طلعة تصوير

[Silent Sea]

السلام عليكم ورحمة الله وبركاته

كيفكم شباب وكيف الجو عندكم :p73:

المهم .... انا اليوم بقترح عليكم طلعة او طلعات للتصوير الفوتوغرافي

اللي عندهم كاميرات وحابين يطلعون ليهم كم صورة حلوة

او اللي يبي يطور من مهاراته في التصوير

او حتى لو يبي يفيدنا بمعلوماته .. حياه الله يجي معانا

فالواحد لازم يجرب الكاميرا اللي عنده مشان يعرف كيف يستخدمها

والدروس اللي بيلاقيها في النت ما راح تسوي له شي اذا ما جرب الشي بنفسه وواجه بعض المشاكل اللي تطلع له الحين .. مشان يتفاداها في المستقبل

فانا اقترح اننا نطلع بين فترة وثانية الى اماكن مختلفة .. نتجمع ونصور المكان اللي بنكون فيه او نتفنن في تصوير سياراتنا او نصور الطيور والحشرات اللي نلاقيها هناك


واللي حدني على هذا الموضوع اني شايف هذا المقطع لتصوير السيارات وحاب اجربه

http://www.youtube.com/watch?v=lMpqoTv6icI


انا بطيئ اذا بتحرك لحالي .. لهذا ابي نكون مجموعة تصوير

وبكذا بيكون فيه نشاط اكثر ونتائج افضل

فـ اللي حاب ينضم معاي فانا ارحب به

والمقطع اللي فوق ابيه يكون اول تجربة لنا بما انه سهل والمتطلبات متوفرة تقريبا عند اغلب اللي يقتنون كاميرات

وبالنسبة الى مكان وموعد الطلعة .. فساتركه للتصويت من اللذين سينضمون

وكل على حسب امكاناته وتوفر الوقت له

وانتظر منكم التفاعل

وشكرا

[ŞЙỊṔỆЯ_Ẍ]

والله يجي ,,

بس للأسف انا في مكه :(
..

[Silent Sea]

تسلم على مرورك يا سنايبر

حتى وان لم تكن معنا

فلامانع انك تشاركنا باقتراحاتك وافكارك

وكذلك تقدر انك تشكل مجموعة تصوير في الغربية وتشاركنا وتنافسنا بنتائجك

وكذلك اهل الوسطى

[ŞЙỊṔỆЯ_Ẍ]

والله فكرة حلووه لمحبي التصوير الفوتوغرافي

,,
.

[impreza 2003]

الفكره حلوه من شخص مبدع

انا الصراحه احب التصوير بس للأسف مالقيت اللي يشجعني

او يعلمني . ولاكن احاول دائماً اتعلم من الصور من ناحية الزوايه والاتقاط

وان شاء الله بحاول اني اطرح لكم بعض الصور لكي استفيد منكم ومن تعلقاتكم

ومشكوووووووووووووور على الموضوع الرائع

[Silent Sea]

مشكور يا مراقبنا على التشجيع

بس لاتفتكروني واحد بروفيشينال في التصوير

ترا انا هاوي وابي اتعلم منكم كمان

[almaistro]

والله الفكره مرررره رائعه
وبصراحه لازم نسوي اشياء زي كذا
مو بس سوبارو<<انتبه راح تنطرد^^

[TaRiQ IMPREZA]

معاك يا حسين يالله

التصوير اليلي لعبتي انا هههههههههه

خلاص تم وياك

[Silent Sea]

هههههههه

انا بديت بالسوبارو مشان انها اللي راح تحمس الشباب

وعلى العموم ... انا جاني الحماس بالامس وقمت صورت سيارتي :rqs:

والمشكلة انها توها طالعة من الورشة .. ومالحقت تتنظف

فصورتها على حالتها القشرة :p73:


وهذا هو الناتج اللي طلع معي بعد شوية محاولات


http://www.al-mesbah.com/subaruksa/pictrip/DSC09074.JPG


طبعا .. الصورة لساتها فيها مشاكل

وهذي المشاكل ما عرفتها الا بعد ما رجعت وتفحصت الصور بالكمبيوتر عن قرب

والمشاكل اللي طلعت معي هي:

- توزيع ضربات الفلاش .. بعض الاماكن كثرت من الفلاشات فيها وبعضها قليل بحيث ظهرت ظلال حادة الى بعض الجهات للسيارة

