السلام عليكم

صباحكم / مساءكم سكررر

ياشباب صراحه ودي اسوي استفتاء للجميع في اننا نسوي تجمع لاعضاء نادي سوبارو

بالشرقيه في الدمام او الخبر

يوم الاربعاء القادم او الخميس وانا بكرت الموضوع على اساس

الكل يكون عنده علم من بدري ويبذل مجهوده انه يحضر ( اذا فيه احد من مكان بعيد )

والدعوه تعارف عن قرب والشي الامثل اننا نتفق نسوي تجمع خفيف

كل اسبوع او كل شهر

لاني صراحه اشوف سوبارو كثير بالدمام والخبر بس مااعرف احد منهم

الدعوه استفتاء وان شاء الله الكل يوافق ونتفق على المكان والوقت بالتحديد

ونسوي لنا برنامج نمشي عليه اثناء التجمع وكل واحد يجيب شغله جديده واقتراحات حلوه

ونحدد رئيس يكون مسؤول على التجمعآت ووقت ما يبي يسوي


هاا شرايكم بالفكره :p73:



انتظر اراءكم جميعا مع خالص الشكر مقدما

انا اايد الفكره هذه
على الاقل كل شهر او اسبوعين
ونبي الموقع يصير عند جزيره المرجان او الواجهه البحريه الجديده طبعا في الدمام
ولاتنسى يا اخ تنكس كل واحد وظروفه يمكن يكون مشغول معا اهله بس انا بحاول اني اجي
وياليت الدعوه تكون لجميع موديلات سوبارو

صباحك / مساءك عسل يا اخ تنكس
هيا فكرة جيدة وحلوة بس ترى موجود بالشرقية تجمع لأعضاء نادي سوبارو
و نتجمع بين كل فترة وفترة واذا تنضم لنا فا اهلا فيك بيننا

يعطيك العافية على موضوعك

والله يا شباب صار لي سنتين بالشرقيه ولا عمري شفت تجمع وبالنسبه للفكره اللي ببالي هي

تجمع اعضاء النادي من الموقع ومن خارجه يعني حتى لو واحد عنده ليقاسي موديلها 14 مو مشكله

لان الدعوه تعارف

ايش رايكم ووين الشباب ما اشوف احد رد شكلكم مو موافقين :)

انا اول واحد موافق

يا هلابكـ اخوي اكس ويالله اتمنى الشباب كلهم يوافقوا وننسق مع بعض عن طريق الجوال

و انا عن نفسي بحاول اني اجي
واتمنى المكان مثل ما اطرحه اخوي لؤي
ويا ليت كل عضوه عنده الوقت الحضور و المشاركة

على فكرة انا ما عندي سوبارو للحين
يعني الدعوة شكلها طرده لي هئ هئ
ههههه

ههههههههههههههههههههههههه اخوي محمد عشان كذا انا قلت دعوه لاعضاء النادي

وانت عضو معانا هنا يعني تحضر غصب خخخخخخخخخخ


طيب للحين اسماء الحاضرين

ليجاسي 98

x menat

محمد

يالله ان شاء الله كلكم تحضروا معانا

هههههههههه

ان شاء الله

تجمع اعضاء نادي ملاك وعشاق سوبارو
ملاك = الي يمتلكون السوبارو
عشاق = الي يعشقون هذه السياره ولم يمتلكونها حاليا
يعني ماعندك مشكله اخوي بوحميد تجي بسيارتك او معا عاشق السوبارو او حتى معي لي الشرف
بس انا ودي يكون التجمع ليله الخميس من الساعه 9 مساء

اخوي ليجاسي ليلة الخميس يعني

الاربعاء بالليل والا الخميس بالليل ؟ :)

وخلاص اللي تشوفه بس كلموا كل الشباب اللي تعرفوهم عن نفسي والله مااعرف احد

التاريخ ياشباب التارييييييييييييييييييييييييييييييخ
الي يسمعة يقول بيجي

اخوي على معناتها يوم الاربعاء بالليل

واخوي لؤي الشرف لي الله يسلمك
و إن شاء الله إذا قدرت جيت

خلاص يا شباب اتفقنا ان شاء الله يوم الاربعاء القادم بعد صلاة العشا بجزيرة المرجان

يا ليت الشباب كلهم يكون عندهم خبر ويكون التنسيق عن طريق الجوال او الايميل

اخوي h-kyd التاريخ هو 3/6 يعني يوافق بالميلادي 27/5

السلام عليكم

اخوي تنكس

فكره رائعه بس

حبيت اعطيك كم معلومه عن نادي سوبارو في الشرقيه ترى عندنا رئيس للنادي وهو موجود معنا في المنتدى لو تنسق معااه يكوون احسن

وبعدين كيف تقول انت لك سنتين في الشرقيه ولا عمرك شفت تجمع سوبارو مو كانت تجيك رسائل على الجوال وانت الي ما تجي ولا ترسل رساله تعتذر فيها على عدم قدوومك الى التجمع

