السلام عليكم ورحمة الله وبركاته ..


الاخوة اعضاء المنتدى الاعزاء ..

تحية طيبة وبعد ..


انا اعلم ان الموضوع " شوي " قليل حياء .. ( استحملوني )


محتار شوي .. بين سيارتين .. وهنا قلة الحياء ..


انا من المعجبين جداً بسيارات سوبارو .. وقدجربتها " 2001 ، 2002 ، 2006 .. 4 سيلندر قير اوتو ..


كما اني جربت السيارة " الأخرى " 2006 قير اوتو


....

المهم ..

السيارتين هما " سوبارو 6 سيلندر قير عادي (سبيك بي) و اللومينا اس اس 2009 " قير عادي أو اوتو " علما ان الاوتو 6 تعاشيق

....

لدي معلومات عن الـ سبيك بي معظمها من هذا المنتدى الرائع .. وقد مررت بمقاطع الاخ العزيز .. صاحب الـ سوبارو التي " غسلت " اللومينا و الاوريون .. الخ .. وهو دليل على قدرات السيارة ..


ولكن من جهة اخرى .. اطلعت على قدرات اللومينا اس اس

وكانت كالتالي :

محرك v8 متوحش 360 حصان .. فرق بـ 115 حصان عن السوبارو

شكل جميل .. واكثر اتساعاً .. من السوبارو ..


لا احد يفهمني غلط .. مازلت من المعجبين بسوبارو .. :)

ولكني من اشد المعجبين بالقومات ايضا .. :)


اميل بشدة لشراء الــ سبيك بي .. ولكن ..


لا اود ان اكون في موقف يمر علي فيها الاوريون .. او اللومينا اس اس ويفقعوا وجهي ..


عشان كذا احتاج " تشجيعكم " وارائكم ..


واسف على طرح الموضوع .. بس ماعندي ناس اثق فيهم اكثر منكم لكي اخذ ارائهم ..



تحياتي للجميع ..

شوف أخوي الـSpec b كلام ثـــآني للسوبارو

وزي ماتفضلت اقرب مثال مقاطع الاخ العزيز أبو عمر ..

بس بصرآحه أتوقع مع اللومينا قير عادي فيها كلام ثاني .. هنا تشتد المنافسه برآيي

وصح فيه فرق بالاحصنه لصالح اللومينا بس شوف كيف السوبارو اكلهم اكل ..

أما بخصوص لو تقارن بين

ليجاسي Spec b h6 و لومينا قير عـآدي

والله مالي علم مين اللي بيروح على الثاني بس بأعتقادي وبنظري اللومينا بتروح والله هو اعلم..

ولاتنسى إن فيه مقطع الـSpec b مع موستنج Gt قير عادي .. وماشاء الله على ابو عمر أكله أكل :p73: يعني أحتمال اعتقادي مايصيب .. ^_*



تقبل مروري خيو وانا متابع باذن الله معك في هذا الموضوع ^^


ملآحظه "أخوي موضوعك ماعليه كلام ولا فيه قله حياء ولاشي .. نتقبل كل شي هنــآ ^^ "

legacy ksa

مشكور يا غالي على مرورك الكريم .. وسعيد برأيك ..

وبإنتظار اراء الشباب ..



تحياتي ..

انا انصحك h6 لا شياء كثيره فوتها ومرونتها وثباتها والامان ومواصفات السياره الرائعه

اما اللومينا اعطيني ميزه او صفه حلوه فيها .....!!!!!

من ناحية الاحصنه مو كل شي بالاحصنه في عوامل ثانيه تساعد السياره بقوتها

وادائها وتقنيتها حتى لو في فرق شاسع وقوتها اللي ذكرتها

هذه قوة المكينه الامريكي احصنته تضيع واجد يعني تلقاها

على الكفر 260 على ما اعتقد عكس ال6h

وانت شفت بنفسك اخونا ابو عمر الله يحفظه

(صار ينضرب فيه المثل ههههههههههه) ونعم والله يستاهل

هنا التحديد بالاشياء اللي قلتها

كل الشكر لك اخي العزيز على مرورك الكريم ..


كلامك اخي العزيز صحيح 100 %


ابغى اتأكد ان " اللومينا " ما تطلع .. لأني احب القومات واطلع كثير ..


زائد اني استخدمت لومينا اس اس 2006 لمدة سنة تقريبا .. وبعدين نطيت فيها الرصيف .. من الثبات الزائد اللي فيها ..




يعطيك العافية على المرور يا غالي


تحياتي

نسيت نقطة مهمة ..


