير البطارية او افصلها لثواني اروح الوكالة ! مهب معقول الكلام هذا ولاعمري سمعت ان السيارات تسوي الحركه.. الى صارتلة الحركة هاذي ولقالها حل او في يعرف طريقة الواحد يغير البطارية بدون ماتصير هاذي المشكلة الله يرحم والدية يقولى.....................

أنا أقول لك الي لاحظته والي احس اني فهمته

كمبيوتر السيارة في العادة يحاول يقرأ الحساسات ويحسب المتوسط للقيم المعطاة ويحاول ينظم شغل الأجزاء الخاصة بالمحرك
ومعظم الحالات الي شفتها بعيني تحصل معاها الحركة يكون فيها الثروتل وصخان وفي عدة اسباب
- وجود تنسيم في مواسير الهواء سواء لنظام الإدخال أو التبخير الخاصة بالمحرك
- تركيب انتيك بتصميم غير مناسب لمنطومة عمل السيارة
- استخدام فلتر غير صالح او لايعطي الأداء المطلوب

علشان تتأكد ياأخوي حمزة جرب افصل البطارية وبعدها افصل الانتيك الي على السيارة وجرب افتح البلف تبع الثروتل وحاول تتحسس الجانب الآخر منه
إذا حسيت ان ملمسه خشن فأكيد فيه اوساخ ورواسب تجمعت عندك ولما تنظفه بيظبط معاك إنشاء الله
وإذا حسيته انه املس وناعم معناتها ان الثروتل مافيه مشكلة وفي هالحالة انصحك توديها إلى الوكالة يفحصوا لك الانتيك سيستم وأنظمة التبخير بالكامل

شكرا على التوضيح وفي جميع الاحوال باوديها الوكالة لانى ماقدر اسوي هاذي الاشياء الى قلتها لاني ماني خبير في هاذي الاشياء و ماعرف وشي هاذا الثروتر ...حسبي الله على الى سوى هاذا النظام الغبي..............................

شباب هل في ضعف في الماكينه ولا وش السالفه
امس عند الاشاره وقفت يمي هوندا سفك 2008 او 2007
المهم من حركاته يبغا يقاوم معي
المهم لماصارت الاشاره خضره دعسنا وسبقته وبعد فتره قرب مني شوي شوي
وبعدها طافني وانا اتني البوهه لما طافني
وش السبب معا انه البانزين عندي كان في الشرطه االاخيره
وش السبب لاني للحين مومصدق
سيارتي الي كانت تسابق الاكورد الي اسرع من السفك وفوردات وسيارات ثانيه اقوى
تجي سفك وتقلبني < احس اني بطربل السياره وماني مطلعها الا بعد شهر من ذي القومه

هلا اخوي لؤي ممكن راعي السيفيك مزود شي

والله السيفك صراحة نشيطة

لاحد يستهون بالهوندا بالاخص السيفك والبريليود

تلاقيها سيفيك مخفف وزنها وعليها مكينة B18A وكمبيوتر jun أو spoon وشبكة كهرباء كاملة مع الإنتيك المفتوح على الآخر
بهالأغراض لما يفتح الفيتك على 3500 دورة للمحرك تندفع السيارة كأنها مزودة بتربو
أنا جربت وحدة مخفف وزنها إلى أقل من 900 كيلو ومكينتها بدل ماهي B18A مركب H22A4
ترى مخيفة بس ناقصها التراكشن علشان تكون ممتازة في التسارع
طول وقتها أول وثاني تفحط وثالث تفحط تفحيطة طويلة وتقلع
بس الوضع مخييييييييييييف لأن مافيها أي نوع من أنواع العوازل وكل شي ماله وظيفة غير انه يوقف السيارة والبدي ملغي
ومعظم القطع المعدنية تم تغييرها إلى قطع بلاستيكية إن أمكن

نفسي في سوبارو SVX وأخفف وزنها مثل كذا وأجرب بس وين تلاقيها ووين بتلاقي قطع غيارها؟؟

العين بصيرة بس الإيد قصيرة والله المستعان

ترى ال2007 و2008 جامده من بلدها ولد خالي عنده اكورد2009 جربناها مع سيفك ستوك تبع واحد من اصحابنا ومسح بالاكورد الارض فلا تستهون بيها مكينه 1,8 على بدي خفيف بعدين لا تنسى انها بنظام vitc

والله انا بالليجاسي اللي معاي قير عادي جربت مرة مع سيفك قير اوتو دحدرة صحيح اني طلعت عليه بس والله سبب لي رعب لانه كان ماسك معي صح

اها مشكورين على افادتكم لي صحيح المفروض مانستهين بلخصم بس قلت انا سيارته جديده وحجمها 18 لتر
وانا ماكينه قديمه ومتعود اجاكر سيارت ثانيه واهزمهم وانا حجم

السعه مو كل شي

عندك مثلا السوبارو 2.0 تنافس سيارات كثيره اكبر من سعتها

يشباب عندي سوال هل الثروتر موجود في كل السيارات وبنفس نظام السوبارو ولامختلف ولا بس موتري الي فية هاذي الحركة ......تعرفون ليش اسال .:f166:..لاني بمجرد ما افكر اني راح افصل البطارية في المستقبل القريب سواء في الصيانة او برة يرتفع ضغطي واقعد اسب والعن...:057:....
وياليت واحد من خبراء المواقع يشوف هل المشكلة هاذي عامة .وهل لقولها حل....:vdsvd::vdsvd::vdsvd::vdsvd::vdsvd::vdsvd::v dsvd::vdsvd::vdsvd:

ثروتر وثروتر احسه هثروتر ثقيل دم ومدري وش مهمته
الله يعينك ياحمزه لاتعصب ولا شي طنش تعش افرح تنتعش
انا الي يقهرني ازيد منك لما اشتري كومبرسر يضل عندي اسبوع او اقل ويخترب من ايش مدري
طبعا كومبرسر مستعمل نظفت المواصير وكل شي وشريت ثاني برضو مستعمل
وتي تي مثل مارحتي جيتي:f161: من القهر ودي امس واحد واكفخه:f165: تكفيخ بس يكون راضي:5745::057::f166::f166::f166::f166::f166::f166 ::f166::f166::f166::f166::f166::f166::f166::f166:

شباب رحت الوكاله الي في الاحساء سالتهم عن لديتر المكيف قالو سعر كانه اندرتيكر جا وصفعني على وجهي قالي سعره
1800 ريال < شدعوه
وقال معا اخصم 1600 ريال
اتصلت على وكاله اليمني في الخبر وقالي 1300 معا الخصم 1100 وقلت له طيب خصم 30 % قالي يطلع لك 900 ريال
بس برضو اشوفه الي
المهم اتصلت على واحد عنده قطع سوبارو وارد اليابان

وقالي الديتر والكومبرسر والفلتروغسيل التكييف وتنظيفه ومعا ضمان كله حدود ال1000 ريال الى 1100 ريال
احس السعر هذا هديه بنسبه لي ان شاء الله قريب اروح واركب الاغراض من عندده

ياحمزة لا يرتفع ضغطك ولا شي كلنا في الهوا سوا وومافيه سيارة بالعالم بدون ثروتل بس المشكلة بالالكتروني هو العلة اذا فصلت البطارية ينهبل

كيف اقدر اخلي شركة الانقطاعات المنفصلة يرجعولى النت .......كل اللمبات في المودم مولعه والحرارة موجودة.....شكلى باتصل واقول معاك وزير الحج والبترول ..يمكن يخافون ويرجعونة

ههههههههههههههههههها
الله يغربل شرك يا حمزه اجلب الحج والبترول وشدخل هذا في هذا بيقولون وزير معصب
روق ياحمزه وخذ لك كونكت تتعب معا شركه الاستهبلات السعوديه

االاحض ان حقين الليجاسي يقولون الحرارة ترتفع......ليش ما يغيرون اللاديتر بواحد اكبر ! يمكن هاذي هي المشكلة....خطر على بالي شي.........معامل انسيابية الليجاسي منخفض يعني ماعندها اي مشكلة مع الهواء وهاذي معلومة يجهلها الكثير..يمكن هي السبب في ارتفاع الحرارة على سرعات محدد لان الهواء ينساب على السيارة فوق وتحت اكثر من الجزء الاوسط...؟
اياني واياك يافوجي تقول مهب عاقل نيوتن مخترع كتاب الفيزياء للثانوية...