- ومضة راس الفلاش مبينة في الصور (اللي مأشرين بالسهم الاصفر في الصورة التالية)
انا افتكرتهم انعكاسات من بعص العلب والصفائح .. لكن اماكنهم كانت مختلفة من صورة لاخرى

- ظل المصور (اللي هو انا في المربع الابيض) ظهرت في بعض الصور بينما كنت اروح واجي على السيارة اوزع فلاشات عليها
وهذا اللي خلاني اعرف ان النقاط البيضاء في الصورة هم ومضات الفلاش اللي بالنقطة الثانية

- الفلاش احس اني خليته قوي شوية .. باحاول اني اخليه ضعيف في المرات الثانية

- والنقطة الاخيرة ان السيارة وسخة :yagahrhom:

وهذي هي الصورة بالاخطاء

http://www.al-mesbah.com/subaruksa/pictrip/DSC09070-1.JPG


وعلى فكرة .. انا طبقت الطريقة الاولى في مقطع اليوتوب اللي فوق .. والثانية نسيتها تماما لما كنت اصور

هذا اللي طلع معي .. فياريت اللي يحب يجرب ياخذ هذي النقاط بالاعتبار ويفرجينا ايش اللي طلع معه

وانتظر ردودكم وملاحظاتكم بفارغ الصبر

[Silent Sea]

معاك يا حسين يالله

التصوير اليلي لعبتي انا هههههههههه

خلاص تم وياك


حياك الله يا طارق

قول بس متى تبي نبدأ

[ليجاسي 98]

والله فكره حلوه انا عندي كاميرا بس كاميرا عاديه ماتنفع يعني
واحب التصوير ومن هواياتي انا ويعطيك العافيه ياحسين وابي استفيد انا من مواضيع التصوير

[Silent Sea]

انشاء الله تستفيد معانا يا لؤي

وانت بعد اذا شفت لنا موضوع زوين نقدر نطبقه

لاتبخل علينا فيه

[TaRiQ IMPREZA]

اي وقت بس نجمع الشباب ونشد الرحال

بعدين ياخي دقيقه لا تجرب قبلنا

ولي يبي يجي يشوفنا ويستفيد حيا الله

[Silent Sea]

هههههههههه

لاتخاف ... في لي طلعة ثانية على نفس التجربة

والسيارة نظيفة

وعلى فكرة .. وين تنكس !!!!

ما قلتو انه شرا له كاميرا يبي يحترف التصوير بها

ولا امور الخطوبة والزواج طاحت على راسه وخلته مو فاضي لنا

[ŞЙỊṔỆЯ_Ẍ]

طيب يآ شبآب يآليت كل وآحد يحطلنا نوع الكمرة اللي يستخدمها ,,

وانا أبداً ولعلمكم مرررا ماني بروفشنال، وبحاول اتعلم للزوايا والفوكس والميكرو الخ ..

Nikon D60

قولولي إيش رآيكم فيها وإيش مميزاتها والخ ...

[Silent Sea]

النيكون حلوة ومتوفرة هي والكماليات حقتها << وكيلها مو مقصر وياها

وهو مو مشكلة اننا نذكر موديلات كاميراتنا

بس اللي نبيه من هذا الموضوع هو التعرف على اساليب التصوير واستخراج نتائج منها من خلال هذي الكاميرات وعن طريق الطلعات وتصوير بعض الاهداف بهذه الكاميرات المختلفة ومقارنة نتائجها

وانا كاميرتي Sony a350 (http://www.dpreview.com/reviews/specs/Sony/sony_dslra350.asp)

ويا طارق هل عندك مكان مناسب لمثل هذي التجربة

انا المكان اللي صورت فيه هنا بالضبط (http://www.wikimapia.org/#lat=26.5682816&lon=49.9819189&z=18&l=0&m=b)

[ŞЙỊṔỆЯ_Ẍ]

صوورة خآآرج موضوعكم :D

http://img103.herosh.com/2010/04/05/361100635.jpg

كيف بس ؟؟ :P
..