واضن قد تقابلانا في منتدى جده بووبز و منتدى السيارات وكنت اكتب عن اوقات التجمعات وكنت اقوول يا شباب الي جاته الرساله وما يقدر يجي يرسل رساله اعتذار عن عدم قدوومه الي التجمع لانو راح تكون هنااك عمليه فرز للاعضاء الي ما يجوون التجمعات تذكر ولا لا حتى وقتها قلت انك رااح بسافر

على العموم يا عزيزي تنكس في عندنا نادي كامل متكامل وعندنا تجمعات بشكل رسمي وكل شهر او اسبوعين نسوي تجمع مره في الوكاله مره في مكان يحددونه الشباب

وانتمى انو بس ردي ما زعلك بس الحق ينقااال وما ينزعل منه

tariq

دام الحق ينقال ترا مره او مرتين جاتني الرساله بس وكلها كنت مسافر مو موجود

وفيه مره قلت بحضر واحد من التجمعات ويوم اروح الا فيه سيارتين والثالثه لومينا

اما غيرها كانت احتفالات بالوكاله وانا شي يخص الوكاله ما ودي احضره

والشي الاهم انهم مشترطين السيارات تكون 2006 وفوق وانا ابي الشباب اللي بالمنتدى كلهم يحضروا

نظرا انه فيه شباب عندهم موديلات تحت 2006

وبالنسبه للرئيس اللي تقوله /

اذا انه أنور او معتصم الحربي ترا كلهم جوالاتهم مسكره والظاهر انهم مغيرينها وواحد منهم حاذف ايميلي

يعني انا ما تعرفتهم الا عن طريق معرض الظهران للسيارات المعدله وراحت ارقامهم

.... وانتظر الين يجي معرض الظهران مره ثانيه :)

<<<< فكرتي هي اعضاء الموقع هذا مو ملاكـ سوبارو اللي تسويه الوكاله


اخوي طارق خل تجمعات الوكاله على جنب وان شاء الله انكـ تشرفنا التجمع وراح نتفق جميعا على كل شي في التجمع

^^^^^
خلاص ياشباب اتفاقنا الاسبوع الجاي اليوم التاريخ 27 جمادى الأولى 1430
نبغا نتجمع يوم 3 الاربعاء ليله الخميس والتجمع ان شاء الله يكون الساعه 9 مساء
والساعه 11.30 نبغا نتحرك من موقع التجمع وناخذ لنا تمشيه والي موافق يقولنا والي معارض يقولنا
وبتكون ان شاء الله جلتنا في الدمام سيهات والقطيف والي عنده اقتراح يبلغنا
انا عن نفسي بجيب 3سيارات وحده 2003وانا وثنتن98 ومجموعنا 4 الا اذا كانت فيه ضروف

انا اقولك شي ترى مو كل تجمع نسويه بالوكاله اغلب الاحيان برى على الكورنيش ولا في اي مكان

وبعدين ولا مره جيت تجمع وحصلت على قولك سيارتين بالعكس احصل عدد جيداً نوعاً ما يعني 10 الى 15 سياره

وفي تجمع جات اكثر من 20 سياره سبوبارو ما بين امبريزا وليجاسي

واذا مضيع الارقام من سأل ما ضاع عندك الوكاله اسأل هم يعطونك كل شي

واذا على رئيس النادي اسمه عصام ونائب الرئيس انور

واذا حاب ارسل لهم رساله على الخاص كلهم مسجلين في المنتدى

على العموم لا تعصب فرش فرش ونع نعش بس

ااذا على التجمع الي يوم الاربعاء مدري يوم الخميس على حسب اوضاع الكليه ااذا فيه اختبارات ولا لا

يعني بجي وما بجي :) يعني في قائمه الانتظار

وبشووف باقي الشباب مين يبي يجي وبجيبه معي

لوي مدري ليه انت كل شوي داخل عرض :)

هههههههههههههههههههههههههههههههه

شخبارك بس ؟

هههههههههه والله من زود الحماس ياخي انا مو على الجمع بعد اانا مشتهي اروح الدمام طفرت من جونا الي في الاحساء نبي نغير
جو شوي
وانت شخبارك ياطارق وشخبار الامتحانات شد حيلك هع
تقبل تحياتي

ايه اما عليكم اجواء في االاحساء حقتكم مدري وش تبي

تمر عليك الفصول الاربع في يوم واحد هههههه

اقول كانا قلبنا ام الموضوع شات و سوالف ههه

هههههه هذا الي اقوله
ههههه امس الجو زين والي بعده عج وحر
ماتدري وش السالف اقول خلنا عن الهدره الزايده ههههه

يا شباب ودنا نغير عنوان الموضوع الى شات التجمع ههههههههههههههههههههههههه امزح معاكم

