السلام عليكم ورحمه الله وبركاته

الحمدلله انا اشتريت ليجاسي من الوكاله زيرو 2008


بس عندي سوال ياشباب وابغا جواب لاهنتو

هل باستطاعتي تركيب زنون في السيارة ولا في مشكلة


لاني سالت المهندسين في الوكاله يقولون مراح يمشي الوظع لازم تاخذ الزنون حق الوكاله وقيمته 4000 الاف



واذا في احد مركب زنون يقلي كيف ماشي معاه ولا لا



لاهنتوو


دحمي : جــده

اخوي بنسبه لزونان الوكاله هو احسن واضمن لك وهو يركب على طول
بس بتاخذ من برا راح يركب ويمكن يشد معك سنتن 3 على حسب الماركه وكل ماصار سعر الزونان
اغلى وبماركه معروفه كل ماصار احلى بس احس انه سعر الووكاله شوي مبالغ فيه
وفي كذا شخص مركب زونان مو تبع الوكاله وماشاء الله حلو ومافيه اضرار بس على حسب الشبكيه
ولازم تاخذ كتاوت اصليه مو تجاريه والاعضاء الي مركبين ان شاء الله يفيدونك

أولا السلام عليكم

أنا يا عزيزي أخذت لي ليجاسي 2008 قبل ثلاثة شهور من الآن، وكنت زيك خايف من الزينون

سألت أكثر من شخص وقالوا لي انتبه ترى يمكن يلغى عليك الضمان، وفي صيانة الألف كيلو... سألت المهندس وقلت له بأركب زينون على طول نط في عيني وقال لي نلغي عليك الضمان

المهم. بعد صيانة الألف كيلو طلعت الغرابي أفر على محلات الزينون. طحت في واحد مصري بس فاهم وكلمته بخصوص الموضوع إني بأركب زينون وخايف إن الضمان يروح قال لي يا حبيبي توكل على الله وركب ومتى ما بغيت تروح للوكالة مر علي وأنا أفك لك الزينون وإذا رجعت ركبته لك والشغله ما تاخذ 10 دقايق وأيضا ماراح يلاحظون إنك مركب زينون لأن الشغله فك وتركيب مافيه لا توليف ولا خربطه. توكلت على الله وركبت زينون من عنده سعره تقريباً بـ 500 ريال اللون أبيض كريمي واللي يشوفه يقول هذا زينون وكالة

هذي صورة لسيارتي


ما شاء الله

http://www.subaruksa.com/up//uploads/images/Subaruksa-8bbad53d96.jpg

بعدها تقريباً بأسبوعين طلعت عندي مشكلة في الفرامل وقلت بأودي السيارة الوكالة عشان يشوفون وش فيها وقبل كذا فكيت الزينون من نفس المحل ووديت السيارة الوكالة واليوم الثاني استلمتها ورجعت ركبت الزينون

لكن في صيانة الخمسة آلاف نسيت لا أفك الزينون ووديت السيارة للوكالة، وما تذكرت سالفة الزينون إلا بعد ما طلعت من الوكالة قلت الله يستر لا يسوون لي سالفة عشان الزينون، ثاني يوم رحت أستلم السيارة، نفس المهندس اللي قال لي الزينون يلغي الضمان هو اللي سلمني السيارة وما قال لي أي شي، بعد كذا عرفت إنه ما حولك أحد

صرت أودي سيارتي للوكالة والزينون عليها ولا يقولون لي شي

زبدة الموضوع هم يقولون الزينون يلغي عليك الضمان لأنه فيه بعض محلات الزينون يحوس لك أم السيارة ويلعب لك في الأسلاك والشي هذا يأثر على كهرباء السيارة فعشان كذا هم يخافون إن السيارة تروح فيها بسبب الزينون أو غيره مو بس الزينون، يعني واحد من أخوياي أخوه معه أكورد 2006 (تأجير منتهي بالتمليك) طبعاً الأكورد ما يجي فيها كشافات والرجال قال يبغى يركب كشافات قالوا له الضمان يلغى

الوكالة يخافون إن يصير مشكلة في كهرباء السيارة بسبب الكشافات أو الزينون أو أي جهاز ثاني له علاقة بكهرباء السيارة فعشان كذا يجيبونها من قاصرها ويقولون لك (الضمان يلغى)

إنت شوف لك محل زينون محترم يكون شغله نظيف ما يكون فيه توليف ولا لعب في الأسلاك وغير كذا يكون نوعيه الزينون جيده وإن شاء الله ما راح يصير إلا الخير

على فكرة نص الشباب هنا سياراتهم موديلات 2007 و 2008 ومركبين زينون واللي مركب شاشات واللي مدري وش مسوي ولا أحد فيهم ذكر إنه صارت له مشاكل مع الوكالة بخصوص الضمان