يستاهل الاخ ابو عمر ..


رافع راسنا :)

ومفقع وجيههم ..


تحياتي

اخوي من ناحيه القومه اومينا راح يطلع لانه يفقد الثبات الي في السوبارو
تشتري اللومينا اول شهر شهرين راح تفرح بعدين لاسمح الله بتشوف الخرابات تركض لك مهلله
عكس السبارو ماشاء الله
اللومينا سووها عشان سرعه صح ماختلفنا سووها حق ورش وتصليح صح ماختلفنا
والراي لك اخوي معا انه اللومينا حلوهوعاجبتني بس ماني ناقص خرابات

والله انا مع اخوي ليجاسي 98

اللومينا راح تتعبك بالخربات بعد فنره

والراي الاول والاخير لك طبعا

مدامك راعي مقاومات...خذ ليجاسي واقسم الرياض قسمين ابو عمر نص والنص الثاني لك وتسببو بالدمار الشامل لكل من تسود لة نفسة بالمحارش
ولاتنسي الليجاسي تشبة فلم Lost Summary عراقة واصالة وجودة مشهود لها معى مر العصور يحاولون المهجنيين الاسترالييى بلبس امريكي والاسترالييى بلبس يباني وغيرة الى مكبر المكينة على الفاضي انهم يشوهون سمعتها بالادعاء انهم هم اهل التاريخ المجيد....
مقتطفات من كتاب حمزة الرابع عشر

:ta3ajub:هههههههههههههههههههههههههه
عجبتني هذا ياحمزة هههههههههههههههههههههههه
أنا قد حضرت قومة لومينا 2008 قير اوتو مع لومينا 2008 قير عادي والشباب اثنينهم اعرفهم
القير العادي يطلع بفرق مابين سيارة إلى سيارتين على السبعمية والخط القير العادي تروح بس المسافة بين السيارتين شبه ثابتة يعني يروح بشويش :047:
الفرق تقريباً القومة بس وبعدين تقريباً نفس الممشى :047:

اللومينا بتلاقي ليها قطع تزويد لأن تعرف المحركات الأمريكية مافيها التعقيد والمهارة في التصميم مثل المحركات اليابانية
علشان كذا قطع تزويد الياباني لو بتلاقيه بيكون غالي بالذات السوبارو لأن السوبارو نفسها تبذل أقصى جهد لإستخراج اقصى قوة مع المحافظة على العملانية للمحرك

والشركات الي تحاول تنتج قطع للأداء العالي تبذل جهد مضاعف للوصول لنتيجة أفضل من نتيجة المصنع وهذا أهم سبب ليش قطع الأداء العالي غالية بالنسبة للسوبارو بس أقل حصان تكسبه بيعطيك شغل خياااااااااااال :yagahrhom:

اخوي لا تنسى فرق الوزن ترا الوزن يفرق بقوه

اجل راحت علينا الاجزاء اللي مضت يا حمزه من وين نشتري

باقي الاجزاء هههههههههههههههههههههههههه

وانا اتفق مع كلام المشرف بلاك دراقون

والله ياking اذا جات على انك خايف لو اخذت السوبارو وجات اوريون ولا لومينا وفقعت وجه السوبارو ترى نفس الكلام موجهه للومبنا والاوريون ممكن تجيهم سياره صغيره واليفه من الخارج ويكون في قلبها مكينة وتعديل جااااااامد يسابق بيها طياره من قوتها يعني مو شرط انه لو كان معاك سوبارو او لومينا انك تكون التوب

ومع ذلك انا اشوف انك تتوكل وتاخذ سوبارو لانها راحت جات ياباني والتعديل على الياباني مافي احسن منه ويدل على فهم صاحبها مو مثل الامريكي فك دبه فك بروجرام فك شمعه فك فلتر كل شغلهم فك فك فك فك

تقبل مروري.

^
^
^
^
كلام سلييييم 100% ..

"أمتلاكك للسياره لايعني أنها الآفضل" <<< منتوفه :p73:

يعطيكم العافية .. اخواني الاعزاء


يا عيني عليكم .. والله كلامكم .. صحيح ..

ومعظم اللي نكتب .. هو معلومات انا اعرفها سابقاً ..


بس مثل ما قلت في البداية .. " محتاج تشجيع " بس



يعطيكم العافية .. مرة ثانية ..



تحياتي للجميع

لووووووووووووووووومينا تمسك فلوسك وارجل
موفق على العموم

لو يشتري لومينا فلوسه ماتظل بجيبه على طول طالب قطع واغراض هههههههههههه