خلاص تم وبالنسبه لكلامكـ أخ طارق اتمنى في تجمعات ثانيه تبلغني وابشر راح ارد اذا اني مو جاي

لان زي منت عارف دوامي شفتآت مره صباح ومره مساء ومره مدري متى

الاسبوع ذا تفرغت خمسه ايام عشان التجمع وعشان بسوي كم شغله بالسياره


اوي لؤي فكرتكـ صراحه 100 % بس اهم شي يكون العدد مضبوط ما تدري يمكن نلاقي واحد في الطريق سوبارو وينضم للمسيره :)

انا عن نفسي في قائمه الانتظار الين يوم الثلاثاء ارد انشالله

انا من رأي انه تكونون جروب واحد دام انه بالشرقيه موجود قروب من فتره

وكلكم قريبين من بعض بدل كل منطقه يسون قروب ولهم رئيس

حنا بجده قروبنا من مكه والطايف والمدينه ورابغ كلها رئيسها واحد

هذا هو الافضل مجرد رأي انا ادور الافضل لكم

وعادي لو تتجمعون بالاحساء كل اسبوع او اكثر

بالاعكس تقوو العلاقه بينكم ويكثرون الاعضاء

بس الافضل انه يكون الرئيس واحد

شكرا لكم وبالتوفيق

impreza

كلامك عييييين الصواااااب

اخوي امبريزا لو يتم جمع الاعضاء كلهم ويجوا الدمام يكون افضل لانها مركز المنتصف

والشي الثاني تجمعات القروب موجوده لكنها اعتقد ما بين فتره وفتره طويله انا اقول لو يكون قروب خفيف نتجمع بشكل اسبوعي

وبشكل شهري القورب كامل
( من كل مكان )

بس ماادري يمكن يكون موجود بس ما عندي خبر

بالنسبه للرسايل كانت تجيني مره كل شهرين واهي رسالتين بس والثالثه كانت تخص حفل الوكاله

المهم يكون بيننا اتفاق وتفاهم وقت التجميع اللي بيصير الاسبوع ذا ان شاء الله

الله يوفقكم ان شاء الله ويزداد قروبكم

واهم شي بينكم التفاهم وتبادل الاراء

وان تكونو يدا بيد في كل خطوه

والبعد عن المشاحنات

اكيد هذي اهم نقطه وما بسمح للمشاحنات تصير وانا موجود واصلا ما فيه شي يجيب مشاحنات بيننا

على كلامكـ ذكرتني لاول تجمع لقروب السوبارو كان بالصواري مول جا معنا واحد من ميستوبيشي قروب

وقال ان صارتبينهم مشاحنات في التجمع تبعهم

عاد احنا ما نبغى مثلهم

أنا أقول لكم من الحين شاحنات مافي لأن السوبارو ماتنتج اي نوع من الشاحنات خفيفة أو ثقيلة <== خاش عرض شيبي ذا

أهم شي لما يتم التجمع يجين خبر وأجيكم رواسي افا عليكم والمشاحنات مانبيها نبي تفاهم وتوزيع وإصغاء

إلى الأمام سر
^
اليوم مدري شفيه

ههههههههههههههههههههههههههه بلاكـ راح اعطيكـ خبر بس لا تنسى المكان والميعاد

خلاص ان شاء الله 90 % بجي

بس وين المكان جزيره المرجان مو كانه زحمه وعوائل شووفو انا اقترح مكان ثاني والوقت الساعه 9 يعني ما راح تحصل ولا موقف حق التجمع

يعني لو شوي بدري على شان نرجع بدري وعلى شان تحصلون مواقف بعد

يالله شووفو حل حق مكان التجمع :) ههه

ولا ما لكم الا تتجمعون في الخبر اسرع للمرور وللحجز :) ههه << ما كلينها من قبل ما يحتاج خبره

اخوي طارق بالنسبه لجزيرة المرجآن ما راح نطول يعني بنتجمع ونسولف و نسوي اقتراحات وبعد كذا راح نتحرك مسيره مثل ما قال ليجاسي 98 وبالنسبه للوقت
متى تقترح اننا نتجمع ؟

المشكله في المواقف ما تحصل مواقف فاضيه يم بعض

اذا تبي نتجمع وكل واحد يوقف سياره في جهاا على راحتك

واقترح التجمع بعد صلاه العشاء الساعه 8 يعني يا شباب 8 حكم تكوون في الموقع مو نقول 8 وتجي 9 ههه << ايه عادي سعودين

ويستحسن يتغير مكان التجمع شووفوو اي مكان ثاني :)

صح كلامك جزيره المرجان هو موقع زين بس انه صغير
شرايكم في الواجهه البحريه الجديده
في مواقف منوره وكبيره

ايه زين الواجهه صراحه خلاص تم وبلغوا الشباب كلهم

الا ما قلت الواجهه وينها فيه ؟ :)

