السلام عليكم
يااخوان انا قررت اشتري سيارة سوبارو وانا محتار بين نوعين
ليجاسي و جيب فورستر
وايها افضل واقوى واجمل وعملي اكثر
وخذو بعين الاعتبار إني أسافر بالسنه ثلاث مرات لمسافات طويله
وبالرياض عندي مشاوير نوعا ما متوسطه إلى كثيره
...........
وأي لون تنصحوني أو ماهو اللون المرغوب اكثر وذو جمال اكثر


انا مستعجل جدا على الموضوع وانتظر رد من الأعضاء

والف شكر لهذا الموقع الرائع إلي شجعني اكثر لشراء سيارة سوبارو

ترا الفورستر كلام كبير ومعتمدة وقوية واثبتت جودتها العالية لولا شكلها الغريب هاذا الجيل السابق اما اذا تقصد الجيل الاخير 2008 فنفس الكلام لاكن الحجم 180 درجة يفرق اما الداخلى فقبيحة هاذا رايي
اما الليجاسي اعتقد انك تقول انك راعي مشاوير وسفرات وكرف واليجاسي مايختلف عليها اثنين لاكن حرام تمرمط سيارة زيها لاكن اذا مشاويرك ماتستدعي استخدم الطرق الغير معبدة ok ليجاسي
وانا استغرب من اصحاب الليجاسي وباقي الشباب ماردو عليك بحكم انا اصحاب الليجاسي كثيريييييييين
وانا معي امبريزا ومشاء الله فمبالك بالليجاسي والفورستر....!

الف شكر على ردك المفيد وانتظر باقي الاعضاء للافاده اكثر

اخوي زين انكـ جبت الكلام عن السفريات

لعلمكـ انا ساكن بالشرقيه حاليا وديرتي تبعد عن الشرقيه 1800 كيلو يعني جنوب جده بالساحل الغربي الجنوبي

واكثر من مره سافرت والسياره الحمدلله متحمله وما فيها شي وبعد قريبي عنده ليقاسي 2007 ويسافر لتبوك كل ثلاثه شهر ويرجع

يعني ست سبع سفريات بالسنه والحمدلله دامه محافظ على جدول الصيانه بالشركه وقطعها رخيصه والله ما اشتكى منها رغم انه شراها عن طريقي

فاذا محتار بين الفورستر والليقاسي يعتمد على شيئين

الاول / اذا انت عندكـ عائله وما شاء لله يعني كثيرين الله يحفظهم فالليقاسي اقر اقولكـ انها صغيره شوي والفورستر افضل

الثاني / اذا انكـ راح تطلع بر يعني سفرياتكـ من مدينه لقريه ( هجره ) هنا بعد الفورستر افضل

غير هالحالتين الليقاسي افضل من جميع النواحي ( رساوه , قوه , ديكور , تكنورلوجيا , انظمه ...الخ )

ومع العلم ترا انا راعي سفريات من أيام الثانويه ولا اعرف شي اسمه محافظه غير اني محافظ على الصيانه واكثر سياره شفتها تحملتني بمعنى الكلمه الليقاسي
أهنيكـ على اختياركـ والصراحه والله اختياركـ كان بمحله وما راح تندم أبد انك توجهت للسوبارو

اتمنى اني افدتكـ اخوي والف مبرووك مقدما وأي خدمه وأي استفسار انا حاضر وتحت امركـ والعذر على التأخير في الرد

ألف مليون شكر لك اخوي على هالرد
وكفيت ووفيت وكلامك اقنعني وانا بستخير وبعدها نشوف إلي ربك ييسره لي ان شاء الله ....
احلى اعضاء والله
شكرااااا

اخوي باسل اول شي احب اهنيك على اختيارك سوبارو
وبالنسبة للفورستر والليجاسي كلها رائعة بس الاختيار يتوقف على طريقة الاستخدام وعدد الاشخاص وطريقة القيادة
اما اللون فهو مسألة ذوق ,,,,,,
والله يوفقك ويعطيك خيرها ويكفيك شرها مقدما

شوف ياخوي بالنسبة للناحية الميكانيكية الليجاسي و الفوريستر تقريبا نفس المكينة و القير اللهم كلن معدل حسب السيارة اللي راكبه عليه << انا اتكلم عن الاربعة سلندر لانه الفوريستر مافيه ستة سلندر

بالنسبة لاختيارك فالسيارتين جيدة و اتوقع اللي راح يحدد هو النقاط التالية:

1- اذا انت دايما تشيل معاك عائلة معناه انه الفوريستر انسبلك بسبب انه المقاعد الخلفية تبعه اوسع.

2- اذا انك راح تستخدمها في البر او لا.

اما بالنسبة للاختلافات:
الفوريستر رساوته اقل من الليجاسي بشي بسيط بحكم ارتفاعه عن الارض (مو معناه انه مو راسي بالعكس رساوتة عاليه بالنسبة لجيب)

الفوريستر نظام التعليق الخلفي تبعه افضل من الليجاسي

مشكلة الفوريستر الوحيدة انه مو معروف كثير مثل الليجاسي و الامبريزا
و مشكلة الليجاسي انه شكلها راح يتغير السنة الجاية

اما الالوان فإذا الليجاسي بالنسبة لي اشوف انه اللؤلؤي و اللون الاحمر الجديد من احلى الالوان
الفوريستر و الله مدري ايش له الوان ههه

وان شاء الله اكون افدتك ولو بالشي البسيط

اعتقد الشباب افادوك والف مبروك مقدما وخلاص توكل وخذلك ددسن غمارة 89 مثل ما قالو الشباب :p73:
لاكن على فكرة انت ما قلت كم الوديل واذا شريت وخلصت فالف مبروك واذا توك ماشريت نرجع ونقول عتقد الشباب افادوك والف مبروك مقدما وخلاص توكل وخذلك ددسن غمارة 89 مثل ما قالو الشباب :p73: