بسم الله الرحمن الرحيم
اليوم حبيت اقدم لكم مقاطع على القير العادى فهناك الكثير من المبتدئين الذين يودون تعلم القير العادى او انا اود اهديهم هذا الموضوع الذى فيه اساسيات تعلم القير العادى اتمنا ينال اعجابكم

اول شى طريقه عمل القير
http://www.youtube.com/watch?v=o-3SqMsgVdI

و الحين نبدأ بتعلم اول المهارات و الاساسيات المهمه التى يجب مراعاتها

http://www.youtube.com/watch?v=Z6YRI0EUkKQ

http://www.youtube.com/watch?v=lLlHbuFAriY

http://www.youtube.com/watch?v=E6jHt52rrVo

http://www.youtube.com/watch?v=ecCi4diRCY8

http://www.youtube.com/watch?v=nX42nwqdVRg

http://www.youtube.com/watch?v=l__V619vLSQ

او ناطر ردودكم اتمنا ان تعم الاستفاده و اذا بغيتو شرح بلغه العربيه انا حاظر و فى الخدمه

ما شاء الله اخي
شرح كافي ووافي
تسلم ايديك
بعد هذا الدرس نطلع محترفين
مشكوور مرة اخرى
ماشي الحال مع اللغة الانكليزية ههه

صراحة موضوع مفيد جدا
وانا من عشاق الجير العادي


مشكور كل الشكر

مشكووور على الموضوع و المقاطع التوضيحية

بكل صراحة استحي و افتشل قدام الناس إني ما اعرف اسوق عادي
بس شسوي عندنا اربع سيارات و كلهم اوتوماتيك يعني مافي مجال للتعلم
و ما اجرع اقول لاحد من العايله او الربع علمني ولا عطني سيراتك

لكن مع ذلك ودي اتعلم لان العادي اقوى و اسرع و اقل خراب
وإن شاء الله نتعلم مع الزمن وفي اقرب وقت

؟؟ انا اعرف ان اذا حنت المكينه ازيد نمره بس كيف اعرف هذا الشي في المكاين الجدد (هادئه ) ؟؟؟

وفي الاخير اكرر شكر و الله يعطيك الف عافية

الصراحه ابهرتنا بمواضيعك الاكثرمن رائعه

كل يوم تتميز بموضوع افضل من اللي قبل

شرح جدا ممتاز وجميل ومتسلسل ومفيد
للمبتدئين

تستاهل خمس نجوم وتثبيت
:Thanks:

حياك الله اخوى انشاء الله الكل يستفيد
او بخصوص الصوت اخوى محمد ماراح يكون هادى لان rbm اقل شى راح يرتفع 3 او 3 او نص يعنى تسمع الصوت او بعدين عندك الاحساس شى مهم يعنى انا اول ماسقت قلت نفس الكلام اللى تفظلت فيه بس مع الوقت راح تنسا كل اللى تتكلم عنه انا الحين صار لى تغريبا شهر او نص عندى السياره قير عادى او تعلمت عليها بس الحمد لله تعال احيين او شوف احم احم سرنا خبرا +_^ او انشاء الله تتعلم او تفرفش بعد

موضوعك رائع اخوي يعطيك العافيه في ناس مثل ماتفضلت مايعرفون الا التماتيك
وفي حركه في السوباره قليل القليل يعرفونها وهي
انه من التعشيقه الثالثه الى الرابعه ومن الرابعه الى الخامسه تقدر تعشق بدون كلج يعني ارفع رجلك وريحها وخل الباقي على الرجل
اليسرى

شاكر لك مرورك اخوى لجاسى بس بغيت اسأل هل المعلومه اللى قلتها صحيحه 100% فى 100% يعنى مضمون مايأثر على القير ولا الكلتش ياريت اتفيدنا بخبرتك و ارد و اشكرك مره اخرى

والله انا جربتها ولي الحين من امتلكي سيارتي 11 سنه وماشفت شي يظر في السياره والحمد لله
والشباب الي وياي يركبون يستغربون
بس على فكره مو كل مره تسوي الحركه هذه
خلك على الكلج احسن لانه بعضهم مايعرفون وانا ماسويها على طول الا اذا جيت بمسك خط وبريح رجلي