تبي ترووح الحجز انت وسيارتك :) ههههههه

اقول يا شباب

اي شي يجيب الشووبه ابعدو عنه

ترى ماحنا ناقصين حجز ترى الاختبارات على الابواب

اف اف حجز ليش وش بنسوي حنا :)

ما عندك علم انو التجمعات ممنوعه

شووف ما لك غنى عن الوكاله هم الي يقدروون يجيبون التصاريح حق التجمعات

اذا تبون سوو تجمع في الواجهه بس انا بوقف سيارتي بعيد عنكم شوي

هههههههههههههههههههههه خلاص ياخي لا تعصب وقف بعيد والله ما علي منهم ويا كثر ما سويت من تجمعآت

ولعلمكـ ترا بطاقة ملاكـ سوبارو اللي ماخذها من الوكاله خلتني ألعب على الدوريآت بكل مره يوقفوني

واقلهم ان هذي تصاريح من الوكاله والمرور راعي عليها ويمشوني على طول

بما ان كلنا عندنا البطايق ذي اول ما يجي المرور نوريه البطايق ونقوله انها تصاريح

والله ما راح يفتح فمه ....

وانت براحتكـ :)

والله ياشباب ما عندنا اي مشكله
بس انا اعتب على الشباب لان كل مره ارسل رسايل الى سبعين شخص
واللي يردوا على الرساله خمسه او سته يعني بصراحه الموضوع يزعل
ثانيا انا ما اقدر ارسل رساله الى شخص سيارته مشبوهه مثلا او ازعاج
لان هذا بيأثر على كل الاعضاء انتو عارفين كيف الحكومه ماتتفاهم
يعني ماعندهم مشكله يحجزوا السيارات كلها واحنا ما نبغا المشاكل
بس ان شاء الله انا جالس ارتب شي احلى من التجمع في الشارع
وراح يكون عندكم خبر واسمحوا لي على الهدره الزايده

والله يا اخوي أنور بالنسبه للرسايل والله صحيح جاتني ولا رديت عليها مع اني كنت مسافر

بس ممكن السبب عند اغلب الشباب اللي ما ردوا لان الرساله مو موضح فيها مثلا اللي ما بيجي يعتذر برساله

اتوقع هذا السبب .. لانه عن نفسي نفس السبب

وبالنسبه للتجمع بدنا يكون كل اسبوع او كل شهر يعني يكون مكان محدد وروتين ما يحتاج اعلان

واذكر مره قلتلي بسيهات بس انا لاني مو من الشرقيه كل مااروح لمكان اضيع فيه ...

عشان كذا اخترت الدمام كأسهل مكان

وعاد أرحب فيكـ في التجمع ويشرفني انكـ تحضر

ملاحظه / رقم جوالكـ انت ومعتصم الظاهر انها فصلت لاني ادق عليها وكل وقت مسكره

هذا برضو كان سبب اني ما قدرت احضر واتمنى تتقبل اعتذار الجمع وان شاء الله بالجيات راح نكثف الاهتمام بالقروب

وهلابكـ بأي وقت في الموضوع

حياك الله اخ انور شرفتنا ونورتنا

اما عن اخوي تنكس ههههه بطاقه عضويه تصير تصريح فكره حلوه بس ياخوفي يكلمون الوكاله ونطيح في مصيده

شباب ون تبغون نتجمع ترى مابقى كثر ماراح يعني اذا الواجهه البحريه ماتنفع والمرجان ماتنفع وين نتجمع
لاني اذكر من زمان السيارات تتجمع يم الكورنيش القديم طريق الشاطئ مول يتجمعون ماشوف شرطه
الي عنده مكان يحدده انا ماعرف الدمام زين ماعرف الا الواجهه البحريه والمرجان

والله اللي نشبنا يفكنا


؛<<<<< يقصد طارق ههههههههههههههههههه


انا اشةف ان الواجهه زينهلاننا بنتجمع شوي ونتحركـ على طول الدوريات ما بتتجي

خلاص ياشباب تم تحديد الموقع بلاتفاق معا صاحب فكره التجمع الاخ تنكس
التجمع راح يصير في الواجهه البحريه الجديده من الساعه 9 المساء الى الساعه11مساءا
وبعدها راح نتحرك من الموقع ونتمشى
وان شاء الله هذا القرار النهائي

ههههههههههههههههههههههههههههههههههههههههههههه

الظاهر انت يا تنكس ما قد مريت بنفس المواقف الي صارت لنا مع المرور

قال ايش قال بطاقة النادي حقت الوكاله الي ما لها فايده من طلعناها وبعدين شووف التاريخ ترى منتهيه الي عندك

