السلام عليكم


مساءكم وصباحكم سكرررر

يا شباب انا توي جاي من المرور رحت عندهم على اساس اني ابي اضيف لون للسياره عشان يسهل علي اي تعديل من دون ما يكلمني المرور واول شي العسكري هناكـ اثُنى على فكرتي وقال انها حلوه للمعدلين وتريحهم من القسايم
والشي الثاني الشغله
طلعت كلها خمس دقايق يعني مو مثل ما سمعت قالوا اسبوعين وماادري شنو

المهم فكرتي اني اضيف لون اسود لسيارتي وانا حاب ارش الكبوت نفس لون الجنوط يعني اخف من الاسود بشوي

( قريب من لون الكاربون فايبر )

واحترت هل أصبغ الكبوت لحاله او اصبغ الشنطه معاه لان مثل ما بتعرفوا الليقاسي تندتها تجي وصله وحده مع الرفارف الخلفيه وما فيه امكانيه اني اغير لون التنده من فوق

فأنا عندي ثلاث افكار

الفكره الاولى / اني اصبغ الكبوت لحاله او الكبوت مع المرايا الجانبيه

الفكره الثانيه / اني اصبغ الكبوت مع الشنطه وهذي اظن انها مو حلوه لان التنده بتكون بلون السياره الاصلي

الفكره الثالثه / انب اصبغ الكبوت مع الوصله اللي تجي تحت الشنطه وهي واقعه بين الشمعتين الخلفيه



انتوا شو رايكم وان شاء الله انا باخذ رأي الاغلبيه

وهذي صورتين للسياره من الخلف ومن الامام اذا احد حاب ويقدر يعدل اللون بالفوتوشوب عشان نشوفها طبيعي بكون شاكر له

وعموما انا حاط الموضوع عشان نتفاعل جميعا ونتشارك الاراء وعشان الكل يتعرف على اجراءات اضافة لون


وهذي الصورتين

http://www.subaruksa.com/up//uploads/images/Subaruksa-9a20a9f686.jpg


http://www.subaruksa.com/up//uploads/images/Subaruksa-fbeb338946.jpg




thanks 4 all

اصبغ الكبوت بس بيطلع احلى والراي لك

انا اشوف ان الكبوت كفاية وانا ان شاء الله ناوي اسويها بس كنت ناسي موضوع المرور بس انت نبهتني عليها

عزيزي العميل لقد تم تعديل سيارتك
http://www.subaruksa.com/up//uploads/images/Subaruksa-861a7afef4.jpg (http://www.subaruksa.com/up//uploads/images/Subaruksa-861a7afef4.jpg)
ياليت ترفع نفس الصوره بحجم كبير حتى يكون اعدلها بشكل افضل

ما قصر سوسو والله

رشة الكبوت طالعة حلوة على سيارتك خصوصاً مع اللون الفضي ورشة الجنط

أنا رأيي لا تلعب في السيارة... يكفي رشة الكبوت

انا مثلي ومثل رأي الشباب

موفق ان شاء الله

والله فكره حلو حلاتها الكبوت والتنده والشنطه بس مادام الشنطه صعبه مالك الا الكبوت بس
انا فكرت اضيف لون اسود لامعي في الكبوت والشنطه والجناح من فوق والتنده

وفكره حلوه ياحلو

الراي الاول و الاخير لط طبعا
لكن اشوف انك لا تلعب فيها واجد

وحط في بالك أنك تقدر تظلل السقف وما راح تكون عندك مشكلة
لكن أتوقع صعبة شوي وممكن راح يختلف اللون

اى نعم الكبوت كافى و الراى الاخير لك

صحيح يا اخ محد يقدر يضلل السقف او يضع جلاد خاص بلبودي لسيار
بس المشكله المرور والشرطه بتخالف وهني اخوي عطانا رايه عشان انه يضيف لون في الاستماره ومايتمشكل معا المرور

اخوي تنكس انا من رايي الكبوت يكفي بس

والراي لك انت طبعا

الف شكر يا شباب على الافاده وخلاص ان شاء الله قررت ارش الكبوت لحاله

طبعا انا كنت حاب ارش التنده والشنطه معاه بس مشكلة التنده جايه قدعه وحده موصله مع الرفارف على كذا رشها راح يكون صعب

ان شاء الله برش الكوبت واحط عليه استكر خفيف وتشوفون شلون طلع

الف شكر يا شباب على الافاده وخلاص ان شاء الله قررت ارش الكبوت لحاله

طبعا انا كنت حاب ارش التنده والشنطه معاه بس مشكلة التنده جايه قدعه وحده موصله مع الرفارف على كذا رشها راح يكون صعب

ان شاء الله برش الكوبت واحط عليه استكر خفيف وتشوفون شلون طلع

وش دعوه اخوي تنكس عادي حبيبي حنا بس عطيناك راينا لا اكثر ولا اقل :050:

يالله انا تحمست اشوف سيارتك بستايلها الجديد :rqs:

طيب ليش ما تصبغها مثل الصورة تبع التوقيع تبعك يعني خط عريض باللون الغامق مثل الجنوط من اول السيارة الى اخرها انا اشوف انها بهذا الشكل بتطلع بطلة << هذا مجرد رأي