مع إني ما فهمت من كلامك شي... ومع إني حسيت إنك من أمس قاعد تفكر بالإنسيابية...لكن ما أتوقع للإنسيابية دخل... حتى لو جيت للسيارة وهي باردة... شغلها واتركها 10 دقايق أو ربع ساعة وطالع في عداد الحرارة... بتلقاه على النص.

لكن اللي أنا سمعته (وما أدري إذا كان خطأ صححوه) إنه فيه قطعة مركبة في السيارة ناسي إسمها بس الظاهر إنها (بوبينه)...موجودة على أساس إن السيارة بتستخدم في مناطق باردة (يعني ثلوج وصقيع وحركات)... عمل هذي القطعة هو إنها ترفع من حرارة السيارة عشان ما يتجمد الزيت داخل المحرك

منين الثلوج في السعوديه جهه عسير ممكن فيه بس الاغلب مناطق المملكه حاره جافه صيفا دافئه ممطره شتاء

ارجو الانتهاء من هذا الموضوع باسرع وقت لانه بين لنا انه فيه مخترعين وكوادر سعودية جبارة
لذا نخاف من الدول المتقدمة انها تجي وتخطفهم او الدول المتاخرة يصكونهم بعين

تصدق... إتصل علي رقم غريب... طلع لي في الجوال حول خمسطعشر رقم... المهم رديت عليه إلا وهو واحد يتكلم لغة يابانية... تشن كشن تشاو ومدري وش قاعد يهدر... في البداية قلت أحمد لا تقعد تستهبل اخلص علي وش تبي (هذا أحمد واحد بثر من العيال)... إلا والآدمي مدهر مياو تشين وأنواع الخربطة... على طول سكرت في وجهه... الوضع ما يطمن يعيال... المهم إذا اختفيت هاليومين من المنتدى اتصلوا على أهلي وقولوا لهم يدوروني في طوكيو


<FONT size=3><FONT color=navy>وأنت يا فهد انتبه لنفسك... على فكرة إذا تبع قطع من اليابان عطني خبر

اخوي كايد الثروتل يلعب يوم تفصل البطارية لانه الكتروني و يبغالك تاخذلك مشوار بسيط (او خليها شغاله شوي) علشان يتبرمج من جديد
يعني مهب مشكلة عويصة لدرجة تكره السيارة و تسب و تلعن << احس اني بانطق خخخ

برضه انا ماقد شفت الثروتل الالكتروني غير الحين على الليجاسي ( اتوقع الكامري و الاكورد والطقة هاذي الثروتل تبعها عادي ابو سلك)

اذا انت على الثروتل الالكتروني و بتنجن اجل الليجاسي الجديدة ايش راح يسووا اصحابها (هذا يوم تنزل) لانه الثروتل الكتروني و البريك الكتروني و الطارة برضه فيها نظام الكتروني يشتغل حسب السرعة و الله العالم ايش كمان الكتروني يعني يوم يجي واحد منهم يفك البطارية و يرجع يشبكها من جديد يبغاله ينتحر ههه لانه السيارة بتصير مهبولة

سؤال غبي... وش الثروتل ذا؟؟؟ ووش وظيفته؟؟؟

تدرون إذا فتحت الكبوت وش أسوي؟؟؟ أعبي الرديتر وأعبي المساحات... هذا اللي أعرفه

هههههههههههههه
زين انك على الأقل تسوي شي لما تفتحه
الثروتل وظيفته تنظيم دخول الهواء إلى المحرك بتمرير الهواء عبر الصمامات
يعني تدعس بنزين يفتح مع دعستك ولما تترك الدعسة يقفل معاك

^^^
اها مشكور على المعلومه
الحين عرفت وضيف الثروتر بس وين صاير مكانه


انا اذا فتحت الكبوت اشيك على سير الماكينه الي في الدينمو واتحسسه تحت
وعلى زيت القير والماكينه وزيت الباور وزيت البريك وماي اللديتر وكل اسبوع لازم اشيك على ضغط الكفرات

الثروتر يجي مكانه قبل مخرج الانتيك تلقاه على يمينك قطعه جايه بالعرض تقريبا بحجم اصبعك وسميكه

هذا هو

http://www.subaruksa.com/up//uploads/images/Subaruksa-8f1ca5f32f.jpg (http://www.subaruksa.com/up//uploads/images/Subaruksa-8f1ca5f32f.jpg)

http://www.subaruksa.com/up//uploads/images/Subaruksa-5d445f5084.jpg (http://www.subaruksa.com/up//uploads/images/Subaruksa-5d445f5084.jpg)

بس اخوي سلمان هذه مو كانه في سيارات القير التوماتك بس لانه سيارتي ماشوف فيها يمكن لاني مركب فلتر رياضي وشالوه الثروتر
ويعطيك العافيه على توضيحك بصور

لا لا كيف يشيلونه محد يشيله

وتجي بالقير العادي صور لي مكنتك واوريك هيا

اقتباس:
المشاركة الأصلية كتبت بواسطة impreza 2003 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=8131#post8131)
الثروتر يجي مكانه قبل مخرج الانتيك تلقاه على يمينك قطعه جايه بالعرض تقريبا بحجم اصبعك وسميكه

هذا هو

http://www.subaruksa.com/up//uploads/images/Subaruksa-8f1ca5f32f.jpg (http://www.subaruksa.com/up//uploads/images/Subaruksa-8f1ca5f32f.jpg)

http://www.subaruksa.com/up//uploads/images/Subaruksa-5d445f5084.jpg (http://www.subaruksa.com/up//uploads/images/Subaruksa-5d445f5084.jpg)

الي مأشر عليه ياعزيزي إسمه Throttle Position Sensor
الجزء المعدني الي راكب فيه هو الثروتل مثل الي بهالصورة

http://www.pentagon.com.my/components/com_virtuemart/shop_image/product/0947b6bd435bb3815d0b3ee07c65a0c8.jpg

^^^^^^^^^^^^^
كلام ماجد سليم 100%

يعطيك العافيه اخوي ماجد الثروتر يحتاج له تنظيف اذا جيت انظف البخاخ ولا مايحتاج
لانه يوم اني رحت للميكانيكي قالي شي يبيلي اغيره بس نسيت اسمه لما ينظف البخاخ
قالي وسخ يبغا لك تغيره مدري اذاالثروتر نفسه الي يقصده او لا

بالنسبة للموديلات القديمة اقل من 2004 ماهو ضروري لانه ماهو الكتروني

الحين الفلم البايخ الى اسمة ثروتل....طلع كميرة تصوير بدون عدسات ..فتحة تنفتح وتقفل(اختراع عظيم) ...مكينة هرس بطاطس وفرم رلحم......الله ياخذ من سواه....وبس

اذا شلت الثروتل يصير الموتر سريييع ومره قوي خخخخخ ( خل مواترهم تخرب )

ياخي هو يتحكم في دخول الهواء على حسب دعستك وعلى حسب rbm ولو شلته بيخل الهواء من دون تحكم وتصير عندك مشاكل مثل نسبه الهواء اعلى من نسبه البنزين وتتطلع عندك مشالكل مالها نهايه

اقول ترا الى فيني كافيني لاتقعد تبرر بابيع المكينة واركب الماطور الي علية علامة سوبارو؟؟؟؟

حلو وايش الفرق ولا بس علشان الشعار

طيب ليش ماتركب اثنين علشان تكون سيارتك توين ماطور ههههههههههههه

انا اشتكي وهم يتمسخرون .على قولة المثل الي رجله في الصندل غير الى رجله في الشبشب..........المهم شي ينحط فشي

ترى ياحمزة هالمشكلة تصيب أي سيارة ثروتلها كهرباء
إسأل اصحاب اللومينا وأصحاب الكوابرس والموستنقات الجديدة وأي سيارة ثروتلها كهرباء