إن شاء الله أكون أفدتك وآسف على الإطالة

تحياتي




Sam-13

وأنا أقول توكل على الله
وشوف لك محل زين و تركيب زين عشان الضمان

لاني كنت مثلك وركبت زينون بس على ايام اول
وخرب على الدعوة ونعفست عندي الكهرباء و انلغى الضمان

لكن اذا حصلت لك محل مضبوط مثل اخوي سامي
فأنا اقول توكل على الله

والله يالحبيب

انا معي ليجاسي 2006 واول شهر مر عليها ركبتلها زينون بالواطي والعالي

والكشافات والريوس والاشارت الخلفيه والسياره مافيه شي مثل العسل

وكنت ادخلها الصيانة وكنت اعرف واحد اسمه حسن مصري

والله كان يشيك على كهربة السيارة ومايقول شي يعني ترا والله محد حولكـ

ومثل ماقالوا الشباب لازم تركب شي محترم وانصحك تركب اجهزة hella الماني

وانتبه انتبه انتبه لاااا تركب اجهزة من نوع carrer ترا والله تضرب في اليوم

الثاني على طول

وان شاء الله اكون افـدكـ

الله يبيض وجيهكم واحد واحد

وان شاء الله مركب الهيلا

وشكرا لك من افادني

معليش اني داخل عرض بس عندي كم سؤال للشباب اللي مركبين الزينون
1- كيف وصلتوا المحولات مع الشمعات.
2- هل خرمتوا الغطاء البلاستيك اللي يغطي الشمعة من الداخل
واخيرا ياليت احد يصورلنا كيف مشبك المحولات علشان توضح الفكرة
لاني بصراحة متخوف من اني اخرم الغطاء او اني اشيلة تقوم تدخل الاوساخ جوه الشمعة و بعدين اضطر اغيرها و شمعات السوبارو مو رخيصة زي منتوا عارفين
و مشكورين مقدما

ما طلبت شي، إن شاء الله أصورها اليوم وبكره الصباح تلقى الصور في نفس الموضوع

^^^^^^^^
الله يرضالي عليك اخوي سامي دايم ما تقصر
و انا بالإنتظار

السلام عليكم

صباح الخير

أخ تركي، جبت لك صورة للمحول ومكان تركيبه وجبت لك صوره لغطاء الشمعة

لكن اعذرني ما صورت الا من جهه وحده بس اللي هي الجهة اليسرى لان الجهة اليمنى مغطي عليها القطعة البلاستيكية السوداء اللي يدخل منها الهوى (مدري وش اسمها :p73:) إن شاء الله تعرفها

من ناحية الجهه اليمنى، يفكون لك القطعة البلاستيكية اللي قلت لك عليها وفكها سهل جداً جداً لكن للأسف ما عرفت أفكها :p73: . يركبون المحول تحتها يعني من ناحيه المكان لا تخاف فيه مكان لتثبيت المحول

أما من ناحية الجهة اليسرى، هذي صورة توضح لك طريقة تثبيت المحول (مع البطارية).

http://www.subaruksa.com/up//uploads/images/Subaruksa-d091f107e5.jpg



ومن ناحية الأسلاك اللي بين المحول والشمعه، هي مجموعة أسلاك ولاف عليها شطرطون عشان تقدر تدخلها في فتحة الشمعة بدون ما يلعب في الغطا

وهذي صورة عامة للمحول والأسلاك والغطا ولاحظ إن الأسلاك تجي من تحت المحول وتاخذ لها لفة على الأنبوب وبعدين تروح للغطا (أدري إن الصورة مال أمها دخل في الشرح لكن ما عليه مشوها هالمرة، كنت زابن ورى مسجد وقاعد أصور، شوي مر واحد من العيال وأنا فاك الكبوت وماسك الجوال وواقف وقفة مصور محترف مسوي بابلو بيكاسو >>>>> (مدري بس الظاهر إنه مصور)، المهم على طول حطيت الجوال في جيبي وسويت كأني قاعد أشيك على السيارة، لأن الموقف ماله داعي. قاعد يصور المكينة.... وش يحس فيه ذا :p73:)

http://www.subaruksa.com/up//uploads/images/Subaruksa-78cdd62f3c.jpg



وهذي صورة لغطا الشمعة ولاحظ مجموعة الأسلاك اللي داخله منه يعني الفتحة اللي في الغطا مناسبة لحجم الأسلاك.

http://www.subaruksa.com/up//uploads/images/Subaruksa-166a66bce2.jpg

طبعاً في الأول والأخير الموضوع راجع للشخص اللي بتركب عنده، يعني ممكن تطيح في محل ويلعب لك في غطا الشمعة لأن الأسلاك اللي عنده عريضة أو مو مناسبة للفتحة.