البطاقة ما منها فائده

وين تبووون في الواجهه البحرية الله يستر منك والله بتجيبون العيد في انفسكم

يا طارق عاد انت لا تتخوف زياده ترا مو مطولين في الوفقه كلها ساعتين حتى لو جا المرور كلمناه اننا شوي وبنمشي والله ما يسوي شي

والله ما ادري عنكم انا إذا جيت
بجي بسيارتي و إذا قالوا شولوهم بقول ماني معهم
انا عندي يارس تويوتا مو سوبارو خخخخ < بدأت النحشه هههه

اوك اوك

شووفوو هو مكان واحد ما حد يقدر يكلمك فيه :)

القطيف ستي

خلو نتجمع في نفس المكان الي سوينا فيه التجمعات الي قبل

الي هوو اخر مواقف على كورنيش القطيف

تدلووه ولا احط كروكي من قوقل ايرش

القطيف سوو الي تبي ولا حد يقولك شي :) <<<< وليش ما تتكلم من اول >>> توها جات على بالي

يالله قررو ؟

يا جماعه شسالفه متى الاجتماع ؟

يا طارق ترا لا انا ولا لؤي نعرف شي بالقطيف واا على الدوريات راح نتجمع في الواجهه كنظقة التقاء بس وعقبها راح نحركـ القطيف على طول يعني ما راح نطول


اخوي mtr التجمع يوم الاربعاء بعد صلاة العشا في الواجهه البحريه بالدمام

طيب الواجهه كبيره حدد المكان وين بالضبط

ولا بتخلونا نفتر بسياراتنا بذ الحر والزحمه لين نحصلكم ؟

الله يوفقكم يا شباب في التجمع

واتمنى حضور اكبر عدد منكم

ولولا المشاغل والا كان حضرت

لكن الجايات اكثر انشا الله واتمنى لكم التوفيق


تحياتي,,,

يا شباب التجمع راح يكون عند الابراج الاثنين اللي تجي جنب بعض في الواجهه وهذي صورة واحد منها

http://www.sabq.org/inf/infimages/myuppic/2205947ae169336cbf.jpg

يا حبيبي انت جيت في قلب الزحمه خليها في المواقف الي قدام على اليسار اذا خليت الابراج على يدك اليمين امش سيدا لين ما تحصل مواقف على اليسار غالباً تكوون فاضيه

على العموم انا بسبق الكل الى هنااك

تنكس على ما اعتقد عندك رقم جوالي اذا ضعت اتصل

وانا بحاول اشووف كم واحد من الشباب اذا بيجيون ولا لا

اوكيشن ؟

اوك تمام بس كم اخر رقمك لاني مو متأكد

اخر رقمي

19045 هذا اخر رقمي اذا مو عندك او مضيعه عطني خبر ارسله لك مره ثانيه

اخوي اسف والله على التأخير والرقم مو عندي يا ليت ترسله وتبلغ الشباب كلهم على اساس عدد الحضور يكون تمام

خلاص يعني ان شاء الله نعتمد على المكان هذا

ويعطيكم العافيه ياشباب على تفاعلكم
وانا بتحرك من الاحساء الساعه 5

يا شباب آسف بس التجمع تأجل الى بكره صار لي ظروف والله اليوم وما فيه امكانيه أبد


العذر يا شباب بس بلغوا كل اللي بيجي ان التجمع بكره بنفس المكان والوقت

يعني جيتى راحت على الفاضي...........................
مهب مشكلة تمشينا وغيرنا جو ...

اخوي اسف والله ظروفي والله فوق ارادتي بكره نتقابل ان شاء الله ونتفاهم والعذر والسموحه

سلامااااااااااااااااااات :(

سلامات اخوي تنكس
ان شاء الله مافي الاكل خير
انا توني بمشي بس دقيت على عاشق سوبارو وقالي يقول محمد تاجل الموعد
حصل خير وان شاء الله انا احظر بكره

اي انا كلمته اخوي لؤي و خبرته يكلم اللي يعرفه

و بالنسبه للروحه اتوقع تكون بكره صعبة علىََّ و على عاشق السوبارو
لكن وعد إذا قدرت اكيد راح احظر التجمع معكم

مهب مشكلة لاكن المرة الثانية اقلها اذا صارت للداعي اي ظروف يقول تجمعو وانا باجي بعدين المهم الجمعه والتعارف والداعي على العين والراس لاكن مايفركش الجمعة ويخلي الى ودة يجي يتنكد ويبطل ترا كلمة تاَجلة لها مردود سيى وغير كذا الي في المنطقة ماعندة مشكلة في السكن لاكن الى من بره يتورط وعبال ما يلقا يكون كرة نفسة
ويمكن يضيع واخرتها يرجع ومعد يفكر في التجمعات حتى لو انها جمب بيتة لما جيت كنت في قمة الحماس وفي الاخير تاجل ماعرف وين احصل سكن عزاب خصوصا ان حتي الشقق الفندقية ترد العزاب
المرة الجاية باجي لازم اتعرف على اكبر عدد من الشباب انا والله مقدر ظروفك لاكن يضايقني لما القى نفسي في الاخير لحالي ......