إذا ودك تتخلص من السبب الي يخلي الثروتل بعد فترة انه يتسخ في حل بس معقد شوي

تعمل لك انتيك بدون اي اهواز تبخير
واهواز التبخير توصلها بخزان صغيرملفوف بعازل حراري ويكون بنهايته من أسفل هوز يرجع إلى نفس الهوز الي يكون مشبوك بالعلبة السودا من تحت
والاهواز الي تكون مشبوكة بالعلبة من فوق توصلها بالخزان من فوق

بس مع بداية كل صيفية تفك الثروتل وتعمل له تشحيم خفيف وبدقة يعني ماتترك اي شحم زايد وأمورك كلها طيبة

طبعاً هالطريقة تستخدم مع سيارات الأداء العالي لأن يستخدمون زيوت نسبة تبخيرها عالية مره لضمان انسياب الزيت لكل اجزاء المحرك تحت الضغط العالي

والله يا ماجد قلبت مخي

حمزه عندك حلين يا ددباب بطه حق البقالات ولا ذا معقد بعد او سيكل خخخخخ

انت بس تعال الشرقية وأنا اوزنه لك صح هههههههههههههههههه

قالولي عليها كثير اني اسويها

بس فضلت اني احط ليات بدالها

لقيت اربع سماعات ليجاسي في التشليح موديل 2007 السياره مافيها شي

بس واجهه وما اثرت على المكينه المهم وصلت معاه اني اخذها ب 300 ريال

كيف السعر ممتاز ولا ....!!!!! وازود 50 واخذ البوري معاه

ايش رايكم اتوكل على الله واخذها

لو يخفض شوي يكون احسن بس دام انهم تبع الوكاله اكيد سعرهم مناسب والبوري برضو اخذه لايفوتك
تدري سعر الوكاله البوري شكله غالي

يحقلكم تتمسخرون انا كرهت السيارة واليومين هاذي بدى يستهبل مع انى منظفة قبل فترة ..كرهت السوبارو كرهت الطلعات بطلت اهتم بالسيارة كل ماقلت بازين فيها شغلة ينطلي ويقعد ينكد على ويخليني ابطل من كل مشاريعى الله يخسف الارض تحت رجلين الثور الى صمم القطعة وخلاها بهاذا الشكل الغبي....انا ماوراي شغلة الى هى...الاخوان اصحاب السوبارو الرجاء الافادة حول هاذا الموضوع ..اشيلة ...اركب واحد جديد ...ابيع الموتر ...اشب في نفسي............الحمدلله على كل شي لاكن الى متى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حمزة انت جربت وديتها الوكالة؟؟

الف مرى ...........يفكونة وينظفونة بس ....يجلس فترة توصل بعض الاحيان شهور وبعض الاحيان ماتكمل شهر........تروح وتجي تروح وتجي ...........

طيب انت مركب لك انتيك ولا شي؟؟؟
وخاطري بسؤال
شنو نوعية الزيت الي تستخدمه لسيارتك؟

ماركبت اى شي على المكينه.........والزيت حق الوكالة ابو10000 ومنتظم في تغيرة ............صدقني المشكلة انى القطعة هاذي مصممة لتكون مشكلة...!

اخوي h-kyd انا معاي امبريزا 2.0r 2007 وعندي نفس مشكلتك والحمد لله راحت وانا اقولك كيف راحت
يوم جاتني كنت اقول عادي الدينمو لازم يشحن اخرتها رحت الوكاله نظف الثروتل مدري وش اسمها
المهم نظفته وطلعت السياره حلاوه

هههههههههههه اما عند ماجد بالله عليك ماجد هو اللي سواها ما شالله عليه ماجد هذا شكله فنان

ان شالله تنحل مشكلتك اخوي

اخوي حمزة إذا الزيت الي هو موبيل 1 سوبر سين حاول تشوف لك غيره لأن نسبة التبخير فيه عالية
بشرح لك بشكل مبسط ليه لما الشخص يركب انتيك تصيبه هالمشكلة أو انه يستخدم زيت نسبة تبخيره عالية

في البداية بشرح لك طريقة التبخير وليش عاملينه

أول شي العلبة السودا الي الكل يتسائل ليش مايريحون بالهم ويخلون بس بايب عادي

العلبة اساساً فيها بايب مثل ماالكل وده انه يكون ويريح باله
البايب عادي يمر فيه الهواء
العلبة يدخل لها بخار الزيت من الأهواز الصغيرة الي تتركب في العادة في العلبة من فوق
العلبة بسبب ان الهواء الي يدخل عبر البايب الي يمر بالعلبة يبرد المحيط الي هو الي يكون العلبة نفسها
بخار الزيت لما يدخل والمحيط بارد مقارنة بالمحيط الي في رأس المكينة يبرد ويتكثف وينزل من الهوز الي بالعلبة من تحت ويرجع للمكينة

طبعاً العلبة مهي محكمة الإغلاق بالكامل من الداخل يعني الهواء لما يدخل العلبة مايروح للثروتل مباشرة
في فتحات صغيرة يمر فيها الهواء ويدخل العلبة ويبرد بخار الزيت

إلى الأن مافي مشكلة

لو استخدمت زيت نسبة تبخيره عالية الي بيصير انه البخار بيكون زايد نوعاً ما وبيدخل بشكل زايد مع الهواء الي يدخل إلى الثروتل بالذات لما تكون دايس بنزين وتترك الدعسة مرة وحدة

الزيت لما يلامس جدران الثروتل بيلتصق فيه وكل ذرة غبار بيمسكها

ونفس الشي لما الواحد يركب انتيك بيصير معاه نفس الشي والسبب ان بخار الزيت مابيكون عنده فرصة انه يتكثف وينزل إلى المكينة
وأكيد الي مركب انتيك معظم وقته بيكون دايس بنزين على الأخر يعني البخار مايلحق يدخل الإنتيك إلا وطار رواسي إلى الثلاجة عبر الثروتل

والله تعالى اعلم

واو............تصدق اني طلعت اركض حول الشقة ...! لاتسالني لايش لانى مادري وش الى خلاني اسوي كذا..؟
اشكرك على الشرح ريحت اعصابي واعطيتني امل جديد بان المشكلة خلاص راح تنحل..بس مادري اذا اقدر اعرف وش الزيت المناسب من نفسي...
الف شكر لك ..والحين ....
اروح اكمل الركض......:p73:

ان شاء الله تنحل مشكلتك يا حمزه
لانه اشوفك من جد متضايق على هسالفه
واذا انحلت لاتنسى تبلغنا

إذا خلصت علمنا كم نزلت كيلو... أوكي... ولا تنسى القطو... شايفه فوق الكبوت قبل شوي :p73:

الزيت بكل بساطة تشوف دليل المستخدم وبتلاقي فيه الزيت الموصى به

شباب واحد من ربعي عنده ليجاسي اوتو واستغربت يوم قالي فيه سيارته فلتر قير
هل صحيح انه سيارات الاوتو فيها فلتر قير والعادي مافيها ولا ثنتينهم فيهم
لانه ماعمري غيرت فلتر قير

الأوتو فيها فلتر زيت للقير بس العادي مافيها
لأن القير العادي الكلتش واحد ويكون مابين المكينة والتروس يعني مابيكون مغمور في زيت مثل القير الأوتو
القير العادي الزيت تبعه بس علشان التروس والوصلات الي داخل القير علشان كذا
مايحتاج فلتر لأن مابيكون في رواسب ناتجة من أحتكاك

يعطيك العافيه اخوي ماجد فدتني وافدت الاعضاء
للاي يهمه الامر

بس لاتنسى اخوي لؤي ان حتى زيت القير العادي يتبدل كل فترة
إما كل سنة أو كل 50000 ايهما اسبق
لأن مثل ماانت عارف الزيوت لها عمر افتراضي

صحيح كلامك وانا كل سنه اغير الزيت تبع القير وكل شهر لازم اشيك عليه اذا جيت اغير زيت الماكينه