[TaRiQ IMPREZA]

رائعه الصوره يوجد بعض الاخطاء

اضائه فوكس

العزل مقبول

بس يا شباب لاتطلعو برا الموضوع

ها تنكس وينك ياخي ما بتجي معنا

ويا شباب اذا تبون تعرضون صور عادي افتحوو موضوع وننزل فيه صورنا ونشوف مين الافضل ومين الاسوا

ومين المتوسط وهيك هههه

[ŞЙỊṔỆЯ_Ẍ]

هههههههههههههه

والله يجي,,

بس أقولكم هيا من البدااية انا الأسوأ ,,

تقريباً ما اقدر أتحكم في الفوكس دايماً وبعض الاشياء اللي مدري كيف أتعلم ,,

فياليت لو نفتح موضوع يكوون للصور الفوتغرافية ويسير اللي يبغا ينزل ينزل، ونشوف الاخطاء والخ :d


طآرق ما قلتلنا ايش نوع كمرتك ؟؟
..

[TaRiQ IMPREZA]

الكام حقي كانون d450 وناوي ابيعه اشتري كانون d550 بس لمن تتوفر الفلوس ان شاء الله

[تنكــس!!]

انا معاكم جمله وتفصيل و الموضوع هذا طرا على بالي من اول بس خفت محد يوافق

انا نوع كامي canon D500

واقتراح نبدأ من الويكـ اند هذا ونظراً ان الطلعه ليليه ونظراً لظروف عملي

فما أقدر اتواجد الا بعد الساعه 10

والتجمع الفوتوقرافي راح يكون باذن الله كل ويكـ إند وانا اول المستعدين

[تنكــس!!]

طيب كطلعه مبدئيه ايش العده اللي المفروض تكون موجوده عشان اقدر اوفرها من بدري

[ŞЙỊṔỆЯ_Ẍ]

مآ شآء كمرتك توب يا تنكس :)

يعطيك خيرها ويكفيك شرها :d
..

[Silent Sea]

اهلا يا تنكس

كنت متوقع انك تكون من المتحمسين الى هذا الموضوع

وعلى العموم العدة اللي بتحتاجها هي الكاميرة و حامل ثلاثي وفلاش خارجي

http://imgs.inkfrog.com/pix/bobo123/H1053.jpg

http://www.photoanswers.co.uk/upload/2064/images/Off%20camera%20flash.jpg

وممكن تحتاج الى هذا العاكس تحطه على الفلاش

http://www.comparestoreprices.co.uk/images/si/sigma-flash-bounce-reflector.jpg

وبالنسبة الى الفلاش والعاكس موجودين عندي << بنحتاج الى بس واحد

اما الحامل الثلاثي فكل واحد راح يحتاج الى حامل الى كاميرته



وبالنسبة الى الموعد اللي حددته يا تنكس .. تقصد يوم الخميس (بعد بكرة) بالليل .. والوقت بعد الساعة 10

طيب وين المكان ؟؟؟

عندك مكان بعيد شوية عن انارات المدن او انارات الشوارع

[تنكــس!!]

واللهي هذا ما عندي انت اكثر مني خبره انا لو بقول ما عندي غير الهاف مون



الرأي الاول والاخير لك لانك انت صاحب الفكره

[Silent Sea]

انا الحين ما عندي مكان معين

اليوم بعد الدوام .. راح الفلف هنا وهناك ادور على مكان حلو

وان ما لقيت .. ما بيكون عندنا الا هاف مون

[ليجاسي 98]

انا ما اقدر اجي معكم بسبب شيين العمل الي اشتغله الاضافي لانه يكون في الليل وطول الاسبوع
وثاني شي كاميرتي مو احترافيه نوع كوداك

كاميرتي مافيها وضع ليلي يعني لصار مكان اظلم ماراح تزبط الصوره لما اصور بس جهه الفلاش

[Silent Sea]

ولا يهمك شي يا لؤي

انشاء الله تكون لنا طلعات الى الاحساء وانت تكون دليلنا هناك

ثانيا مو كل طلعاتنا راح تكون بالليل

وبالنسبة الى الاماكن .. ايش رايكم بهذول الاثنين

المكان الاول (http://www.wikimapia.org/#lat=26.4518244&lon=49.9026918&z=16&l=0&m=b)

وهذا صحراوي .. شارع وسيع وبجنبك الرمال وتقدر تركن سيارتك كيف ما تبي


المكان الثاني (http://www.wikimapia.org/#lat=26.5701&lon=49.9755138&z=18&l=0&m=b)