والله شنهو اقولك يا اخوي
انا مثلك مع اني ماضربت المشوار من الاحساء الى الدمام
لكن تضايقت
لكن ما اقول غير خلها على الله
و المرة الجاية راح نسوي زي اللي قلت عليه

والله يا حمزه كلامك عين الصواب

اهم شي الجمعه يعني ما يتأجل او ينلغي التجمع على شان واحد بس ما راح يجي التجمع

واذا بيصير تأجل او الغاء المفرووض يكون على الاقل قبل الموعد المحدد بيوم مو قبلها بكم ساعه



اتمنى الكل فهم الفكره يا شباب

ولا تزعل يا علي بس والله شي يقهر من جد وخصوصاً ياخي مشوار الرياض الشرقيه في نفس اليوم ورحه ورجعه ترى موب هين وانا اخوووك

سلام شباب
والله كان ودي اني احضر لو مرة وحدة تجمع
بس الي كنت مو متوقعه ان في لحضة تتاجل الطلعا بس



المشكلة اني تعبت امس عشان ارتب السيارة بعد ما طلعت من الدوام بس كل شي راح ع الفاضي

يالله ان شاء الله خيره لنا التاجيل
يمكن صار شي لاسمح الله وما الله اراد يصير لنا الشي هذا
والحمد لله العلم عند الله
ومثل مايقولون كل تاخيره فيها خيره < شدخل المثل
الله يعينك ياعاشق سوبارو انا بروض نفسك رتبت السياره وتعبت
الحين الصبح الساعه 6 الا ربع
بروح انظف السياره عشان بمشي الساعه 5 او 4:30 م بروح الدمام
وانا اتمنى كان انه يجي عاشق سوبارو ومحمد معنا بس الله يساعدهم الضروف وان شاء الله
تتحسن الضروف ويقررون يجون معنا
والاعضاء الي في الشرقيه وخارجها اتمنى انهم يجون

السلام عليكم:066:
كيف حالك ان شاء الله بخير
يالله ياشباب اتمنى انه محد يزعل من الاخ تنكس
صارت له ظروف و خاصه :mh93:
والنادي هذا ما استوى الا عشان نكون اخوان :mh3256:
واعضاء فيه وتاجل يوم واحد وحنا كنا مستنينه من 7 ايام يعني خلو الوضع ايزي
واليوم نبي نتجمع في المكان الي حددوه الاخوان طارق وتنكس
بعد صلاه العشاء في الواجهه البحريه في المواقف بعد الابراج على يدكم اليمين:052:
واتمنى حظور جميل ان شاء الله ومانبي حد يزعل او ياخذ على الثاني:vdsvd: كلنا اخوان ياشباب
والوعد الليله
في التجمع نبي نستانس:590:

مثل ما قلت محد من قبل 7 ايام
لكن خلها على الله

واليوم ان شاء الله اجي مع اني ما اتوقع

السلام عليكم

صبحكم الله بالخير

اخواني وبالاخص ( h-kyd ) والله ماادري وش اقلكم على تأجيل الموعد وحقيقه الامر كان خارج عن ارادتي والله وظروفي قويه

صحيح ان غلطتي ان ما كان بيننا اتصال بالجوال او ايميل لاني ما عرفت الا بعضكم عن طريق الايميل بس

والمفروض انظم من بدري بس والله ما كنت ادري ان فيه شي بيصير معاي

ويمكن بعضكم قال اني غلطان لان المفروض ما يتأجل موعد بسبب شخص

بس والله كان بودي اني أكون حاضر معاكم عشان أنال شرف معرفتكم عن قرب لاني

مثل ما اسلفت ما اعرف احد بالقروب شخصيا ولو اعرف خليت احد يحضر عني ما صار كل هذي العفسه

ولعلمكم انا ما صار لي فتره طويله بالشرقيه يعني قريب السنه او اكثر ولا اعرف احد هنا وساكن لحالي


فودي والله انكـم جميعا تعذروني وان شاء الله ما راح تشوفون مني اي تجمع ثاني او اي شي

اذا فيه احد تضايق .