السلام عليكم

عندي مشكله طلعت روحي صار لها اكثر من 5 سنوات وهي انا عندي ليجاسي 2003 قير عادي لما اجي اقوم السياره تقوم السياره ترجف بقوه غير طبيعيه مع اني بدلت البواجي والكلتش والديسك والفحمه ولى في فايده وسالت شباب يقولو لي هدي طبيعيه مع العلم انا اخدت السياره وكاله وماكانت السالفه فيها لكن لما ركبت بها الطعس يوم العيد حرقت الديسك وبدلته في وكاله بالبيد وبدات المشكله بعدها


وعندي مشكله ثانيه : الاحظ في سيارتي ايام الصيف وخاصة في الظهر تجي كتمه قويه في السياره قطعه ارجو الافاده

لاحظت خلال تجوالي في المنتدي ان الشباب الي يغيرون في نظام العادم يشتكون من الحساسات الي تبدا تلخبط مع بعض.........ليش بين قل قطعة والثانيه حساس......وحساسات الهواء الي في البداية ليش مانجمعها مع بعض وخلاص ..حتي حساسات مابعد المحرك....؟

الرجه القويه اخوي من الحذاف يبغاله تعديل لانه لو ماتعدل حتستمر الرجه وينحرق عليك الديسك والكلتش من جديد عدله وحتروح مجربه ولو عندك سيوله غير جديده وريح بالك لانه تعديله يبغاله واحد فناااان ولا حتبقى الرجه على خفيف.

الحذاف هو الوحيد الي مابدلته لاني ماتوقع منه بس انشاء الله ادا صارت عندي سيوله راح ابدله

وقبل لابدله بجرب اركب واحد مستعمل

يأخواتي ساعدوني

سلام عليكم أخواني أنا عايش في روسيا و أملك سيارة سوبارو ليجاسي موديل 92 محرك 2 ليتر بلا تيربو المشكلة في أرتفاع الحرارة .... الماء الموجود في الردياتر عند أرتفاع الحرارة عم يتجمع كلو في موسع الدياتر المعلق فيه ومنو عم يطلع الماء .... الترمستات فكيتو و نفس المشكلة مافي فرق ... الطرمبة تعمل بلا أي صوت وما أدري كيف تأكد من عملها بشكل جيد ... المروحة تعمل بشكل جيد و بلا مشاكل ....
أرتفاع الحرارة يحدث عند زيادة الجهد على المحرك و أرتفاع يحدث ببطئ و عند أرتفاع الحرارة الماء يذهب إلى موسع الردياتور و بنسكب منها و عند أطفاء السيارة و لعدة دقائق الردياتر يشفط الماء من موسع الردياتر ...
أخواني أسف على أزعاج بس أنا في مكان لا يوجد فيه ورشات تفهم في السوبارو أرجو المساعدة

جرب غير غطاء الرادياتور وإنشاء الله تنحل مشكلتك

احتمال واتوقع انه من راس المكينة

جرب تسييخ اللديتر وتشيكم على المراوح والغطاء وشف رعه المراوح اذاتحس انها بطيئه غيرها او سو لها تعمير < اصلاح باليراني

السلام عليكم يا شباب

انا ظهرت عندي مشكلة والله اني خفت على المكينة من بعدها
انا عندي ليجاسي 2007 وانا اغير الزيت كل 5000 المهم
هذاك اليوم كانت السيارة ماشية على الزيت تقريبا 4800
وكنت ماسك خط وماشي تقريبا 240 كم/س
المهم الا شوي ظهرت لي اشارة حمرة على الطبلون Oil temp والله وهديت
وجنبت على الطريق المهم فكيت الكبوت الا دخان مو كثير يعني شوي
المهم والله انخرطت فيها .
طفيت السيارة على طول وماادري ايش جاني وقالي طالع على باب السيارة
فيه استيكر صح .
قريته ومكتوب على انه اذا ظهرت العلامة هذي لازم تهدي السرعه
وبعدين مشيت ومهدي ماشي 120 وراحت بس قلبي طاح ههههههههه
الحمد لله جات سليمة .
نصيحتي لكم لا تنسوا تغيرو الزييييييييييييت يا شباب
اعطي السارة حقها تعطيك اكثر .
وآسف على الاطاله .

^^^
زين ان ربك ستر والله
اهم شي الزيت لانه صارت لنا سالفه بس الحمد لله عدت على خير واي واحد باقي شوي على تبديل الزيت لازيد السرعه
لانه الزيت يكون قليل ومايلحق للماكينه واللزوجه تكون ناقصه فيه

السلام عليكم ورحمة الله و بركاته
كيف حال الشباب ان شاء الله طيبين
كل عام وانتم بخير و مبارك عليكم الشهر
الموضوع و ما فيه :
هل الطبلون تبع اللجاسي H6 موديل 2007 - 2009 يشتغل على اللجاسي H4 لنفس الموديل او لا :047:
نبغاكم تفيدونا واذا احد سوا الحركة هذي او يعرف احد سواها يقولنا هل فيها عيوب او هل ينصح فيها او لا :p73:

المفروض تركب بس يبيلي اشوف مخطط التوصيل علشان أتأكد
بحاول ادوره وإن لقيته برد لك خبر وبالنسبة للطبلون إذا كان قدامك كلم راعيه وقول له تبي تجربه اول
بس على فكرة بيختلف عندك قراءة عدد دورات المحرك والسرعة اتوقع

الله يعطيك العافية و ما قصرت يا Black Dragon
بس شكلي اباصرف نظر عن الموضوع نظرا للكثرت الاختلافات بين الطبلونين و شكرا ......

اول مشاركه لي وانا اول ما شفت الموضوع قلت : انا ويني عنه من زمان وكنت وقتها قاعد انخش في راسي افكر هههههههههه

انا صراحه حبيت انصح جميع اهل السوبارو وخاصه وتحديدا السوبارو كافه

قصتي :

اول ما خذيت السياره طبعا اول سياره بحياتي اشتريها وهي امبريزا

يوم رحت الوكاله وقالي الموظف شنو المواصفات

قلت له فل اوبشن

فرديت عليه قلت له شنو موجود اقدر ازيده على السياره

قال: في عندنا هوود نفس الأس تي اي كبوت بس مع فتحه

وعندنا زينون

قلت والهوود بكم قال 100 دينار

والزينون 100 دينار

قلت مشكور خل السياره نفس ما هي , وطبعا هذا اغبى وافشل تفكير فكرت فيه

والحين تحسفت اني ما ركبت هووود على سيارتي لأنه فعلا منظر :)

المهم الحين نجي للزينون

رحت محلات الكويت وخذيت زينون صيني يعني مشي حالك , وبعدها بشهر حسيت ان الليتات صارت ضعيفه

طلع المحل اللي مركبلي الزينون ما سكر غطاء الليت عدل , وقام يدخل غبار ووصخ داخل الليت :( صار شكلها كأنها موديل 99 مو 2008

المهم ورحت نظفت الليت بـ 40 دينار يا ساتر

والى الأن وانا اعاني ابي زينون نظيف ما لقيت , وتقريبا ركب زينون حول الـ 5 مرات ولا واحد ظبط معاي , وانا محتار ابي زينون ما لقيت احسن من الوكاله

فأحب اقول للشباب اللي ما اشتروا سيارات للحين , اول ما تشتري ركب اللي بخاطرك من الوكاله دام انك دافع دافع

واي شي رخيص ركبته , لأنه دام من الوكاله صدقني ماراح يضر السياراه ابدا ابدا :)

تقبلوا تحياتي ,,,,,,

السيارة حاليا بالوكالة لصيانة شاملة

1- عندي مشكلة الكتمة عند 2500 rpm مثلا اكون على الثالث وادعس عند ال 2500 احس في شي يضع السيارة او مثل يمسكها من انها تمشي بعدين بعد ال 3200 تف..وش المشكلة؟

2- اذا دعست بقوة (يعين اقاوم من الصفر) بعد ما اغير الثاني والثالث اشم ريحه قوية مدري من وين...اكيد المكيف طافي والفتحة مسكره حقت التهوية من الخارج..

