السلام عليكم
شباب شلونكم شخباركم
اليوم حبيت اطرح موضوع عن العنايه بلماكينه من استفساراتي عند بعض المهندسين

اولا نبدا بسير الماكينه(الجنزير)< الي يجي على الكامات
يتغير على حسب ماقال المهندس شركه سوبارو كل 100000 ك/م
لانه يصير فيه نتوئات ويمكن يفلت ووينقطع ويخرب عليك الماكينه والكامات ترى مهم ياشباب

ثانيا تغيير زيت الماكينه كل 5000 كيلو متر او كل شهر ويستحسن زيت فيه زنك اكثر مثل سوبر شل وتغيير كل شهرين فلتر الزيت ويستحسن تقول للعامل انه يصب في الفلتر كميه من الزيت بعدين يحط الفلتر مكانه المخصص.
(على فكره في زيت خاص لسوبارو بس مدري ايش اسمه بس سعره العلبه 70 ريال بس مايجيبونه واجد او تحصل في محلات فخمه الي يعرف اسمه ياليت يقوله )
تغيير البواجي كل 6 شهور وتغيير زيت القير سواء اوتو او عادي كل سنه على الاكثر او اذا شفت مستوى الزيت ناقص
تغيير ماء الرديتر كل سنه بلماء الاخضر وتنظيفه وتسييخه
لاتخلي البانزين عندك ناقص عند الشرطه الاخيره او الي قبل الاخيره خله دايم فيه كميه مناسبه لانه تتراكب في التانكي
بعض الشوائب
تشييك على كهرباء السياره ترى مهمه ولازم تشيك عليها كل فترى وتشيك على البطاريه كل سنه تغيرها للاحتياط مو تقول لطفت السياره بغير البطاريه
تشييك على الكفرات اذا ضغطها 30 او 35 للسوبارو طبعا واذا ناقص عبها اهم شي يكون الضغط متساو في جميع الكفرات
واهم شي انه تشتري طفايه حريق اامن لك وتحطها في مكان مناسب سواء تحت الكرسي او في شنطه السياره
ولازم كل صبح تشيك على السياره والله ماراح ياخذ من وقتك دقيقه
وقبل ماتشغل السياره وانت مدخل المفتاح في القدمه تسمع صوت زي الجرس قبل ماتشغل السياره اذا انطفى شغل السياره
وان شاء الله وفيت لكم في المعلومات
معليش طولت عليكم بس عشان فايدتكم ومصلحتكم


معا تحيات الكاتب
:050:ليجاسي 98:050:

الله يعطيك العافيه اخوي ليجاسي

على هالمعلومات المهمه

وعندي تعليق على سوبر شيل

والي اعرفه وعلى حسب خبره الناس الي سالتهم انه مو ذاك الزود
يعني فيه افضل منه صنع وجوده وتحمل

وشكرا

تحياتي,,,,,

تسلم والله على الموضوع رائع

الله يعطيك ألف عااافيه على هذا الجهد المبذول

يعطيكم العافيه اخواني على مروركم
بنسبه للسوبر شل الي يجي العلبه لونها احمر هذا كلام الوكاله اخوي كنتت استعمل زيت الماني بس الوكاله قالت لي احس شي هذا
بس مدري يعني اذا في احسن منه وممتاز للسوبارو ياليت تقولي اخوي

يعطيك الف عافية على الموضوع
فعلا جنزير المكينة اهم جزء في المحرك وكثيييير ناس ما يعرفونه بس دق سلف وامش وهو فعلا لازم يتغير كل 100 الف كيلو لانه اذا انقطع او فلت تضرب البلوف بالبستن وتتطعج واحتمال تروح المكينة....
بس على فكرة الستة سلندر جنزير المكينة حديد يعني ما يتغير ابدا بس الاربعة سلندر هي اللي تحتاج تغيير,,,,,,,
وحبيت اسألك وشو هو الزنك اللي في الزيت اول مرة اسمع عنه
وبعدين فعلا فيه زيت خاص لجير السوبارو وهو موجود في الوكالة فقط واسمه subaru atf وهو مخصص لجير السته سلندر الليجاسي والتريبكا اما باقي الانواع عادي اي زيت جير بس لازم يكون dexron 3 ,,,,,,,,,