وهذا وسط مزارع ونخيل

فايهم تفضلون ؟

[TaRiQ IMPREZA]

خلاص تم يوم الخميس

انا افضل المكان الاول

[Silent Sea]

اوكي

المكان الاول

وترا باول الشارع بالمكان الاول فيه مزرعتين اذا حابيت كمات تجربون فيهم


وعلى كذا انحسم الامر على يوم الخميس بالليل الساعة 10:30 نكون مجتمعين على كوبري المطار - صفوى

هنا مكان الالتقاء (http://www.wikimapia.org/#lat=26.5910696&lon=49.9384081&z=17&l=0&m=b)

واللي يبي يجي معانا حياه الله

[تنكــس!!]

يعني اليوم والا باكر ؟؟؟


اليوم وشو يا شباب ؟؟؟؟

[Silent Sea]

ههههههههههههههههههههههههههههه

بكرة يا تنكس

اشفيك مضيع الايام

ليكون ساعة كمبيوترك مضيعة وخابصة التاريخ عندك

[تنكــس!!]

اهااااا يعني اليوم الخميس وبنتقابل اليوم والا انا غلطان ؟؟؟


وين نتقابل ومتى موعد اللقاء ؟؟؟؟؟؟

[Silent Sea]

نتقابل اليوم على الكوبري اللي يودي الى المطار

انا الساعة 10:30 باكون استناكم هناك

[TaRiQ IMPREZA]

خلاص تم انا بجي وعلى الموعد

[TaRiQ IMPREZA]

تم التصوير وكل شي تمام والنتائج مبهره

ترقبونا في المواضيع الجايه وطلعات جايه

[تنكــس!!]

كانت طلعه اكثر من رائعه صراحه احلى روقان لكن الشي الوحيد اللي عكر مزاجي ان الدخان خلص علي بدري :(

بس ان شاء الله الجيات أكثر مع امنياتي ان يكون عدد المصورين أكثر

[ŞЙỊṔỆЯ_Ẍ]

يجي يجي ,,

طيب تعاااالو مكه :p

تصورو جنب الجمرااات لقطة عالمية ولا ارووع :)
..

[impreza 2003]

ومنتظرين الصور !!! عجلوا علينا

[تنكــس!!]

يا شيبر انا احتمال من بكره بسافر للغربيه وبجلس فيها شهر او شهر ونص ماني متأكد :)

عاد الجمرات و وحتى مزدلفه يا كثر ما شبعت من التصوير فيها لكن بجوال مو كام :)



اقتباس:
ومنتظرين الصور !!! عجلوا علينا



دامها عند طارق اقولك غسل ايدكـ من بدري ترا الاسبوع عنده بشهرين :)

< أمس ما خرب الطلعه الا الكفر اللي ضرب علي وانا ماشي 180 راجع للبيت بس الحمدلله جات سليمه ولو ان الصواميل ما فتحت الا بعد طلعة الروح

[fat.jow]

يا شيبر انا احتمال من بكره بسافر للغربيه وبجلس فيها شهر او شهر ونص ماني متأكد :)

عاد الجمرات و وحتى مزدلفه يا كثر ما شبعت من التصوير فيها لكن بجوال مو كام :)



اقتباس:
ومنتظرين الصور !!! عجلوا علينا



دامها عند طارق اقولك غسل ايدكـ من بدري ترا الاسبوع عنده بشهرين :)

< أمس ما خرب الطلعه الا الكفر اللي ضرب علي وانا ماشي 180 راجع للبيت بس الحمدلله جات سليمه ولو ان الصواميل ما فتحت الا بعد طلعة الروح

ياهلا والله

ان شاء الله بنزبط لك طلعة تستانس منها

يوم توصل ادينا ألو

[تنكــس!!]

ياهلا والله

ان شاء الله بنزبط لك طلعة تستانس منها

يوم توصل ادينا ألو ابشر حبيب قلبي

المشكله اني محتار لحد الحين اشحن السياره والا لا ؟؟ :)

[ŞЙỊṔỆЯ_Ẍ]

يجي يجي ,,


تنورنا يا الغلا ^^
..

[ŞЙỊṔỆЯ_Ẍ]

ويا شباب تراها صور,,
ما يحتاج تعدلو عليها ولا شي ,,

اللهما تصغير الحجم للمتوسط ,,

وموقع رفع جيد , والسلااام :)
..