3- هل لازم خرط الهبات؟

4- انا استخدم كاسترول 20-50 وبالشتاء 10-40 حق الأيدج..كويس؟

5- يتغير نسبة الدفع مثلا بالوكالة يغيروع بانه يصير 70-30 خلفي؟

شوف وانا اخوك من ناحيه الكتمه ترى معظم الامبريزات اللي هنا فيها هالكتمه وكل وحده تعدله بطريقه غير الثانيه وبعظهم لايومك ذا ماراحت انا احس السيارات فيها خلل مصنعي

تقريري عن السيارة بعد ما طلعت من الصيانة:

ما اقدر وش اقول عنها..ماشاء الله صارت احسن واقوى..اول ما شغلتها احتلفت عن اول وراحت الاصوات..وتحس انك توك ماشغلتها من كثر انها هاااادية
اول شي لاحظته الكلتش ثقيييييييل (كنت مستأجر لانسر ابو كلب, هههه الله يبعدنا عن السيارات هاذي والاستأجار) المهم طلعت وكل شي تمااام قوة وكل شي فيها احسن من اول..

ملاحظات:

1- ملاحظها من اول..البطارية يمكن ضعيفة..شفتها والدائرةلونها سوده..يعني اشحن..هل يعين اشحن او اغيرها؟ ما كملت سنه؟ بعدين مو لازم السيارة تشحنها وانا ماشي؟ الدينمو خربان يعني؟ كيف اشحنها؟

2- صوت من العكوس ماراحت..

3- الكفرات حصلت على Dunlop Maxx GT وشفتها على النت..بس ما ادري هل الطبعة تختلف او طبعتها ماهي مثل مايقولون رياضيه؟ انا دائما اسوي حركة عن المديورات والدخلات.. مثلا اشارة واطلع يسار..بس الف اركب اول وادعس مع اللف..اخلي السيارة تزحف ...هل تصير مع كفرات معينة مثل خطوط معينة؟ اذا جديدات صعب اسويها؟

4- ودي اجرب اركب الشمعات بنفسي؟ سهلة؟

ودي حلمي اواحدمن الاعضاء يعطينا طريقه كيف نغيير جلد المقصات وهل هي صعبه اوسهله عشان ماتوهق

مشكلة جلد الابواب طالعة...كيف اركبهم صح؟

يالؤي بالنسبه لجلد المقص ترى شغلتها ماهي صعبه بس انها يبغالها مخرطه عشان تكبس الجلده الجديده يعني انت ممكن تفصل المقص من السياره وبعدين توديه للمخرطه وتكبس الجديد ومن ثم تركبه في سيارتك

بالنسبه لجلد الابواب ماادري تقصد انها مقطوعه وطالعه من محلها ولا بتغى تركب جديد؟

الجلد مو مقطوعه..الجلد الخلفية من زاوية الباب او عند الانحناء نازله او فالته من مكانها..اذا تسكر الشباك من برى ما تشوف الجلد ومن داخل تشوفها طالعه ومو ماسكه بالشباك..

تتغير لجديد؟

مالك الا غرى سيليكون لانها تكون مثبته بمشقبيه وماتنفك المشقبيه الا بقطع الجلده وهذا اللي صار معاك

سوبارو 2001
يمكن الدفرنس:047: واذا كان هو بيكون عندك احتمال ان المشكله من الزيت سواء يحتاج تغيير او انه ناقص
او ان الدفرنس بدا بالتاكل
ولتتاكد ان المشكله من الدفرنس يبيلك تمسك خط:049: وشوف السرعه الي يطلع الصوت فبها اكثر ولما توصلها شيل رجلك من البانزين اذا راح الصوت واختفي تماما فهذي مشكلة دفرنس سواء زيت ام تاكل واذا ماراح الصوت يكون فيه احتمالات ثانيه مثل ما قالو الاخوان ممكن الكفرات او البيرنق او غيرها انت جرب زي ما قلت لك وعطنا خبر بس لاتسرع ترا مالي دخل في القسايم:p73:

ايه صح نسيت
انا كانت السياره تكتم والعزم رايح:054: وخفت من مشاكل البخاخ والكويلات وال..........وبعده اكتشفت المشكله
السبب كان من فلتر الهوا بس:ta3ajub:
ونظفته ورجعت السياره طبيعيه
وهذا يدل على اهمية تنظيفه بشكل دوري وخاصة في السوبارو
هذي تجربه من تجاربي
تحياتي لكم
ابوغلا

صحييح كمان تأكد من الفلتر والي مركبه رياضي hls يعني يمكن بالرياض والغبار كل اسبوع اذا مو اقل..

تسلم..

صحييح كمان تأكد من الفلتر والي مركبه رياضي hls يعني يمكن بالرياض والغبار كل اسبوع اذا مو اقل..

تسلم..


كلامك صحيح بالنسبه اغبار الرياض
الله يعين بس

شباب...بعد كم تجربه للسيارة بعد الصيانة..في عدة نقاط طلعت او ما ظبطت:

1- اول ما اقلع واول ما يشبك الكلتش مع الماكينة (يعني تمشي السيارة) اسمع صوت طق طق من عند الكفر (من عند الكلتش..) وكمان يوم اطلع على المطب بقوة شوي بس..اسمع طق طق وتك تك

مغير ربلة العكس...بس الميكانيكي برى الوكالة قال ان الذراع (سماها واحد كراسي مقص..مدري) الثنتين يحتاجون تغير.. بالوكالة قالو مايحتاج..مدري مين الصح..

2- لما ادز بالسيارة بعد مدة اشم ريحه تطلع مدري من وين..
(ممكن كثير انها ريحة العادي يتسرب من عند الماكينة) (رحت للصناعية وقال حلقة الشكمان من الماكينة يبيله لحام كهربا او تغيره بالكامل (ومافي امل اغيره) قال بصلحه ب 250 ريال(قال يبيله مدة للفك وتركيبو لحام يعني 4 ساعات)

3- دخنه سوده من الشكمان على rpm عالي مرة وعند الغيارات (خويي كان وراي وشاف دخنه تطلع يوم اني اغير غيارات) (او تطلع وانا واقف بس ادعس لها للاحمر) وش هذا؟
بنزين مو محروق؟ كربون؟ كيف يروح؟ منظف الثروتل والبخاخات ونظام البنزين كامل.. وش الحل؟؟؟

4- انا بركب الفتحه وبفتح 3 او 2 فتحات بين الجسور حق الكبوت عشان توازنه..وبجلد الكبوت اسود..انشاء الله بس ما يكون مشكلة مع الشرطه واللون على الاستمارة..

ممكن تفيدوني على النقاط...

صلحت السيارة..وباقي علي 1.3.4

الل هيعين...تراني طفشت من الصناعية ومن التصليح...

اخوي ديفد شكلنا بنعينك شيخ للصناعيه
ما صارت مشاكل ذي :p73:
على كل حال بالنسبه للطقطقات وما شابهها ترا سمعت اكثر الشباب يقولون عادي
وللتأكد روح ميزان اليرموك القديم وهو يعطيك الخبر الاكيد
وباحاول اشوفلك حل للمشاكل الثانيه
تحياتي ابو غلا:050:

وعلى فكره
مشكله 2 كيف حليتها وكم كلفت عشان نستفيد:Thanks2:

مشكلة الريحه الي تطلع ماني متأكد اني حليتها تمام التمام...اعتقد انه السبب من الشكمان من بداية الماكينة يسرب وعلى ضغط عالي توصلك الريحه لانها تقريبا تحتك..

امس من الساعة 9 وهو يفك بالشكمان..فك سلكين الحساسات وفكهم من عند الماكينة لين الدبه الرصاص بالوسط..بعدين شافهم وقال انه لازم لحام كهربائي (والله ما تقدر تشوفه بعينك ولا تنعمي ههه) واشتغل عليهم..بعدين شاف ان القطعه الي تجي بين الماكينة وبداية الشكمان مثل جلده او حلقه يبيلها تغير لانها متاكله..وطبعا بالصناعية تحصل قطعه مثل هاذي مستحيل للسوبارو ودقيت على الوكالة قالو ب 20 ريال للحبه (احتاج 2) وما تتوفر لين الاحد..دبرتها بانه حط طبقه سيليكون اسود عليها وركبهم ورجع كل شي مكانه وتأكدنا وماطلع شي..(الصوت رجع احسن من اول بمراحل بس صرت احس ان ضغط الماكينة اول احسن مدري وش يكون بس ظبطت معي بعدين مع التجريب والوقت)

الريحه ما طلعت مثل اول بس باقي اشمها شوييي وبعض الاحيان...