السلام عليكم
شباب شلونكم شخباركم
اليوم حبيت اطرح موضوع عن العنايه بلماكينه من استفساراتي عند بعض المهندسين

اولا نبدا بسير الماكينه(الجنزير)< الي يجي على الكامات
يتغير على حسب ماقال المهندس شركه سوبارو كل 100000 ك/م
لانه يصير فيه نتوئات ويمكن يفلت ووينقطع ويخرب عليك الماكينه والكامات ترى مهم ياشباب

ثانيا تغيير زيت القير كل 5000 كيلو متر او كل شهر ويستحسن زيت فيه زنك اكثر مثل سوبر شل وتغيير كل شهرين فلتر الزيت ويستحسن تقول للعامل انه يصب في الفلتر كميه من الزيت بعدين يحط الفلتر مكانه المخصص.
(على فكره في زيت خاص لسوبارو بس مدري ايش اسمه بس سعره العلبه 70 ريال بس مايجيبونه واجد او تحصل في محلات فخمه الي يعرف اسمه ياليت يقوله )
تغيير البواجي كل 6 شهور وتغيير زيت القير سواء اوتو او عادي كل سنه على الاكثر او اذا شفت مستوى الزيت ناقص
تغيير زيت الرديتر كل سنه بلماء الاخضر وتنظيفه وتسييخه
لاتخلي البانزين عندك ناقص عند الشرطه الاخيره او الي قبل الاخيره خله دايم فيه كميه مناسبه لانه تتراكب في التانكي
بعض الشوائب
تشييك على كهرباء السياره ترى مهمه ولازم تشيك عليها كل فترى وتشيك على البطاريه كل سنه تغيرها للاحتياط مو تقول لطفت السياره بغير البطاريه
تشييك على الكفرات اذا ضغطها 30 او 35 للسوبارو طبعا واذا ناقص عبها اهم شي يكون الضغط متساو في جميع الكفرات
واهم شي انه تشتري طفايه حريق اامن لك وتحطها في مكان مناسب سواء تحت الكرسي او في شنطه السياره
ولازم كل صبح تشيك على السياره والله ماراح ياخذ من وقتك دقيقه
وقبل ماتشغل السياره وانت مدخل المفتاح في القدمه تسمع صوت زي الجرس قبل ماتشغل السياره اذا انطفى شغل السياره
وان شاء الله وفيت لكم في المعلومات
معليش طولت عليكم بس عشان فايدتكم ومصلحتكم


معا تحيات الكاتب
:050:ليجاسي 98:050:



في البدايه مشكووووور على الموضوع الرئع


بعض التعديلات

كيف زيت القير يتبدل كل 5 الالف كيلو سلامات الي اعرفه زيت القير 50 الف

البواجي كل 100 الف كيلو او سنه وهذا اذا احتاجت تتغير بعد

وبعدين زيت القير توك تقول كل 5 الف وبعدها قلت كل سنه

اول مره في حياتي اسمع بزيت راديتر الي اعرفه مويه راديتر وفيه خضرا وحمرا

اتمنى وصلت المعلومات مع التعديل

اسف اخوي الي اقصده زيت الماكينه مو زيت القير
يعطيك العافيه اخوي طارق على تنبيهي وراح اصحح الخطا
كتبت الموضوع وانا فيني النوم مشكور على تنبيهي وان شاء الله ماتتكرر

