السلام عليكم ورحمة الله وبركاته

كيفكم شباب ؟
بغيت أستفسر عن طفاية الحريق وين القاها وما هو أفضل مكان اضعها فيه بالسيارة ؟
وأخيرا أنصحكم فيها لأني ما سألت عنها ألا من تجربة .... ويا ريت تفيدوني

اخوي تلاقها في بعض محلات الزينه ويفضل تاخذها في المكان الخاص الي يبيعها وانا املك وحده المكان مناسب انك تحطها تحت الكرسي
او الشنطه الخلفيه
ومشكور على النصيحه
بس لازم تتاكد من صلاحيه استعمالها

اذا انت في الرياض في محل في شارع الضباب قريب من الغرفة التجارية بس ماني متاكد اذا لازال موجود...؟
ومثل ماقال ليجاسي 98 افضل محل تحت الكرسي وغير كذا تنفجر وتقلب السيارة مستودع طحين وتفتح فيها مخبز........

انا عارف انك في الكويت
بس معلومة لاهل الرياض تلقونها بالملز شارع الظهران هناك فيه اكثر من 20 محل متخصص بطفايات الحريق

اخوى اذا تبى تقدر تحصل فى مجمع الرحاب فى حولى تحصل فى الدور الثانى فى هناك فرع حق المطافى تلقى كل شى ان شاء الله

مثل ما قال اخونا مجمع الرحآب انا كنت بقوله


لكن الطفايه افضل محل لها بالشنطه

عشان حتى لو انفجرت لا سمح الله من اي سبب ...

الضرر ما راح يلحقكـ باذن الله وراح يكون بالشنطه بس ويكون بامكانكـ تنظفها مو مثل يوم تنفجر قدام وتقلب السياره

مصنع طحين مثل ما قال h- kyd هههههههههههههههههه

اخوي ادري اني متشائم لكن لابد تفكر باضرار وايجابيات الشي قبل تحطه عندكـ وهذا لسلامتكـ

<<<<<<< لا تنسى ان شغلتي مطافي ومريت بحالات انفجار الطفايه كثير

( باستثناء ان تكون الطفايه عازله للحراره )

الله يعطيكم الف عافية ومشكورين
أعتقد أفضل مكان بالشنطة ... علشان سالفه المخبز