السلام عليكم .....

لقيت سوبارو ليجاسي للبيع ...

موديلها 2008 h6 .. ماشيه 27 الف

المهم انه يوم ركبتها وشغلت .. جربت القير ( تماتيك طبعا )

وعشقتها من p الى R ...

وسمعت طقه قويه في الجربكس وترج معها السياره

ولها صوت كأنه حديد يصع في بعضه ,, أنا استغربت صراحه

هل هذا الصوت والطقه طبيعيه أم لا ؟؟؟؟

أرجو الافاده قبل لا أتورط ..

وشكرااا

شوف خيو أنا صارلي كم مرهـ نفس الصوت اللي تتكلم عنهـ

سببه اخوي إنك توقف السياره على القير .. مادري شلون اوضحها لك

بس حلها هذي طال عمرك لاجيت توقف بأي مكان .. أفضل طريقه عشان ماتوقف السياره على القير

إنك أول شي تحط القير على الـN وتشد الجلنط بحيث تكون وقفه السياره على شده الجلنط ومن بعدها ارفع القير للـp بس أهم شي تكون السياره ثابته على شده الجلنط

وهالصوت يطلع اذا كانت السياره واقفه على الـp والجلنط مو مشدود على السياره أو إنك تكون حطيت الـp على طول وبعدين تشد الجلنط كذا السياره ارتكزت على القير

أحسن شي تخلي السياره ترتكز على الجنلط بالطريقه اللي قلتها لكـ

والله ماعرفت اوضحلك اكثر من كذا

ارجوآ إنهـآ وضحت لك خيو

تقبل مروري ^^

بالنسبه للصوت هذا طبيعي انا عندي هذا الصوت في سيارتي على الريويس ووضع الدي

ووديتها الشركه وقالوا طبيعي والصوت جاي من عمود الكردان او بالاخص الصليب

تحياتي,,

إن شاء الله أفادوك الشباب بخصوص الطقة

لكن عندي إضافة بسيطة... عادة الطقة هذي تطلع لما تكون السيارة واقفة على طلعة أو نزله.... فما قلت لنا السيارة يوم جربتها كيف كانت وضعيتها... لأنه إذا كانت السيارة واقفة على أرضية مستوية ما تطلع الطقة.

عموما... أنا إذا وقفت سيارتي على طلعة وما أبغى الطقة هذي تطلع لي أطبق هذي الطريقة وهي اختصار لشرح ليجاسي ksa.... حط القير على الـ N... اسحب الجلنط بقوة... ارفع رجلك عن الفرامل عشان تدحدر السيارة شوي وتثبت على الجلنط وبعدين ارجع دوس الفرامل.... دف القير للـ P... وهذي أفضل طريقة للي يبي يوقف على طلعة وإذا ما اتبعتها فإعرف إن القير طاق طاق الله لا يعوق بشر :p73:... إذا كانت على الطقة وبس فهي إن شاء الله طبيعية لكن رجة في السيارة واصوات حديد... هذي مدري عنها

ومبروك مقدماً... الله يعطيك خيرها ويكفيك شرها

الشباب ماقصروا بس الصوت اللي عندك مهب علشانك موقف على القير هذي الطقه موجودة في كل الستة سلندر واحينا تجي واحيانا لا وهي تجي حتى لو عشقت من n ل d ومامنها اي خوف او العكس وتوكل على الله

^^^^^^^^^^

مشكورين على الرد ,,

بالنسبه لتعليقة القير على p هذا شي معروف والكل يعرفه

لكن مو هو اللي اقصده بموضوعي ..

السياره كانت مستويه تماما >> وهذا اللي خلاني استغرب من الصوت والرجه

يا أخوان والله قوية جدا وتحسها في قلبك ,, ما ارتحت لها ابدا

شكلي بصرف نظر عن السياره ,, الله يكتب اللي فيه الخير

وشكرا لكم ,, اذا فيه اي اضافه لا تحرمونا

اذا كنت بتصرف النظر علشان شي ثاني على راحتك بس اذا كان علشان الطقة صدقني طبيييييييعية وانا عارفها زين اول مرة حصلت معي بسيارة ولد خالي ليجاسي 2006 وخفت بس بعدين جربت اكثر من 20 سيارة كلها نفس الشي ولاتشيل هم اخوي العزيز

اقتباس:
المشاركة الأصلية كتبت بواسطة Mr.Fuji http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=8549#post8549)
اذا كنت بتصرف النظر علشان شي ثاني على راحتك بس اذا كان علشان الطقة صدقني طبيييييييعية وانا عارفها زين اول مرة حصلت معي بسيارة ولد خالي ليجاسي 2006 وخفت بس بعدين جربت اكثر من 20 سيارة كلها نفس الشي ولاتشيل هم اخوي العزيز


الطقة تطلع لما ترتفع حرارة القير يطلع الصوت ولاتخاف ترى عادي وطبيعي انه ترتفع حرارة الزيت في جونا ومافيه أي مشكلة
نفس الطقة سمعتها في كم سيارة من السيارات السبورت الي يحبونها :rqs:
اذكر المازيراتي واللمبرجيني من تضغط على البدالات الأثنين سوا علشان تفضي القير تطلع نفس الطقة :yagahrhom:

ويافهد ماشاء الله تبارك الله وين لقيت عشرين سيارة تجربهم؟؟
ولا قصدك على مدى الثلاث سنوات الي مضت من طلعتوا السيارة؟؟

موضوع الطقه اخوي حتى والسياره بارده بيطلع في السته سلندر وهذا طبيعي جدا واعتقد اللي مو طبيعي لو ماطلع الصوت من كثر ماانامتعود على سماعه

شباب الطقه موجوده بالقير الأوتو فقط والسبب ان الجلنط مو مسحوب تمام :)

اما بالنسبه لأصوات الحديد والخرفشه هذي ما ادري عنها , اتوقع ان فيها شي معين

واسأل البائع عن سبب البيع , واحلى وافضل شي افحصها بالوكاله وينتهي الموضوع :)

يقولك الرجال لما يعشق السياره بيطلع الصوت ايش دخل البريك؟؟؟؟؟؟؟؟؟؟؟؟؟؟؟؟

انا عن نفسي ما اقدر افيدك

لكن انا افضل طريقة لتوقيف السيارة و اللي اتبعها انا بعد
هي مثل ما وضح لك اخوي سام

اما بالنسبة كون الصوت طبيعي لليجاسي وبالأخص h6
فهذي اول مرة اسمع فيها هذا الشيء

أشكر كل من شارك في الموضوع ,,

وما قصرتم ..

لكن السياره فيها ملاحظات خلتني أصرف النظر عنها ...

<<< أخوكم ما يشتري إلا بنظفة الوكاله ..

ا