وممكن ما يثبت لك المحول صح وتجي اليوم الثاني تشغل الزينون ما يشتغل معك، تروح تفتح الكبوت تلاقي المحول متكي جنب المروحة، تسأله وش عندك هنا يابو؟؟؟، يقول لك أبد حران شوي :p73:

لكن بما إنك ماشاء الله تحب تشتغل على سيارتك بنفسك أنا أقول لو تشتري لك زينون وتركبه بنفسك أحسن لك من إنك توديه عند واحد يخرب لك الشغله وهي أصلا ما تستاهل. أنا ودي أصير أركبه وأفكه بنفسي لكن أخوك خواف شوي

وبالنسبة لانطباعي عن الزينون في الفترة اللي راحت (ثلاثة شهور)، الحمد لله ما ظهرت لي أي مشاكل والله يستر ما يظهر لي شي في المستقبل لكن إن ظهر شي في الـ LBC عاد الله يعين :p73:

والعيب اللي لاحظته في الزينون وهو في جميع أنواع الزينون في السوق الآن هو إنه ياخذ له وقت عشان يحمى لكن بما إني ما أكبس عليه فما عندي مشكله والعيب الثاني إنه فيه وحده من الشمعات تنقلب بيضا قبل الثانية والثانية تاخذ لها أربع أو خمس ثواني عشان تلحق أختها وأيضا ما عندي مشكله في الشي هذا

لكن مميزاته، أولا يعطي منظر حلو للسيارة وخصوصاً إذا كان لون الزينون أبيض مع عدسة الليجاسي يطلع روعة واللي يشوفه يقول هذا زينون وكالة. وثاني شي إنه يعطيك إنارة حلوة في الطرق المظلمة.


في الأخير، هذي صورة لسيارتي مع الزينون

لي عندكم طلب: اللي تعجبه الصور يا ليت يقول (ما شاء الله)، أخوكم له تجارب سابقه مع العين وفيه سالفة لو أقول لكم عنها يمكن تطقوني وتطردوني من المنتدى لأنها قوية شوي و ماحد بيصدقها. لكن خلوها مستورة :p73:

ماشاء الله

http://www.subaruksa.com/up//uploads/images/Subaruksa-2bf02a9172.jpg




وهذي صورتين توضح الإنارة في الليل

http://www.subaruksa.com/up//uploads/images/Subaruksa-c1ae4d13f3.jpg

http://www.subaruksa.com/up//uploads/images/Subaruksa-f3753a761a.jpg



إن شاء الله أكون أفدتك يا أخ تركي وأفدت باقي الشباب

ويا شباب بالله تكفون إذا أحد عنده أي استفسار مهما كان الاستفسار حتى لو كان استفسار بسيط..... يا ليت يحتفظ به لنفسه :p73:

أمزح معكم. اللي يبي يستفسر عن شي لا يرده إلا (لوحة المفاتيح) :rqs:

واعذروني مسوي خفيف ظل عالصباح لكن أحس إني رايق مدري وش عندي :ta3ajub:

(ملاحظة للأخ DARKNESS STAR) انتظر مني رسالة عالخاص في هاليومين بخصوص موضوع تكلمنا عنه من قبل

آسف على الإطالة وتقبلوا تحيات أخوكم



:050: في أمان الله :050:


Sam-13

مآشآء الله

أنآ لآحظت أنكـ رآآيـق مرررهـ ههههههههههههههه

إن شآء الله دوم

بس عندي أستفسآر إلي هو :/ ( إيش هو نوع الزينون إلي مركبه ) ؟

لأن لونه مررهـ حلووو مآشآء الله

والله وأنا أخوك للأسف ما أعرف نوعه

الزبدة إنه صيني

أول ما دخلت للمحل اللي أنا ركبت من عنده قلت بأسوي نفسي فاهم

احم احم... السلام عليكم.... عندك زينون يالطيب <<<< وش مكتوب عندك في اللوحة اللي برى:p73:

قال لي موجود

قلت وش نوعه فيليبس وإلا جونسون <<<<<<<< والله الظاهر ذا اسم مكيف موب زينون :ta3ajub:

قال لي اسمع... قلت عطني... قال السوق كامل مافيه لا فيليبس ولا ....... مدري وش قال بعد

كل الزينون اللي في السوق صيني... لكن الصيني أنواع يعني عندك من 250 ريال إلى 2500 وتختلف باختلاف اللون والقوة والجودة

قلت أبغى شي زوين

قال لي عندك بـ 250 ريال <<<<< من سعره باين عليه إنه من جنبها

وعندك بـ 500 ريال ولونه زي اللكزس... وعندك أيضاً بـ 1250 ريال

عاد أنا قلت خير الأمور أوسطها ناخذ أبو 500 ريال <<<< أي خير الأمور أوسطها والله من الطفره