^
^
^
^

حياك الله عادي عادي

يعطيك الف عافية على الموضوع
فعلا جنزير المكينة اهم جزء في المحرك وكثيييير ناس ما يعرفونه بس دق سلف وامش وهو فعلا لازم يتغير كل 100 الف كيلو لانه اذا انقطع او فلت تضرب البلوف بالبستن وتتطعج واحتمال تروح المكينة....
بس على فكرة الستة سلندر جنزير المكينة حديد يعني ما يتغير ابدا بس الاربعة سلندر هي اللي تحتاج تغيير,,,,,,,
وحبيت اسألك وشو هو الزنك اللي في الزيت اول مرة اسمع عنه
وبعدين فعلا فيه زيت خاص لجير السوبارو وهو موجود في الوكالة فقط واسمه subaru atf وهو مخصص لجير السته سلندر الليجاسي والتريبكا اما باقي الانواع عادي اي زيت جير بس لازم يكون dexron 3 ,,,,,,,,,

زيت السوبارو الأصلي ممكن يستخدم مع أي قير أوتو من سوبارو
وبالنسبة للقيور الأربع نمر عادي انك تستخدم زيت سوبارو أو مثل ماقال أخونا مستر فوجي
بس القيور الخمس نمر الي منها الليجاسي ستة سلندر - أربعة سلندر تربو - تريبيكا - فورستر اربعة سلندر تربو - إمبريز إس تي آي سبيك أي Spec.A
لازم تستخدم زيت سوبارو الأصلي أو مايعادله

زيت سوبارو ميزته انه خفيف وفي نفس الوقت يوفر قدرة تزييت مذهلة مقارنة بالزيوت الأخرى المشابهة له من حيث المواصفات

في زيت كاسترول ترانزماكس جي Transmax J ممتاز والشباب الي بإستراليا ونيوزلندا يمدحوه بس ماينزل عندنا

عموماً بالنسبة لقيور الخمس نمر بالذات لازم ينعمل تنظيف كامل Flush على 100000 علشان ينعمل تصفية للقير من رواسب الكلتشات وهذا يساعد على إطالة عمر القير خاصة إن جونا حاااار بالصيف وأحب اقول لكل واحد عنده سوبارو وعليها نفس القير الخمس نمر انه مايضغط على السيارة بالظهر بالذات بالصيف

يعطيك العافيه اخوي على الزياده والله لايحرمنا منك

يعطيك العافية وما قصرت

الجنزير وما ادراك ما الجنزير كم واحد تضرر منه والافضل مو كل 100 الف الافضل 90 الى 95 هذا الي مكتوب في كاتلوج سياري موديل 2003
والزيت الي يقصده لجاسي 98 مو خاص حق السوبارو خاص لدفع الرباعي بجميع انواع السيارات

اقتباس:
المشاركة الأصلية كتبت بواسطة بن هندي http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=642#post642)
الجنزير وما ادراك ما الجنزير كم واحد تضرر منه والافضل مو كل 100 الف الافضل 90 الى 95 هذا الي مكتوب في كاتلوج سياري موديل 2003
والزيت الي يقصده لجاسي 98 مو خاص حق السوبارو خاص لدفع الرباعي بجميع انواع السيارات



طيب شنو المقصود فيه زيت مكينة زيت دفرنش زيت قير
لازم أخوي الي بيحط معلومة يكفي ويوفي مايدخل الشباب في متاهات
يعني كذا يكون توصيل المعلومة للأعضاء أفضل وأسهل
على الأقل صورة لأن كل عبوات زيوت سوبارو الجديدة لونها اسود وذهبي

زيت مكينه

وان شاء الله راح نوافيكم بصوره

تسلمون اخوانى عاد صج الزنجير الصدر مشكله عندى ولد خااتى عنده امبريزا قبل اسبوع كان متواكل او ماشى عليها الحين امجفت نص المكينه لووول مافى اهتمام يسمع اصوات او يقول عادى لما حصل الى حصل ياريت الكل ما يستهينون فى هذا الموضوع و شكرا

مشكور اخوي nightdeath على المرور
ومثل ماقال المثل لافات الفوت ماينفع الصوت
اهم شي تحرصو على الاساسيات لصيانه السياره

وش السالفة كل واحد قام يعيد كلام الي قبلة.......!

وعليكم السلام

تسلم على هالنصائح

ولا تكتب موضوع مره ثانيه وفيك النوم ههههههههه << يمزح