ابي مقارنة بين ليجاسي 2009 ومازدا زوم 6 2009 كلهم h4 فل اوشن وين الافضل في السعر والقطع والمواصفات ويعطيكم الف عافية مقدماً:p73:

شوف المازدا حلوه بس انها يابانيه مواصفات امريكيه وقطعها مدري عنها على حسب الوكيل
السيارتين ماينعابون بس اذا تبي السياره الي تدوم معك اخذ لك الليجاسي صحيح
واذا تبي تسوي شي حلو روح الوكيل وشوف السوبارو ومواصفاتها واسال عن قطع الغيار
وروح لوكيل المازدا وشوف المواصفات والقطع الغيار وهل هي متوفره وسو لها مقارنه

تصحيح
المازدا ال 4 سلندر يابانية 100%

مستر فوجي انا ماقلت انها مو يابانيه بس المواصفات امريكيه
صحيح تصنع في اليابان بس مواصفاتها امريكيه عندك
وانت تقدر تفيد الاخ لني سمعت انه عندك مازدا

لا والله انا ماعندي مازدا العضو made in japan هو اللي عنده
كلامك صحيح هي مواصفات امريكية بس ال6 سلندر (الترا)
بس الاربعة سلندر يابانية مواصفات سعودية
تحياتي لك

يعطيك العافيه اخوي مستر فوجي على التوضيح وانا اسف اذا تجادلت معك شويتين بس حلات النقاش كذا هههه

والله يالحبيب

انـا قبل مااشتري الليجاسي 2006 كانت عندي مازدا زوم 2003 فل اوبشن

وترا والله سيارة حلوة وقوية وراسية في الخط اذا كانت الجنوط 17 وتتحمل الحراره

الجو بس مشكلتها بالجربوكس انا كان يعلق علي وحتى صاحبي معاه زوم وبعد يعلق والمازدا يوم امشي فيها 220 وزنها يكون 5 كيلو على كلام واحد في الوكالة

عليه الجربكس وفيها عيب ايضا ان اول ماشريتهابعدها بشهرين رحت غيرت سيور

وقالوا لي هي كذا فيها عيب مصنعي .... بس المازدا حق كرف ...


لكن بالمقابل السوبارو والله افضل يكفيك اول شي الدفع رباعي غير كذا الليجاسي

تحس فيها فخامة وتحسها ماسكة في الارض بعدين ميزة السوبارو اذا انطلقت

تنزل للارض مثل الامريكي وسماعتها ماشاء الله نمبر ون المازدا والله سماعتها

مثل سماعة الجوال مرررررررررررررره ضعيفهـ ولا تنسى ان السوبارو تلغمها

ماتقول لا ... تستقبل اي شي ماشاء الله بإستثناء اذا ركبت على مكينتها توربو لازم

مكينة توربو ولا تنسى السوبارو لا خوف عليها في المنعطفات والسوبارو

ميزة مكاينها انها مثل البورش البساتم حق المكينة جايه بالعرض

للاربعة سلندر

http://rrr2008.jeeran.com/good.gif

وهنا لسته سلندر

http://www12.0zz0.com/2009/01/23/05/126457410.jpg

وترى الحافظــ الله سبحانه


******************

وان شاء الله اكون افدكـ

اخوكـ / احمد

اقتباس:
المشاركة الأصلية كتبت بواسطة ليجاسي 98 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=6609#post6609)
يعطيك العافيه اخوي مستر فوجي على التوضيح وانا اسف اذا تجادلت معك شويتين بس حلات النقاش كذا هههه


افا والله خذ راحتك
وش ميزة النقاش بدون جدال :p73: يصير ماله طعم :054:

أولا: السلام عليكم

أنا راح أفيدك عن الليجاسي بحسب معرفتي وإن شاء الله تستفيد

أما المازدا فبصراحة ما أعرف عنها شي

الليجاسي 2009 أربعة سلندر زي ما إنت عارف ما نزل منها إلا نوع واحد اسمه B-Sport وهو فل أوبشن

مواصفاته كالتالي:

نبدأ بالمواصفات الخارجية

1- جنوط مقاس 17 بلون رصاصي غامق (لون رياضي).
2- أنوار زينون في العالي والواطي
3- شبك رياضي
4- ألوان خارجية جديدة منها اللون العودي (دم الغزال) وهذي صورته

http://www.subaruksa.com/up//uploads/images/Subaruksa-b8a6bbfeb2.jpg

المواصفات الداخلية

1- مراتب جلد (كهربائية)
2- فتحة سقف
3- مسجل سي دي عدد 6 مع تشغيل صيغة الإم بي ثري
4- مدخل aux
5- مكيف إلكتروني بدرجة تبريد منخفضة (15) وبتكييف منفصل (درجة حرارة للسائق ودرجة حرارة للراكب)
6- شاشة معلومات تفيدك بـ (درجة الحرارة، المسافة اللي تمشيها على البنزين الحالي، معدل استهلاك البنزين، وشغلات ثانية ناسيها)
7- التنمير من خلف المقود
8- التحكم بالمسجل من الطارة
9- مثبت سرعة

صورة للداخلية

http://www.subaruksa.com/up//uploads/images/Subaruksa-2b314938d4.jpg

وهذي صورة للطارة وواضح فيها (التنمير، التحكم بالمسجل، مثبت السرعة)

http://www.subaruksa.com/up//uploads/images/Subaruksa-7861156054.jpg

المواصفات الفنية

محرك بوكسر، أربعة سلندر 2.5، 173 حصان، دفع رباعي مستمر

هذا باختصار اللي أعرفه عن الليجاسي 2009

باقي عليك يا عزيزي تروح لوكالة مازدا وتشوف مواصفاتها وتقارن بينها وبين الليجاسي وتختار السيارة اللي تعجبك

والأهم من كذا تشوف صيانة السوبارو وصيانة المازدا وتقارن بينهم وتشوف الأفضل

إذا تبغى تعرف شي عن صيانة السوبارو فالشباب موجودين

ولا تنسى تشوف أسعار قطع الغيار لكل من السيارتين

وخذ مني نصيحة: لا تشتري السيارة حتى لو كانت ليجاسي إلا إذا كنت مقتنع فيها اقتناع تام


أتمنى لك التوفيق

والله يعطيك خير السيارة ويكفيك شرها مقدما

تقبل مروري وتحياتي

أخوك sam-13

ال2009 تجي فل وستاندرد بس ماتجي نص فل (4 سلندر)

مشكووووووووووووووووووورين على مروركم واقتراحاتكم ونصايحكم والمازدا اصلا مولي بس واحد يسأل عنها ويعطيكم الف عافية انا ان شاء الله ليجاسي 2009h4 او h6

اقتباس:
المشاركة الأصلية كتبت بواسطة Mr.Fuji http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=6632#post6632)
ال2009 تجي فل وستاندرد بس ماتجي نص فل (4 سلندر)


أول ما نزلت السيارة رحت سألت عنها في الوكالة وقالوا لي مافيه إلا الفل اللي هي البي سبورت

يمكن بعد كذا نزلوا الستاندارد

عموماً يعطيك العافية عالإفادة