المهم هذا هو أبو 500 ريال... إذا رحت للمحل قل له أبي زينون أبو 500 ريال وهو يعطيك على طول ........ أمزح معك لا تصدق :p73:

بأشوف الفاتورة يمكن اسمه مكتوب فيها وإذا ما رديت عليك إعرف إنه مب مكتوب في الفاتورة شي :p73:



مدري بس أحس إن صرت أبربر واجد ذي اليومين

ههههههههههههههههههههههههههههه

الله يخليكـ

بصرآحه شكلكـ فله و تحـب النكت كثيير هههه

مشكووور ع التوضيح يآ sam

اخوي سامي بارك الله فيك والصور ماشاء الله مايحتاج وضحت الامور
و السيارة ماشاء الله تبارك الله طالعة روعة

بس عندي سؤال محيرني يعني انت مالقيت تصور المكينة غير ورا المسجد ؟:047: <<< ههه ايش تبى انت:rqs:
ياعمي ماعليك في احد انا مرة وديت سيارتي صيانة الشركة و لمعوللي المكينة و رشوا عليها مدري ايش المهم خلوها تلمع كأنه السيارة توها خارجة من الشركة فقلت لازم اصورها بس و اجنبلك السيارة عن سوق (كان عندي شغلة فيه مو نازل بهللة) و افك الكبوت و اطيح تصوير في السيارة خخخ و الناس تعدي في عقلهم هذا مجنون اول مرة يفتح كبوت السيارة ... غلقت الهرجة << بالله من جد << اي والله << اقول انت مجنون جالس تهرج نفسك ,,,

بالنسبة لي انا ان شاء الله يوم تبدأ الاجازة و نخلص من الاختبارات راح اشوف حكاية الزنون
و في احتمال كبير انه راح اركبها بنفسي لانه انا عندي المحولات بس اشتريلي الشمعات و بسم الله نركبها يعني ماراح تكلفني كثير

و بالنسبة لاخوي اللي يسأل عن انواع الزينون ترا مثل ماقال اخوي سامي 99% من اللي موجود بالسوق صيني او كوري بس يختلف في جودته و الهيلا و الفيليبس و البوش هذي نادرا تلقاها و احيانا كمان تكون تجاري مهي اصلية

شباب انا عندي امبريزا ماخذها من الوكاله قبل 8 شهور قتريبا

واول ما طلعتها ركبت زينون عالي وواطي

وركب سماعه 1500 واط للبيز

وما قالوا شي وتحت الكفاله

ويوم سألت المهندس قالي الكفاله تطيح في الحاتلات التاليه :

1- تركيب سستم اقزوز او دبه اقزوز او اي شي يتعلق بالمكينه
يعني راديتر او غطا راديتر او تبديل الزيت خارج الوكاله او اي شي خارج الوكاله تطيح الكفاله

2- لو تركب بودي كت كامل ورنقات هم ما تطيح الكفاله لأنه شي خارج سوالف المكينه

وانا ما زلت منتظم بالسيرفس وتحت الكفاله

سالفه تثبت وجود الكفاله :::

اول ما شريت السياره كان غطاء الراديتر مشمس يعني خشن وماهو لين ومثل ما انتو عارفين ان الغطا فيه نحاس هو اللي يمشي الماي , لكن من الوقفه صار يابس وما قام يتحرك , ففي احد الأيام وانا طبعا ما ادري عن شي , كنت ماشي بالشتاء وكانت الحراره تقريبا 3 درجات يعني الجو بارد حيل , كنت قاعد امشي 200 كيلو رايح للمخيم :)

فجأه لاحظت لمبه الحراره ولعت وطفت السياره , لأن انت تدرون ان الأمبريزا مافيها عداد حراره فيها لمبه , واذا اخترت تطفي من كيفها

انا استغربت يعني السياره جديده شلون ارتفعت , يوم بطلت غطا المكينه ولا الماي مطشر ومافي غطا للراديتر , وتوه يبين معاهكم

اتصلت على الشركه وبلغت المهندس بالسالفه وقالي جيبها بونش وحنا نشوف

وديتها للشركه وفحصوها وصلوحها ودفعوا القيمه وغسلوا السياره وعطوني قيمه السطحه :d

انا اتوقع ان الوكيل خبيث , او يمكن المهندس اللي عندكم رافض الكتاوت , لأنه فعلا يطيح الكفاله

اخوي انا عندي استفسار ايش لون الشمعه الي عندك وكم رقمها لاني ان شاء الله ناوي اركبها في سيارتي انا مركبه عالي وواطي