حياك الله اخوى انشاء الله الكل يستفيد
او بخصوص الصوت اخوى محمد ماراح يكون هادى لان rbm اقل شى راح يرتفع 3 او 3 او نص يعنى تسمع الصوت او بعدين عندك الاحساس شى مهم يعنى انا اول ماسقت قلت نفس الكلام اللى تفظلت فيه بس مع الوقت راح تنسا كل اللى تتكلم عنه انا الحين صار لى تغريبا شهر او نص عندى السياره قير عادى او تعلمت عليها بس الحمد لله تعال احيين او شوف احم احم سرنا خبرا +_^ او انشاء الله تتعلم او تفرفش بعد



الله يعطيك العافية اخوي عبدالله

بس للحين متخوف من العادي مع ان ودي فيه لأنه أفضل من التوماتيك
و التوماتيك صاير مزعج و تحن على ما تبدل ودائما خرابات
وودي بالتوماتيك لأنه اريح فأتمنى من اللي عنده سوبارو اوتو
يتكلم عن السيارة و وضعه معاها ؟ لأن إذا كل السيارات نفس الشيء بتعلم العادي و امري لله ؟

التوماتك يعجبك وحلو بس انه 4 سرعات ويعجبني اذا دعست له تشوف الضغط يرتفع وتفز السياره
وهو مريح وخاصه في الزحمه بس انه القير العادي يتحمل اكثر من التوماتك
القير التوماتيك
مايصلح انك تقنص سياره ثانيه لانه يخرب شوي مو زي القير العادي احنا مجربين هشي وانا اكتب لك بحكم اني مجرب هشي

واي شي ثاني ان شاء الله افيدك

أخوي والله القير التوماتيك في السوبارو يتعب على طول يعني لازم اهتمام مو حرق وشحت ووو

يعني اهتمام امى العادي لا ثاني شي التوماتيك في السوبارو 4 نمر بس يعني عادي 5 نمر احسن

انا سيارتي قير اوتو 2.0 حمار السيارة ما تمشي في الخط تعشق 4 خلاص 180 حدها غير ايامها 220 في عز شبابها

لكن انا ما رحمتها

يعني بالعربي قير عادي احسن من الاوتو في السوبارو خاصة وانا خلاص بقلب سيارتي قير عادي لكن ما اعرف اسوق ههه <<

لكن نتعلم يعني كل واحد طلع من بطن امه عالم هههه

فياريت واحد ينزل لنا موضوع خاص بالقير العادي وكيف تسوقه ومتى تطفي السيارة وكيف تبدل وكيف تخفف ووووو ال ذلك

فياريت احد الشباب راعت القير العادي والفاهم يسوي موضوع متكامل

تحياتي مع خالص الشكر مقدما
أخوكم

sti s401

الله يعطيك العافية
أم من ناحية إني أقنص سيارة ما راح أسويها ابد
ومن ناحية 4 سرعات هالكلام على الـ4 و الـ6 سلندر ولا كيف ؟

أنا مشكلتي إني ساعات مروق و ساعات أسوي روحي في سباق
فالاوتو تعب معاي طبعا بحكم أن السيارى اللي عندي 4 سلندر
و السيارة تويوتا يارس 2006





و بالنسبة لأخي sti s401 إذا حتى السوبارو الاوتو يتعب

خلاص أجل بنحول على العادي

لا انا ما اقولك الاوتو في السوبارو مو عدل لكن يتعب واي سيارة صح تتعب

لكن انا عندي مشكلة وباغير مكنية 4 كام ومرة واحد باقلبها عادي احسن واقوى

وفي نفس الوقت لو بشتري سيارة بخذ عادي لاني شباب متى باسوق عادي بعد لما اعيز ههههه

واحسن رياضي وقوي

تحياتي

أهاااا

الله يعطيك العافية و الله يساعدك

أنا شكلي باخذ عادي لكن قبل كل شيء يبيلي اتعلم عليه

والله انا افضل العآدي على التوماتيك ..