اخوي h-kyd والله ثم والله اني ما دريت انا ان فيه احد بيجي من بعيد لان الموضوع ذا اكثر ما كان فيه نقاش حول الموضوع

موقع التجمع ولا شفت احد قال بجي من الرياض عشان كذا توقع الحضور ما راح يكون واجد

ولو ادري والله ما خليتكـ ترجع الرياض وانت زعلان وانا ارسلت لكـ رساله اليوم لرقم جوالكـ من رقمي اللي اخره 5253


واتمنى الجميع يحضر اليوم وان شاء الله انكم تفهمتوا وضعي ومثل ما قلت ما راح تشوفون مني اي موضوع ثاني

انتظركـ اخوي وانتظر البقيه وتقبل اعتذاري وخالص تقديري

اخوكـم علي الشنبري

مقبول الاعتذار اخوي تنكس ماحصل الا الخير
وان شاء الله اليوم اذا في تجمع في امور راح نتفاهم عليها
واشكرك على حماسك
ومش صحيح انك تقول ماراح تشوفو مني اي موضوع مره ثانيه
بالعكس احنا كلنا اخوان صحيح ان في غلط من الشباب انه ماكان في ترتيب او اتصال قبل موعد التجمع علشان نتفادى مثل هذه الاخطاء لكن اللي صار صار وياريت من الشباب ان ماحد ياخد في خاطره ...... وان شاء الله نلتقي اليوم
اخــوكـــم انــور

اخوي تنكس احيان الواحد تصيرله ظروف خارج عن ارادته مثل ماصار معك

فالوضع عادي وان شاء الله الشباب يقدرو الموقف ومحد بيزعل ان شاء الله

والاخوان اللي جو من بعيد ماراح يزعلون ممكن يكونو تضايقو من وقتها

لاكن الجايات اكثر والله يوفقكم

خيرها في غيرها اخوي علي
و الجيات اكثر

انا الحمدلله ما شلت في خاطري ولا راح اشي على احد منكم

وان شاء الله اذا قدرت اليوم احظر راح احظر بإذن الله

الحمد لله تم التجمع على خير

وتشرفنا بشووفت الشباب

السلام عليكم ورحمة الله وبركاته
الحمد لله وصلنا الحساء الساعه 15-3
صحيح انو مشاركاتي قليليه بس بصراحه جد جد تشرفت بمعرفت الاعظاء
ابونا طارق هع هع هع امزح
تنكس
انور
ولا يهنون الجميع
ونتمنى تجمعات افضل وافضل

وش دعوة اخوي تنكس ترا الى صار مجرد عتاب اخوان كان ودنا نجتمع
القصدة التواصل والتعارف وسعة الصدر مهب دعوة رسمية تعال عرف عن نفسك واقعد ...هاذي طال عمرك مثل جمعة الاهل ويمكن اكثر وانا وكل الشباب نعرف ان الظروف علمها عندالله وكلنا مرينا بهذا الشي لاكن وسع صدرع وريح اعصابك لان الي صار خلاك نار على علم وقربنا منك اكثر(تحس اني قاعد اكتب وانا اصيح) وصار بحد ذاتة كانة تجمع وانشاء الله باقرب فرصة راح تكون اول من ادورةعلية بمجرد ما اطب الشرقية شكلك بتقول انا اصلا ساكن في الرياض....!
اعتذارك وصل لاكن للاسف محد منا اعتذرلك
اعتذر منك اذا الضيقة خلتنى اعاتبك وانا برضو غلطان.
-
-
-
-
هاذا المسلسل الدرامي برعاية منتدى وزارة الزراعة....عفوا منتدي نادي سوبارو السعودية

ههههههههههه
الل يا يجزاك خير اخوي كايد

يلا ا شباب نبي اصور وحركات عن التجمع
كنت بروح بس انشغلت مع العلم اني شفت اخواني لؤي و اخوه
على شارع الظهران منطلقين

المهم يلا همتكم نبي التغطية ومنهو راح و و و يلا الهمة

it's done by all


اخوي h-kyd والله كان ودي انك تحضر صحيح لاني والله ما ابي ازعل او اخسر اي واحد من القروب انا غلطتي ما نظمت صح لكن بالتجمعات الجايه ان شاء الله راح يكون فيه تسجيل لاسماء الحاضرين مع التواصل عن طريق الجوال لان مشكلة هالتجمع ما كان عندي ولا رقم
وراح يكون فيه نشاطات ومفاجئات حلوه اتفقت عليها مع طارق وأنور يعني التجمع ما راح يكون مجرد تجمع وتصوير بس ..!!

وعشان اخوي h-kyd والمشوار اللي صار عليه راح اسوي باذن الله تجمع بالرياض ويكون بتنسيق القروب كامل
بس فترة الاختبارات تعدي وان شاء الله نترقب المفاجئات ...

الحين بانتظار الصور من مصورنا المبدع وبن هندي اللي بغى يدخل سيارته بالسيت الخلفي لسيارتي ههههههههههههههههههههه

بن هندي الحمدلله على سلامتكم ما شاء الله وصلتوا بنفس التوقيت اللي وصلت فيه لراس تنوره باللهي قولي كم ماشيين بالطريق :)

هههههههههه
الحمدلله ما صار الا الخير

المهم نبي تغطية كامله سوالفكمو الاصور و المغامرات
كل شيء ؟

ملاحظه / ترا زعلان عليكـ ليش ما تحضر ..!!

