بسم الله الرحمن الرحيم
اشلونكم شخباركم اخوانى امس او انا طالع جا فى بالى موضوع قلت اطرحه او ان شاء الله تعم الاستفاده اللى اهوا
كل واحد يسولف لنا شنو المشاكل اللى صادفها فى الطريق او المفاجأت مثل الواحد يكون على سرعات عاليه او يقوم التاير ينفجر الله لايقول شنو مثلا اللى لازم الواحد يسويه يعنى ماهو الاجراء اللازم فى مثل هذى المواقع يارييت كل واحد يفيدنا بخبرته يعطيكم العافيه شباب او اتمنى ان الموضوع يعجبكم

الله يعطيك العافيه اخوي عبدالله على الموضوع الرائع والهادف

بصراحه انا اكثر شي اواجهه من مشاكل الطرق الحفر وخصوصا اذا كان شارع كل يوم تمر منه وحافظه

وفجئه تطلع لك حفره ذاك اليوم ما تدري من وين يالله عاد دبر امورك وخصوصا اذا كان الواحد زايد السرعه شوي

والله يا تصير افلام خلها على ربك انا بالنسبه لي احاول بقدر الامكان اني ابعد عنها واذا ما قدرت الشكو لله

ناكلها زي ما ناكل غيرها واذا انفقع المساعد نقول الحمد لله واذا حبل الكفر نقول الحمد لله بس اذا انعفط الجنط

وش نقوول

نقول انا لله وانا اليه راجعون


وتحياتي للجميع,,,

الف شكر يا مبدع يا نايت

صراحه بما اني كثير سفريات الظاهر اني اكثر واحد في المملكه صارت له مفاجئات

راح اذكر أبرزها اللي ما انساه



مثل مره كنت ماشي بطريق الساحل الغربي متجه للجنوب فكنت ماشي مع طريق جديد وما بعدهم فاتحينه رسمي يعني لا فيه دوريات

ويالله تحصل لك سياره ثانيه تمشي معاك

تخيل كنت مسافر ولا فيه احد عنده خبر اني مسافر ...

تخيل اني ماشي بآخر الليل الساعه 1 بطريق مخيف ...

وتخيل الاخيره ان المحل اللي كنت فيه ما فيه شبكه ...

كنت ماشي بجسر شوي الجسر كان مسارين وصار مسار واحد وما ادري ليش المهم اني كنت غافل وفجأه صدمت في الصبه

والسياره صارت تحذف من الصبه اليمين لليسار ( تخيل وش بيقى من السياره ) < والحمدلله انها مو الليقاسي :)

اللي صار انها وقفت بعد الجسر وكانت نصف في الهوا ونصف على الطريق يعني على وشك تطيح نم الجسر وانا

دايخ ولا اقدر اتحرك من زود الضربات اللي جاتني

الزبده صرت في حالة اغمار وربي رزقني بواحد معه جيب الظاهر انه مهرب والا مادي وش سالفته لكنه راعي خير وما قصر شبك

الواير وسحب السياره ( حسب ما جاني بعد ما طلعت من المستشفى )

وعقبها طلعني ونقلني لاقرب مستشفى

ملاحظه / < اقرب مستشفى يبعد 150 كيلو عن موقع الحادث :(

والسياره كانت كامري موديل 2004 تم تصليحها تقريبا بـ 15000 ريال

هذا كان ابرزها اللي ما انساه لحد الحين واللي استفدته اني ما راح امشي مع طريق مهجور عشان امسح طبلون والا حتى اسوي رود تست للسياره واخذ راحتي في السرعه
الشي الثاني اني اخبر اهلي واقاربي واصحابي اني مسافر
والشي الثالث والاخير اني احاول قد ما اقدر اني اسافر بوقت يكون فيه الناس ماشيين والخط شغال سواء أول الليل او نهار
لان سفرات اخر الليل هذي ما قد عدت معاي على خير لابد يصير شي اما كفر والا تعطل وتعال خل واحد يوقف عندك والله اقل شي راح تنتظره ساعتين

لي عوده باذن الله بعد تعقيب الشباب عشان اذكر مواقف اخرى والشكر موصول للمبدع صاحب الموضوع ومدير المنتدى على المشاركه

يعطيكم العافيه على تجاوبكم او الله يحفظكم يارب من كل شر اتمنى ان تعم الاستفاده وذلك من خلال تجارب الاخرين تحياتى للجميع