والحمد لله محترفيين عآدي


شكراً أخــوي عالموضوع ^^
..

شاكر مروركم جميعا و بنسبه للقير العادى والله سهل حيل يعنى قبل شهرين انا كنت ما اعرف اسوق خير شر بس الحين الحمد لله احس انه تفاهه الحين عادى اطلع اروح ارد فى السياره مافى اى مشكله بس فى البدايه تتوتر شويه بعدين عادى او بنسبه لتعليم القير العادى بحاول احصل على فيديو للمراحل المتقدمه انشاء الله تحياتى للجميع

القير عادي سهل بس عيبه لما يكون زحمه في السوق او اي مكان بتتعب معاه غير التماتيك
والقير العادي اقوى للماكينه ويشد معها
وسهل هو وانا ماشاء الله حريف في العادي والتخييط بين السيارات وهذه هوايتي لما اشوف سيارات في خط وشبه متفرقه احب اخييط مابينهم
يبيلها قلب قوي
وانا افضل القير العادي على التوماتيك
بنسبه لسؤال اخوي اذا تبي تعرف كيف سيارتك التوماتيك 4 او 5 سرعات بتشوف في نفس القير مكتوب
1 2 3 بعدين d < يعني 4 نمرات اذا كان في القير 1234 d < يعني 5 سرعات
وان شاء الله افدتكم بشي ولو بلقليل
انا عن نفسي اذا بشتري سياره جديده باخذ لي ليجاسي قير اوتو اريح لي وبخلي سيارتي على جنب
العادي احسن من الاوتو اذا فضت البطاريه تنتعها اما الاوتو ههه هين تنتعها
وان شاء الله افدتكم بشي ولو بلقليل

اخوي محمد انا انصحك بالعادي
لان العادي بالسوبارو غيييييييييييييييير
وعن التعلم قبل تشتري السيارة استاجر اكسنت يا طويل العمر 3 ايام وطلع مهاراتك كلها

ههههههه
مشكور على الفكرة يا مستر فوجي

أنا اللحين فكرت لو أخذا لي اوتو اريح
ومتى ما بغيت اخيط ولا أطلع فيها احطها على وضع الاسبورت ؟؟

ولا شنهو رايكم؟؟

^^^^^
صحيح كلامك بس هذه على ال6hبس مدري اذا:p73:
سووها في الh4لموديل 2009:047:

متى مابغيت عادي موجود ومتى مابغيت اوتو موجود:rqs:
والاحسن تاخذها والله يوفقك فيها

وانا هذا الل عاجبني اكثر في السوبارو

ليجاسي 6 سلندر فل اوبشن
ههههههه

بس سعرها فوق و الله يكون في المستعان

والله يبلغك في اللي تطمح له بعد يا لؤي

والله انا صراحه انصح فى العادى لانى اشوفه من رايى ان القير العادى متعه القياده و اذا ما استانسنا فى شبابنا متى نبى نستانى او على موضوع الزحمه جدا عادى مع الوقت تشوف انه عادى مجرد وجهة نظر

اذا صار عمر الواحد فوق ال40 ذيك الساع يفكر بالاوتو ويمكن بعد
بعدين صحيح عندنا زحمة بس مو لذيك الدرجة روح شوف القاهرة ولا طوكيو ولا اوروبا وش بتقول ومع ذلك اغلب سياراتهم عادي

القير العادي متعة
اما الاوتو ما تشعر في متعة بالقيادة بنزين بريك ...
القير العادي مجرد تعويد جمعة وتصير 10/10

شاكر مروركم اخوانى وانا اضم صوتى لصوتكم والله ان العادى متعه اليوم طلعت فى السياره ههه قاعد اسوى حركات حق الريس والله انى استمتعت بدرجه مو طبيعيه الحمد لله طيبت خاطرى او رجعت

القير العادي متعه كبيره بس اذا صارت عندي سيارتين وحده اتو والثاني الي حق الاستمتاع عادي
يعني ينقالها وحده للرسميات والثانيه حق الفله

العادي يعجبك في قوته
وماحد اختلف في هذا

الله يعطيكم العافية ومشكورين على ابداء ارائكم

أنا خلاص شكلي إذا عزمت 100 % باخذ لي ليجاسي h6 وأمري لله

موووووووووبدع

تحياتى لك شاكر مرورك الجميل

القير العادي حلاوته انه يعطيك حماس واثاره في السواقه لكن لاتحاول تشرب شي

بارد او حار وانت تسوق وسط الزحمه لانك حتتورط ووريني كيف حتعشق هههاااي.