يوو بعد قلبي علي لا تزعل
أنشغلت لأني كنت انا و عاشق السوبارو مخططين على انه يوم الاربعاء
لكن صار اللي صار و يوم الخميس ما قدرت احظر

وإن شاء الله الجيات أكثر و أحسن و أرتب يا الغالي
و إن شاء الله أكون أول الحاظرين بعد

ولا زعل ترى إذا زعلت بطلع من المنتدى مرة واحدة
ههههه

شباب للاسف الكاميره الاساسيه الي امس
انكسرت الميموري حقها مثل اقالي صاحبها
الصور الي عند الحديقه والصور الجماعيه راحت
اسمحولي على هذا الخبر المؤسف

N0oO0oOO0oO way

راح كلش مستحيل

يعني ولا صورة ابد ؟ افاا بس افاا
معليه الجيات اكثر و انا اخوك
و عظم الله اجركم والباقي في حياتكم > الولد خاش مسلسل درامي حزين الف ههه

طيب سالفو منهو شفتو ( منهو حضر ) ؟ شنهو سويتو ؟ وين رحتو ؟ وو
تكلمو عن المغامرات و الاكشن منهو شغله ردح و منهو قال حراام ههه

يلا تكلمو ولو اشوي

الكاميرا الاساسيه راحت منها الصور كلشكلش وكاميرتي عندي الصور بس ماتنزل سبب حجم الصور كبير بحاول باقرب فرصه اصغرهم واحطهم هنا لانه يبغا لهم وقت
بس مافيها الا اول صور التجمع عند كورنيش الفطيف

ما في مشكلة شيء احسن من لا شيء

و احنا كلنا راح ننتظر على ما تخلص
انت اهم شيء اخذ راحتك يا لؤي

وإذا في صور لكم حطو هههه يمكن اتشجع و احط صورتي معكم
هههههه

للاسف الصور الجماعيه الي صورناها
كانت في الكاميرا الاساسيه
وماعندي الا صور السيارات فقط
مثل ماقلت شي احسن من لا شي

اهاا
ما في مشكلة

والصور اللي عندك اخذ راحتك
و احنا راح ننتظر

اخوي لؤي ارسلي الصور دقايق وتكون جاهزه الحين :)

<<< واحد متحمس من يومين

^^^^^^^^^^^^^^^^
اوما سالفة السيت البريك ياخوي تنكس ذي بذاتها سوت فلم ولازم التجمع مايحلى الا بأفلام هع هع هع
كنت امشي 160 بس لين وصلنا الحسا بس اترك عنك تعبت في التحويلات لنو الموتر مو متعود عليه
طبعا ماكانت سيارتي سيارة الي راكب معي انا قايلك سيارتي بالحساء وبصراحه السياره مو متعود عليها لنها دفع امامي لو جاي بالي في التوقيع كان شفت درفتات على اصولها
طبعا كلمت خويي راعي الكاميرا يقول دخل المومري في الاب توب وجا بيطلعها وعلقت داخل الجهاز

طيب بسيطه اذا علقت داخل الجهاز نطلعهااا

علقت وهو يطلعها انكسرت

الله يهديه شكل يده كانت خفيفه على الممري شوي هه << لا امزح

مو مشكله حصل خير وخيرها بغيرها ان شاء الله

يلااا مو مشكله ننتظر الصور الباقيه اهي الحمدلله واضحه مع الفلاش وما فيها شي والباقيه اللله يعوض مو مشكله

مرحبا شباب
تشرفنا بمعرفتكم وانبسطنا بس وين الصور ؟
وان شاء الله على الاسبوع الجاي راح تسمعون عن المفاجأه اللي جالسين نشتغل عليها

ونحن ننتظر يا انور بس ودنا نجي بس تدري الاختبارات قربت
ولا انا شي اسمه تجمع احب اروح له
واهم شي انه تعرفا اكثر على الشباب الطيبين والجايات اكثر ان شاء الله

هي المفاجأه راح تكون بعد الاختبارات :rqs:
بس الترتيب راح يكون من اسبوع الجاي تقريبا علشان نقدر نحدد العدد
وفي نفس الوقت نعطي الشباب فرصه علشان يرتبو نفسهم ....:047:
تــحــيــاتــي..

انا موافق بس مابعد اشتري سيارتي ليجاسي 2009 h6واذا قدرت اجي بجي لاني ساكن بالجبيل يعني الدمام والخبر حذفة حصى اوكي

اوك انا برتب سيارتي ان شاء الله
والوعد بعد الاختبارات تصير الفله صح
يعطيك العافيه اخوي انور

و انا وياكم بس حبذا تكون يعني مو في بدايتها

لأن حالي من حال ليجاسي 2009 ناوي على الـ 2009 بس لسه ما شريت

ويبلي وقت و كذا واخر سنه تسجيل في بداية الاجازة و حركات