انشاء الله بركب هيدرز مكانهم بدال ما ابدللها كامل من الوكالة..

الي يتعبني باليارة قطع الغيار مشكله..

فكهم 200 و4-5 ساعات شغل و50 لحام.. + غيرت البراغي والصواميل(15 ريال)

مشكلة الريحه الي تطلع ماني متأكد اني حليتها تمام التمام...اعتقد انه السبب من الشكمان من بداية الماكينة يسرب وعلى ضغط عالي توصلك الريحه لانها تقريبا تحتك..

امس من الساعة 9 وهو يفك بالشكمان..فك سلكين الحساسات وفكهم من عند الماكينة لين الدبه الرصاص بالوسط..بعدين شافهم وقال انه لازم لحام كهربائي (والله ما تقدر تشوفه بعينك ولا تنعمي ههه) واشتغل عليهم..بعدين شاف ان القطعه الي تجي بين الماكينة وبداية الشكمان مثل جلده او حلقه يبيلها تغير لانها متاكله..وطبعا بالصناعية تحصل قطعه مثل هاذي مستحيل للسوبارو ودقيت على الوكالة قالو ب 20 ريال للحبه (احتاج 2) وما تتوفر لين الاحد..دبرتها بانه حط طبقه سيليكون اسود عليها وركبهم ورجع كل شي مكانه وتأكدنا وماطلع شي..(الصوت رجع احسن من اول بمراحل بس صرت احس ان ضغط الماكينة اول احسن مدري وش يكون بس ظبطت معي بعدين مع التجريب والوقت)

الريحه ما طلعت مثل اول بس باقي اشمها شوييي وبعض الاحيان...

انشاء الله بركب هيدرز مكانهم بدال ما ابدللها كامل من الوكالة..

الي يتعبني باليارة قطع الغيار مشكله..

فكهم 200 و4-5 ساعات شغل و50 لحام.. + غيرت البراغي والصواميل(15 ريال)



الله يعينك

بس صراحة !

كل هذا على سيارة موديل 2006 اذا ماني غلطان

طبعا مو قصدي استهزئ, لكن انا كنت افكر بالسوبارو امبريزا خصوصا شكل 2006

و النتيجة واحد من اثنين :

اما انك كارفها كرف لم يصل اليه انسان من قبلك !

او ان السيارة ما تتحمل المكدة و خصوصا اجواء الخليج الحارة.

و الله يعوض عليك

لا بصراحة..السيارة مافي احسن منها...بس انا تحمست عليها شوي (رالياً) ههه
بس رجعت مثل اول واحسن كأنها جديدة..ووعدت نفسي اني ما اتحمس ثاني مرة...


السيارة داخله قبل ما اشتريها في راليات واوتو كروس وحسب ما قالي الي شاريها منه ..
يعني اعتقد انه هو الي متحمس عليها وحظه انه ما صار عليه شي بعدين انا كملت عليها..

الحمدلله على السلامة بس :)

السيارة تستحمل والسيارة قوية...ابدا ما ننزل من هيبتها وقوتها..(يعني قول اني انا الي كارفها ولا تقول ان الامبريزا ما تتحمل

اما الاجواء هذا ما عليه تعليق ابدا...

السوبارو معروفه بقوتها وكل السيارات في العالم تحتاج صيانه واذا السياره مستخدمه في سباقات والله ما قصرت باقي تمشي اصلا انا استخدمت موديلات مختلفه من السوبارو من موديل 86 والى الان معي وقويه ما شاء الله عليها و موديل 98 ونفس الشي مره سافرت بها 1000 كيلو وانواع المطارح والسباقات و صار القير ( عادي ) ما يعشق زين ويوم وديتها بنشر اكتشفت اني مسافر عليها والقير ما فيه زيت ابد وعبيت زيت وظبط ما عدا الخامس صار فيه مشكله يعني لو سياره ثانيه كانالقير كله ودع
والحين عندي 2006 والحمدلله كل الامور تمام

عندي مشكله يا ريت تفيدوني فيها

من يومين سرت لمن ادعس الrbm صار يوصل لخمسه علما انه يوصل لسته

ويوقف الrpm عند خمسه وتكتم السياره

روحت نظفت الثروتر والبخاخات ونفس المشكله :047:

كيف يوقف عند 5؟؟؟ يعني ما يطلع فوق ال5؟

شوف حبيبي اذا كانت السياره العزم فيها طايح فيمكن ان السبب من الشكمان انه فيه صدا يسده
او من منظم البخاخ
و عالعموم بلاك دراقون اتوقع عنده خبره في هذي الشغلات
تحياتي للجميع

محد فادني :053: :078::008:

محد فادني :053: :078::008:

افا عليك الي تبه حاظرين اخوي:050:

سولها تصفيه للمكينة يمكن يضبط الضغط ......

اقتباس:
المشاركة الأصلية كتبت بواسطة impreza 2003 http://www.subaruksa.com/vb/Subaruksa/images/buttons/viewpost.gif (http://www.subaruksa.com/vb/showthread.php?p=14702#post14702)
عندي مشكله يا ريت تفيدوني فيها


من يومين سرت لمن ادعس الrbm صار يوصل لخمسه علما انه يوصل لسته

ويوقف الrpm عند خمسه وتكتم السياره

روحت نظفت الثروتر والبخاخات ونفس المشكله :047:

افا عليك بس
انا اقول ان هذي المشكلة من حساس الكرنك او حساس الكامات

اقتباس:
المشاركة الأصلية كتبت بواسطة impreza 2003 http://www.subaruksa.com/vb/Subaruksa/images/buttons/viewpost.gif (http://www.subaruksa.com/vb/showthread.php?p=14702#post14702)
عندي مشكله يا ريت تفيدوني فيها


من يومين سرت لمن ادعس الrbm صار يوصل لخمسه علما انه يوصل لسته

ويوقف الrpm عند خمسه وتكتم السياره

روحت نظفت الثروتر والبخاخات ونفس المشكله :047:

افا عليك بس
انا اقول ان هذي المشكلة من حساس الكرنك او حساس الكامات

او حساس الدق ! nock sensor

انا اشوف انه يسوي فحص كمبيوتر اريح ويعرف الخلل
وبالاخص الحساسات

وفيه ورشة الجابري في الصناعية القديمه يمدحونه في هاذي الشغلات بس انا ما جربته

و لا تقول ما حد فادك ,,,,, شف الشباب كلهم اعطوك خبراتهم ,,, وبالتوفيق ولك مني ادعيلك:yarab: بان المكينه تظبط معك هاه وش بعد تبي ابسط ياعم :rqs:,,, هههه

يعطيكم العافيه جميعا

الله يعطيكم العافيه ما قصرتوا وان شاء الله بروح اكشف على الحساسات

اللي قالوها الشباب واسوي فحص بالكمبيوتر

:Thanks2:

الله يعطيكم العافيه ما قصرتوا وان شاء الله بروح اكشف على الحساسات

اللي قالوها الشباب واسوي فحص بالكمبيوتر

:thanks2:

بالتوفيق اخوي بس عطنا خبر عن الي يصير معك

سلام
:050:

السلام عليكم

كل عام وانتم بالف خير وصحه وعافيه بمناسبه قرب عيد الفطر المبارك

واحب اشكركم علي هذا الموضوع الطيب

يالغالين انا مشكلتي مع سيارتي سوبارو ليجاسي 2.5 2002

المشكله والله عويصه واقلقت سماي طبعا السياره تجيها حالة تفتفه وتقطيع

طبعا الحاله هذه ماتجي الى وقت النهار اذا كنت امشي وحاطها بنمره 1و2 تبدي تقطع السياره

يعني لاز ادعس بنزين بزياده عشان يروح التقطيع المشكله هذه صارلها حدود 4 سنين من ايام بالبيد