هههه كلامك صحيح بس مع التعود يصير عادى يعنى اول كنت افكر كيف اتكلم فى الجوال او اسوق بس تعال شوف الحين سهالات ههه الزمن يعلمك الى مايتعلم او يخليك تطلع اب فناتق شاكر مرورك اخوى تحياتى لك

سؤال مزعجني ( بما اني ما عندي سيارة لس طالب ) :p
الأحسن انك لما تعشق تنتظر يوصل العداد للأحمر ؟؟ ولا قبل ما يوصل للأحمر
يعني لو واحد بيسوي ريس وش يسوي وقتها !!

مشكور على الفيديو ^^ <<< ما فهم ولا كلمه ههههههه

حياك الله اخوى بل نسبه للريس اى نعم لو اتدخله احمر احسن علشان السياره اتطلع اللى فى بطنها كله
شاكر مرورك

يعطيك الف عافيه على هذا الموضوع المتميز و الي راح يفيد المبتدئ كثييير

بس

التعلم من الفيديو يعطيك تقريبا 30% والباقي عليك

تحياتي

للاخ اللي يسأل عن الريييس
اقولك عطه حده بس لا تخليه يقطع
وخل تعشيقك سريع يعني من اول لثاني ماياخذ منك ثانيه
وكذا على كل النمر

الله يعافيك و الغرض فقط تعلم الطريقه الصحيحه حتى تسهل على السائق فى التعليم ليس اكثر

صراحة حلاوة السواقة مع القير العادي

تحس انك قاعد تسوق

مو عشق وامش....

الاخ aboody93 تعلم السواقة الراكدة ولا ياخذك الحماس الى مرينا فية اول ماسقنا لانة راح يكون اسلوبك لسنوات عدة الى ان يجيك يوم وتهجد بعد ماتعدم الموتر طبعا مع كم خبطة وحكة وكم مخالفة وكم حجز وكم طقاق مع العالم ..... تعلم السواقة العاقلة بعدين لاحقين على الهبال.............

والله انك حكيم يا حمزة

يعطيك ألف عافية حبيبي عالموضوع الجيد

انا بالنسبة لي الأوتو يجيب لي الطفش، لو كان على سيارة كبيرة او امريكية مو مشكلة

اما اشتري سيارة صغيرة ويابانية قير توماتيك!! لا حرام راح طعم السواقة فيها

الجير العادي له طعم غيييييير

شاكر مروك الجميل
اى والله انا بس اتضيق فينى الدنيا اشتهى القير العادى عاد اقوم افتر فى الشوارع او افتل او مرات اسوى حركات حقت الريس فله :))

بسم الله الرحمن الرحيم
اليوم حبيت اقدم لكم مقاطع على القير العادى فهناك الكثير من المبتدئين الذين يودون تعلم القير العادى او انا اود اهديهم هذا الموضوع الذى فيه اساسيات تعلم القير العادى اتمنا ينال اعجابكم

اول شى طريقه عمل القير


و الحين نبدأ بتعلم اول المهارات و الاساسيات المهمه التى يجب مراعاتها













او ناطر ردودكم اتمنا ان تعم الاستفاده و اذا بغيتو شرح بلغه العربيه انا حاظر و فى الخدمه








ممكن تعليم بلعربي

وش السالفة............

والله ياخوك المقاطع اسل منها مافى يعنى جدا تافه مع احترامى للكل بس اللى يتقن اقل شى من الانجليزى راح يفهم :))