السلام عليكم ورحمة الله وبركاته
ابتدي وياكم قصتي (راعي طويلة )واحب اعطيكم معلومةاني من النوع الي ينطرب بصوت الموتر وهذا الي وهقني . في البداية وهالكلام قبل سنتين طبعاً قلت خل افلهاواشيل الدبة الاخيرة رحت لمحل الشكمانات وشالها والله واسمع الصوت عجبني وضليت على هالحال سنتين وجا اليوم الي وهقت نفسي فيه.شلون؟
انا اقولكم شلون . رحت يوم من الايام لمحل تزويد في الخبر اغلبكم يعرفه (شباب سبيد) شفت عنده دبة صوت وقلت ياولد شرايك تغير الوضع شوي وتحط دبة بدال البايب الاوالله شريتها ورحت ركبتها بس الصوت ماعجبني صار مكتوم قلت هذي حلها اني اشيل دبة التلوث شلتها ولازال الصوت غريب شوي مافيه نبرة الصوت الي ابيها قلت لابس وصلنا خير مالها الا الدبة الوسطية مرة وحده اشيلها وتظبط الدعوة كلها الا والله صحيح شلتها مع دبة التلوث يعني صار عندي الدبة الاخيرة الي ركبتها والصوت صار نفس الي ابغيه بس شوي فيه ازعاج على rpm عالي يعني فوق اربعة الاف يطلع صوت قرقعة مزعجة بعدها عرفت بعد ماسئلت كذا واحد ان دبة التلوث لها دور في تنظيم الصوت شوي . وانتهت القصة عند هالحد طبعاً بتقولون شالمشكلة بهالموضوع !؟ المشكلة اني يوم ركبت الدبة نسيت اخذ دبة التلوث ورجعت بعد ثلاثة ايام للي ركبها (ابا يمن ) قالي انه رمها بعد يوم من رحت له طبعاًاعرف انه نصاب وباعها بالشيء الفلاني بس شسوي غلطتي اني نسيت .
المهم بعد هالقصة الطويلة العريضة ودي اسئلكم تخبرون تشليح عنده سوبارو ااخذ منه دبة التلوث ؟

اتا شايف في تشاليح الدمام سوبارو 2001 سيدان بس مادري وش اسمه في زحمه في الدمام سواء هاتش باك وهي بكثره او سيدان
وعليها جنوط
شوفها والله يوفقك
وفي وحده بتشاليح الاحساء بس مدري اذا فيها شكمان كامل وفيها الدباب انا بروح التشليح لاني باخذ شكمان كامل
اليوم انشق عندي الشكمان وكل اسبوع بتطلع لي عله

انا اقول ركبلك سستم كامل او فك عمرك:yagahrhom:

والله كان ركبتـ دبة تلوث رياضيه اذا انت تبي صوت

الي هي يسمونه كاتمـ رياضيـ ومعروف اصلا لازم تكون في دبة التلوث بوسط

الاقزوز او بدايته من بعد الهيدرز

وانا كنت بسوي مثل غلطتك لكن الحمدلله واحد من الشباب نبهني وقلي اول

ماتركب الهيدرز والاقزوز لازم تركب دبة التلوث وفعلا ركبتها

ورحت شريتها من السيارة الرياضية بجدة بـ 250 لونها احمر والحمدلله

الان ماشيه عسل

يقول المثل ( الي يشوف مصيبة غيره تهون مصيبته ) تعال شوف مصيبتي

اناياطويل العمر مشكلتي ايش انا مشكلتي مهيب هينه ياولد انا يوم رحت ركبت


الاقزوز والدبات وكل شي تعرف مع اللحسة يوم تركب شي جديد بالسيارة تنسى اسمك

المهم واحاسب الرجال واحرك بالسيارة على طول وتعرف وش نسيت

نسيت الهيدرز والاقزوز حق بلدها ماغير شلت الدبات فقط وجات فترة ورط كان ودي ادخل السيارة

الفحص لكن خفت يدقرولي(كلمة جداوية هههه) على الاقزوز والدبات الرياضية

انا مصيبتي قوووووووووية وبعدها رحت لتشليح الفايز وشريت منه الهيدرز زالاقزوز

وتصدق الى الان مادخلت السيارة الفحص والاستماره مطوفه من شهر 3 هههههههاي

والاقزوز والدبات كلها راميه بالبيت

وان كان تبي انت تعال لجدة في تشليح اسمو الفايز خاص بسوبارو وعنده كل شي

انا شريت منه الاقزوز والهيدرز حق بلد السيارة من ليجاسي مقلوبة

والله يعين الجميع

شباب الله يوفقكم للجميع

بس حبيت اسأل

انا عندي امبريزا الجديد وودي اشيل دبه التلوث

بس السياره تحت الكفاله وانا منتظم بالسيرفس !

عادي اشيلها ولا تطيح الكفاله ؟؟

مساء الورد

لاانصح احد بإزاله دبه التلوث حيث انها تتدخل في ادخال واخراج الهواء المرتبط بالحساسات والكمبيوتر وتزيد صرفيه البنزين لانها موزونه بدقه

وتسقط الكفاله عن السياره عند تغيير اي شيء فيها بدون علم الوكاله
وهذا الامر سهل اكتشافه وقراءه الكمبيوتر تسجل اغلب التغييرات خصوصا لو كانت اساسيه مثل الاكزوست ودبه التلوث لانهم مرتبطين بحساسات

في امان الله

اللي يبي يشيلها يركب محلها دبة ضغط عشان تحافظ على الهوا وتكسب قوه زياده على اللي عندك

مشكورين يا شباب وما قصرتوا :)