وديتها بالبيد فحصوا كمبيوتر قالوا حساس الهواء خربان لازم تغيره غيرته قعدت شهرين ورجعت الحاله

طبعا السياره دخلتها الوكاله قبل شهر وغير بواجي واسلاك بواجي وفلتر بنزين وفلتر الهواء ومنظم ضغط البنزين

وقعدت السياره من شهر 8 الى قبل ولا اروع يوم جاء امس رجعت الحاله بس باللليل وهي وقافه ترج السياره وتطفي

البلص rpm ينزل وقت الرجه الى الصفر طبعا طربمه بنزين مغيرها قبل فتره فما اادري وش الحال والله كرهت السياره

بسبت الحركه الغبيه هذه

انت في الرياض ولا وين؟؟؟؟؟؟؟

بعدين اللي فهمته من شرحك انها مشكلتين مختلفة!!!
وانت تقول انها رجعت زي اول
ياليتك توضح اكثر وتقول كم ماشية السيارة وهل هي مكينة بلدها ولا لا

انا من الشرقيه يالغالي

والمكينه شد بلد والسياره ماشيه 200 الف وعليها

شباب من يومين سمعت صوت عكس جهه اليسار مدري اذا يبيله تبديل اويبيله تشحيم ؟ صوت خفيف اذا جيت الف جهه اليسار
فيدونا اذا يبيله تغيير اوتشحيم لو بروح الوكاله بيقول يمكن غيره ومابي ادفع فلوس على شي يتعدل

شباب من يومين سمعت صوت عكس جهه اليسار مدري اذا يبيله تبديل اويبيله تشحيم ؟ صوت خفيف اذا جيت الف جهه اليسار
فيدونا اذا يبيله تغيير اوتشحيم لو بروح الوكاله بيقول يمكن غيره ومابي ادفع فلوس على شي يتعدل

احتمال يكون بس تشحيم فتاكد من جلد العكس او ان العكس في بداية التاكل و اذا بداء العكس بالتاكل والخراب يطلع طقطقه شوي شوي خصوصا مع اللفه ومع الوقت يطلع الصوت مع الدعسه
وهنا لازم يتغير
اتمنى ان اكون افدتك:050:

اخوي ليجاسي 98 الصوت اللي عندك كان عندي على ايام الموتر القديم 94 وكنت اول مايطلع اروح اغير جلد على طول عشان انا مره خليته وبالاخير راح علي العكس يعني روح غير جلد انا كنت اشتريها بـ80 ريال للواحد وقبل ماتشتريها روح للصناعيه خله يشيك اذا كانت دفع رباعي لان سيارتي كانت امامي

خلاص العكس اخترب بغيره والجلد سليمه
بس وش الي يخرب العكوس

العكوس تخرب هااااها لما تفحط واجد هههههه يابوبو روق على الموتر
زي ماقلت لك التفحيط وفيه اسباب غيره بس سوبارو بالدفع الامامي تعذبك بالعكوس ليش الله اعلم
على الاقل احسن من اي شركه ثانيه يعني عكوس ولا كهرباء ولا شئ ثاني

العكوس تخرب دايم بالدفع الامامي علشان العكس ضعيف وبالمقابل قوة المحرك والدعس الزايد حتى اكثر اللي يتشكون من العكوس اصحاب ال 2.2 بس سوبارو عالجت مشكلة العكوس من 98 وطالع وصار العكس قوي ويتحمل افضل بكثييييييير من اول بس اهم شي التشييك على الربلات axel boot اذا لاحظت انها مقطوعة على طووووول غيرها وحط شحم اصلي

شبـأب الحينً عندي استفساًرً بسيطً .. الحين اول وماشغل السيارهـ وهيا لسا باردهـ اسمع صوت كانه مويه تمشي جوا المواصير والصوت احسه طالعً .. .. من الجهه اللي ع اليسارً تقريبا بعد الدركسونً وتقريبا مدته 5 ثواني بس هذا الشي طبيعي ولا ليكون ناقصه زيت ولا مويه لديتر يريت تفيدونيًً

اخوي فيه سبب بس مو متأكد منه هذا الصوت بسبب التدفئه حقت المكيف بس ما تأثر ومثل ما قلت لك انا مو متاكد 100% واذا عرفت السبب يا ليت تفيدنا

ايش الفرق بين مكينة امبريزا 2.5 سينجل الامريكيه 1998

ومكينة الليجاسي 2.5 سينجل الموجوده عندنا موديل 2002 الى 2003

بالنسبة لمكينة الليجاسي من 99 الى 2002 الموجودة عندنا تجي sohc بدون egr اما موديل 2003 تجي نفس المكينة بس مع ال egr انا اتكلم عن ال2.5
والفرق بين الليجاسي والامبريزا الامريكية ما اعتقد فيه فرق بس بتأكد وارد لك

الله يعطيك العافيه

ومنتظر ردك

ابو محمد اسف ع التأخير
المكاين نفسها ما فيها فرق يس الفرق بأرقام بعض القطع الداخلية للمكينة مثل الشنابر والكونكت رود بس انها نفس المقاس وتركب على بعض بس انا ما ادري وش الحكمة في الموضوع هل هي نفس الجودة والمعدن ولا لا ؟؟ ما ادري !!

الله يعطيك العافيه ومشكور على اهتمامك بالموضوع

والله علمي علمك انا جتني مكينة امبريزا 98 من امريكا موجوده عندي

واللي اعرفه عنها انها 2.5 سينجل . بس تقلي كم حصان كم ضغطها مدري علشان كدا قلت خليني اسال

نسبة الانضغاط 10 والاحصنة 156 بس التورك عااالي ويعجبك
يعني كت تيربو واحلى حلاااوة ولا برمجة ولا قطع ثانية ركب على طووول

التورك اكثر من 200 نيوتن

عندي استفسار ..................
الجو برد هل دخول الهواء البارد مع فتحه الكبوب من الاعلى ياثر على المكينة .......
طرمبة الدركسون اليون ونت لحالها لثواني بصوت خفيف بعدين سكتت هل البرودة الى في الصباح هي السبب....
وشكرا.............

لما تكون باردة تطلع صوت كأنها ناقصة زيت
أهم شي لاتلف الطاره بشكل مفاجئ لما تكون بارده

تسلم على المعلومة

انا عندي نفس الحكاية من سنتين تقريبا كل شتاء بس لا تدقق اول ما تسخن يختفي الصوت

لقيت في اغلب المواقع انه المكينه اللي سألت عليها

تجي 165 حصان والتورك 166والمستغرب منه

انه فيها egr,والمكينة طلعت موديل 2000

ال egr لموديل 2003 للموديل اللي في السعودية والمكينة من 99 لليجاسي وليس للامبريزا متأكد 100 %

ايه عارف بس اللي عندي حقت الامبريزا فيها نفس المواصفات

المشكله لو جوال المعفن يصور زي الناس كان وريتك هيا

ادخل هنا ورح لاخر الصفحه

هنــــــــــــــــــــــا (http://www.canadiandriver.com/2000/01/04/test-drive-2000-subaru-impreza-25-rs-4-door.htm)

صح عليك بس هذي لكندا وامريكا

فهودي اصحى معاي الله يخليك انا جالس اقول جتني مكينة من امريكا حقت الامبريزا

نفس هذه

ارجع لبداية ما انا سألت الظاهر الابر اثرت

والله شكلك فيك النوم
يابو الشباب انا فاهم وقلت لك المكينة تركب ماعندك مشكلة ونفس اللي عندنا بس فيه ارقام القطع هي اللي تختلف
بعدين الابر بالعكس تجيب الذكاء وغير كذا الكلب من اذكى الحيوانات في العالم

ههههههههههههههههههههههههه

اي والله انا معاك في هذه

طيب كيف اعرف انه القطع اللي عندنا تركب عليها

ومشكووووووووووور وما قصرت على المعلومات

والله شكلك فيك النوم
يابو الشباب انا فاهم وقلت لك المكينة تركب ماعندك مشكلة ونفس اللي عندنا بس فيه ارقام القطع هي اللي تختلف
بعدين الابر بالعكس تجيب الذكاء وغير كذا الكلب من اذكى الحيوانات في العالم

اشوفك قمت تمدحهم !!!!!!!!!!!!!!!!!!