موضوع رائع ومفيد فعلا والف شكرا لك اخوي عبدالله على مواضيعك المفيده

ندش بالسالفه

انا مره كنت طالع الطايف كانت معي مرسيدس 500sel يعني 8 سلندر ما يحتاج تعطيك بالخط

المهم طول الطريق ماشي بشويش يعني بحدود 140 لمن وصلت الهدا زودت السرعه شوي 180

المهم وانا مسوي ذاك السواق يمين ويسار والسياره ما شاء الله ثابته

واللى اتفاجأ انه السياره قامت تحوص يعني تحذف والسرعه كانت عاليه

حاولت اتصرف ما في فايده الشغله كانت بلمح البصر يعني يا سيطرت او طحت على الهاويه

ويوم السياره سحبت الين الهاويه وكانت سريعه وخلاص الهاويه قدامي حياتي كلها مره قدامي كل شي . واشوف الهاوي لا لا لا لا لا لا لا

واللى اصحى من النوم واتعوذ من ابليس

هههههههههههههههههههههههههههههههههههههههههههههههه

وش رايكم عارف انكم تبون تطقوني بس معليش خيرها بغيرها

هههههههههههههه الله يرجك بس زين يارجال والله انى مندمج فى السالفه او قمت اقول الله يبى يعطيه عمر جديد او مشعارف ايش الله يهداك بس
اقول بشر بس لايكون خذوك الطبيب مفزوع من الحلم ههههههه

كل شي . واللى اصحى من النوم واتعوذ من ابليس

هههههههههههههههههههههههههههههههههههههههههههههههه

وش رايكم عارف انكم تبون تطقوني بس معليش خيرها بغيرها كويس انك موعندي

ترا فيه مفك 16 لقيته عندي بالدرج :)

انا الحين توقعت انك شمعت في سياره قدامك والا شي لكن تطلع حلم ..!
بس تصدق ؟؟




حلوه والله ^_^

حمدلله على سلامتك اول شي اخونا تنكس
ثاني شي موضوع حلو ياكاتبنا المتالق
ثالث شي يامراقبنا العام حاول انك ماتحلم مره ثانيه لانه احلامك فيلم هندي وانسجمنا معاااه الله يرج ابليسك بس الحمدلله انك صحيت قبل ما صارت اي خساير
اما انا ياطويل العمر مره كنت طالع الطائف من خط السيل بالليجاسي واخوكم في الله محطحط وكانت السياره دوبها مغلقه تمرينها ومبسوط بالسته سلندر الا وذاك الخروف الي صنفت له يموت وسط الخط انتبهت لشي ابيض ودوبي اكشح العالي الا والاخ وجه لوجه بس واطمر عليه يامعلم ويكسر لي الفيبر الجانبي وتطير بعض اجزاء الخروف اللي صار مندي على السياره اللي وراي بس الحمدلله جات سليمه
معليش على الاطاله.

مشكور على الموضوع اخوي

صراحه موضوع حلو نستفيد ونفيد

انا صارت لي سالفه وانا راجع من مكه

كنا ماخذي عمره انا والوالده الله يطول في عمرها وعيال خالي
وحنا راجعين كان معنا كورلا عاد الثبات صفر طبعا المكينه 1.8 وكنا نمشي حدود 230 وعلى طريق الخرج قبل التفتيش انفجر الكفر اللي ورا وكنا نمشي 230 تقريبا وطبعا اللي يسوق فاهي لمس الفرامل لمسه بس والسياره جلست تحوس فينا حوس وصدمنا في الصبات طبعا من الشنطه السياره صدمه وحده بس ووقفت السياره نص السياره راح الشنطه تهشمت من الصدمه والحمدالله جت سالمه ومااحد جاه شي
طبعا السياره قصينا لها شنطه جديده تقربا نص السياره

والفكره من القصه الفرامل في حالة انفجر الكفر لا تقول دفع رباعي وتماسك ماتدري وش بيصير لك

واشكر على الموضوع مرره ثانيه واسف على الاطاله

كورولا1.8 وماشي 230...؟

كورولا1.8 وماشي 230...؟

اي 1.8 وماشيه 230 وش فيها ؟؟

وتراها قير عادي وشوف عيوني يعني :p73:

يعطيكم العافيه اخوانى او الله يستر على الجميع والله هذى المشكله انا طول الوقت او انا ماشى اقول لو انفجر التاير او انا على سرعه عاليه شنو اسوى ولا شنو بيكون الموقف الله كريم بس

انا مرة كنت راجع من الشرقية للرياض وكنت ماشي 180 وانفجر علي الكفر الخلفي الايمن وماشاء الله ما تحركت السيارة الا شي بسيط من الخلف والحمدلله كل شي تمام لاني توقعت يارفرف ياباب طاير
سيارتي ليجاسي 2006 والكفرات كانت بريجستون شد البلد ومعبيها نيتروجين بعد

الحمد لله اللى عدت على خير شاكر مرورك اخوى مستر فوجى

سيارتي ليجاسي 2006 والكفرات كانت بريجستون شد البلد ومعبيها نيتروجين بعد

الحمدلله على سلامتكـ مستر فوجي والليقاسي الحمدلله راسيه ما عليها كلام والشي الثاني

كفرات البرجستون ما شاء الله يابانيه وحلوه وميزتها التيوبلس ما يخلي الكفر ينبفجر بقوه يعني راح ينسم حبه حبه

والله يعوضكـ خير منها

الكفر مابقا فيه ولا قطعة الا الاسيام وكم قطعة ربل

طيب اسمعو قصتي الى لا زالت شابة في قلبي كل مرة اشوف فيها هاذولي ال يسمونهم عساكر المرور....!
في اخر ال2005 تقريبا جتني زيادة في الراتب (شركة) وقام الهندي الى جمبي يقول انت سعودي فلوس كثير قلت لواحد من الشباب اليوم هاذا باجيب العيد قبل اذان العشاء كنت في الدايري الجنوبي عند مخرج السويدي وكنت في اليسار ماشي طبيعي فجاءه طلعلي شاص ماشي مليون جاي من وراي ومطفي الانوار ولزق فيني يبغاني افتحلة الخط على يميني فان عائله ويساري الصبات المهم راعي الفان لاحظ الفلم ووخر شوى وبمجرد ما لفيت حتى قام رعي الشاص وتجاوزني وانا محجور بينهم بالملى...وانا كنت رايح فيها من الربكة ولما جاء قدامي كبستلة فضرب فرامل في وجهي حزفت يسار فهاجت السيارة ما وما وقفت الى في الخدمة طبعن شلت الحاجز الحديدي معي نزلت زي المجنون ادور راعي الشاص....قالي واحد انه انقلب وقلب معاه راعي ونيت...؟
يبغا البزر(كانو ثلاثة....) يلحقني فصدم رعي الونيت وانقلبة قلبة حفيفة مجرد خدوش .
جاء المرور وانتو بكرامة.لللاسف رخصتي منتهية والـ.....راحوو وضبطو امورهم مع كلب المعارض وقالو انهم يبغون يبعون الشاص وانا نزلت في قيمتة....الزبدة ثلاثة ايام في الحجز اهلي مايعرفون ويني وخمسة وعشرين الف تكاليف الحادث (بعد التخفيض) وانا ولله الحمد انكتبلى عمر جديد لان الامبريزا الى معي تقوست لان الضربه من جهة الراكب
والي يضحك اقول للعسكري الـ..... خلني اكلم اهل مايدرون يقولي ادخل ولاتكثر كلام والسكران الي في الحجز يمدلي موية ويقولى احمدربك في الحديد ولافيك ولاتاخذ في خاطرك هاذي ارادة رب العالمين....!القصة فيها تفاصيل كثير تقهر ماقلتها وعمري مارح انسا هاذا الحادث