هههههههههههههههههههههههههههههههههه

القطع تركب ما فيه مشكلة بس يمكن الماتيريل يختلف فقط ولا المقاسات نفس الشي

مشكووووووووووووور يا بعد حيي انت ما قصرت

انا ويني عن هالموضوع من زمان

كل ما ابي اشارك فيه .. انساه وادور لغيره

المهم

انا عندي مشكله في السيارة وما ادري ايش الحل ليها

وانها من فوق السنتيت الى الحين بدون ثرموستات

كل ما اركب عليها ثرموستات تصير السيارة ترفع حرارة

حاولت اصلحها وبدلت كلشي تقريبا في نظام التبريد

بدلت الثرموستات بواحد ثاني و بدلت طرمبة الماء بعد ما خربت والرديتر ومراوح التبريد وبعض الخراطيش

لكن كل ما احط الثرموستات ترتفع الحرارة - ولما اشيله وخليها بدون ثرموستات تصير اوكي وزي الحلاوة

هل في شي ثاني ما شيكت عليه او يبيلي اتاكد منه مشان احل هذي المشكلة

وشكرا

^^^^^^^^^

هاااااااا

ما احد عنده فكرة كيف اصلحها

اخوي انا عندي نفس المشكله وسويت نفسك الا الطرمبه ما غيرتها لان مافيه اي مشكله

اذا كانت موية الرديتر تنقص كل فتره وفتره فأتوقع من وجيه الراس

لا الماي ما بنقص ابدا

وغطاء الرديتر صاحي

وانا اخليها بالشهور بدون حتى ما اشيك على الماي

مع اني يوميا رايح جاي على خط الجبيل

الحرارة انا ما اشتكي منها حاليا

لكن اللي مضايقني انها مافيها ثرموستات

صحيح انها شغالة اوكي بدونه

بس جاية في راسي اركب لها ثرموستات واشوف ايش اللي مسوي ذي المشكلة من الاساس

وشكرا

خلال اليومين الى راحت صارت عندي المشكله الاتية ................
صار يطلع عندي صوت وشوشه في السمعات اذا شغلت السيارة (مع ان المسجل طافي تماما) بعد فترة طويلة وتختفي اذا مشيت وكانت السماعات الاماميه صوتها ضعيف ولما رحت المحل ورفعها لي صار صوت الوشوشة قوي وواضح ........اليوم جيت باولع السيارة ماولعت و حتى الطقطقة الى تطلع من السلف لما تفضا البطارية ما طلعت انا عارف السبب اصابع البطارية مرتخية او يبغالها تنظيف طبعا فكيت الكبوت وحركت الاصابع حقت البطارية وشغلت السيارة واشتغلت لاكن ماني مرتاح لكهرب السيارة وللشوشرة الى في السماعات خصوصا انها تخف لما ادوس بنزين وترجع لما ارفع رجلي.....................
هل المشكلى في السماعات والمضخم او البطارية او البواجي يبغالها تغير...............

حمزة شيك على كل شي وبالنسبة لتوصيل السيستم عندك أنصحك ان الوايرات تكون ملحمة على بعضها ماتكون بس ملفوفة على بعضها وعليها لصاق كهرب
الرطوبة ماتعرف هالأشياء تدخل بأماكن ماتتخيلها

زي ما قال ماجد شيك على جميع التوسيلات احتمال فيه وصله منها احترقت او التزقت بسلكثاني وصارت عندك المشكله اعلاه :

بأضافة كلام الشباب رح اشتر كثف كهربه لانه مفيد للسستم والزنون وكهربة السياره

تلقاه 250 او 300 ريال

رحت للمحل وعدلى الصوت وراحت الوشوشة اليوم الثاني شغلت السيارة و...........:054::054::054::054::054::054::054::05 4::054:

رجع الصوت ؟؟
طيب ارجع له مرة ثانية مادام انه راح فهو اكيد من شي لمسة ولا حاس فيه شوي
واذا ماضبط الموضوع خبرنا ويصير خير ان شاء الله

يا شباب انا عندي سؤال
وش السبب اللي يخلي بعض البلوف اللي في المكينة توقف عن العمل وتبدا ترج المكينة ؟؟؟؟؟
مع العلم ان الجنزير مظبوط وكل شي تمام !!!

؟؟؟؟؟؟؟؟؟؟؟؟؟؟؟؟؟؟؟؟؟
خلل في القطعة الى تحرك البلوف
ترسبات او انكسار يمنعن من الرجوع لمحلة او التحرك ..
ماني خبير لاكن مجرد محاولة



http://www.subaruksa.com/up//uploads/images/Subaruksa-6fd4b92279.jpg (http://www.subaruksa.com/up//uploads/images/Subaruksa-6fd4b92279.jpg)

شباب انا اشتريت سيارة سوبارو ليجاسي موديل 1999 والي بعني السيارة كان حاطط عليها مكينه ليجاسي موديل 1994 والمكينة فيها حرارة والمكينة منتهيه على الاخير وخربانه بس والله طلع بالسيارة سفر بري على مصر وجلست ثلاث شهور اكرف فيها في مصر ورجعت بيها من مصر وبعد ما رجعت باسبوع المكينة خلاص وقفت هذا يبين قوة السوبارو ما شاء الله وصدقوني الكلام صحيح وهذا الى خلاني ضبطت السيارة الحين وركبت مكينة تيربو sti wrx وما شاء الله السيارة قوية جدا من جد السوبارو سيارة

طبعا اخوي السوبارو ما شاء الله تتحمل وراعيه كرف

وتروح معاك وين ماتروح . ومبروك عليك التحويله

موديل المكينه اللي حولتها ؟ وهل انت معدل عليها ولا لا ؟

وممكن تنزل صور لها ؟

عندي كم سؤال ويا ريت تفيدوني فيه

1- هل صحيح انه بواجي الامبريزا 2008 وفوق تجي بلاتينيوم واريديوم؟

2_ عندي ثلاجة مكينه وابي اخرطها ينفع ولا لا ؟

تسلم على هالموضوع الجميل


اما مشكلتي مع سوبارو اوت باك3003

كانت فيها فضاوة في الجربوكس(الدفرنس)

وحمدالله صلحتها وصارت زي الفل والورد



واجمل تحياتي لك

السلام عليكم
معي ليجاسي 2008 h6
أول مااشغلها اذا كانت بارده يعني من وقت ماشغلتها
يجي صوت كذا [ طق طق طق طق ] شووي ويوقف !!

عاد ناوي اوديها للوكاله بس فلت بشوف وشو !!
لانه يمكن يكون من البكره !
ياليت الي يعرف يقولي

يعطيكم العافيه

يا هلا بيك وينك يا رجال من زمان ما شفناك . عساك بخير وبصحه وعافيه

الصوت هذا موجود من اول ولا قريب طلع ؟

بخير جعلك بخير ..

لا الصوت طلع لي قبل اسبوع تقريبا والمشكله مشغول اختبارات مافي وقت اوديها للوكاله
فقلت اسألكم وان شاء الله تعرفون وش المشكله لاني الصراحه خايف اندم اني ماوديتها بدري ..

لازم تلحق على اي صوت طقطقة بأسرع وقت بس ان شاء الله بسيطة وشيك على الزيت
واحتمال يكون من الجنزير لانه حديد ويكون شداده فيه مشكلة لازم تشيك لأننا مانقدر نفيدك واحنا ما سمعنا الصوت

* كم ماشية سيارتك ؟؟

لازم تلحق على اي صوت طقطقة بأسرع وقت بس ان شاء الله بسيطة وشيك على الزيت
واحتمال يكون من الجنزير لانه حديد ويكون شداده فيه مشكلة لازم تشيك لأننا مانقدر نفيدك واحنا ما سمعنا الصوت

* كم ماشية سيارتك ؟؟

لا الزيت تمام
ان شاء الله اخلص اختباراتي الاربعاء واروح للوكاله

ماشبه فوق الـ 32 الف