اقتباس:
المشاركة الأصلية كتبت بواسطة H-KYD http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=10877#post10877)
طيب اسمعو قصتي الى لا زالت شابة في قلبي كل مرة اشوف فيها هاذولي ال يسمونهم عساكر المرور....!
في اخر ال2005 تقريبا جتني زيادة في الراتب (شركة) وقام الهندي الى جمبي يقول انت سعودي فلوس كثير قلت لواحد من الشباب اليوم هاذا باجيب العيد قبل اذان العشاء كنت في الدايري الجنوبي عند مخرج السويدي وكنت في اليسار ماشي طبيعي فجاءه طلعلي شاص ماشي مليون جاي من وراي ومطفي الانوار ولزق فيني يبغاني افتحلة الخط على يميني فان عائله ويساري الصبات المهم راعي الفان لاحظ الفلم ووخر شوى وبمجرد ما لفيت حتى قام رعي الشاص وتجاوزني وانا محجور بينهم بالملى...وانا كنت رايح فيها من الربكة ولما جاء قدامي كبستلة فضرب فرامل في وجهي حزفت يسار فهاجت السيارة ما وما وقفت الى في الخدمة طبعن شلت الحاجز الحديدي معي نزلت زي المجنون ادور راعي الشاص....قالي واحد انه انقلب وقلب معاه راعي ونيت...؟
يبغا البزر(كانو ثلاثة....) يلحقني فصدم رعي الونيت وانقلبة قلبة حفيفة مجرد خدوش .
جاء المرور وانتو بكرامة.لللاسف رخصتي منتهية والـ.....راحوو وضبطو امورهم مع كلب المعارض وقالو انهم يبغون يبعون الشاص وانا نزلت في قيمتة....الزبدة ثلاثة ايام في الحجز اهلي مايعرفون ويني وخمسة وعشرين الف تكاليف الحادث (بعد التخفيض) وانا ولله الحمد انكتبلى عمر جديد لان الامبريزا الى معي تقوست لان الضربه من جهة الراكب
والي يضحك اقول للعسكري الـ..... خلني اكلم اهل مايدرون يقولي ادخل ولاتكثر كلام والسكران الي في الحجز يمدلي موية ويقولى احمدربك في الحديد ولافيك ولاتاخذ في خاطرك هاذي ارادة رب العالمين....!القصة فيها تفاصيل كثير تقهر ماقلتها وعمري مارح انسا هاذا الحادث



عوافي يا رجال اهم شي انك سالم والحمدلله على سلامتك

انا لي ثلاث قصص اثنين منهم حادث والثالثة انفجرت مكينتي بس لي عودة

size]
[size=4]جاء المرور وانتو بكرامة.لللاسف رخصتي منتهية والـ.....راحوو وضبطو امورهم مع كلب المعارض وقالو انهم يبغون يبعون الشاص وانا نزلت في قيمتة....الزبدة ثلاثة ايام في الحجز اهلي مايعرفون ويني وخمسة وعشرين الف تكاليف الحادث (بعد التخفيض) وانا ولله الحمد انكتبلى عمر جديد لان الامبريزا الى معي تقوست لان الضربه من جهة الراكب
والي يضحك اقول للعسكري الـ..... خلني اكلم اهل مايدرون يقولي ادخل ولاتكثر كلام والسكران الي في الحجز يمدلي موية ويقولى احمدربك في الحديد ولافيك ولاتاخذ في خاطرك هاذي ارادة رب العالمين....!القصة فيها تفاصيل كثير تقهر ماقلتها وعمري مارح انسا هاذا الحادث

السلام عليكم لاحول ولاقوه الا بالله العلي العظيم
ورب المصحف انك تعرضت لظلم عظيم جدا يوغر في صدر الرجل السوي
انا لله وانا اليه راجعون واحتسب اجرك عند الله سبحانه
ولو ان تأمينهم حرام ليس لنا عنه بد خصوصا ان الناس تقود سياراتها بالحرام والنظام يتعامل بظلم وحرام ولامناص من مشاكل اهل الحرام الا بهذا التأمين الاجباري المحرم لايوجد حل اخر
حمدلله على سلامتك واسال الله ان يعوضك سيارتك بخير منها ويصبرك

:051:
:mh93: :c015:

شباب تحمدولي بالسلامه

والعشى باجر عندي على سلامتي

الموقف صار قبل ساعه تقريبا

والله يا اخوان اول مره يمر علي الموقف هذا

ماخذ سياره اخوي تيوتا افالون 2003

وانا راد من الدوانية ماشي 120 والقى راعي التيما 6 سلندر يتحرش يبي يدوس معاي

طبعا الأتليما يطوف الافالون القديم قلت خلني استانس

المهم اسرعت الى ما وصلت 200 وكنت متوتر من صوت الهوا والتنسيم

وفجأه لقيت السياره راحت بسرعه لليمين وطلع صوت مزعج جدا

وبديت اسمع اشياء تضرب السياره من صوب الكفر

والله ستر يا اخوان والحمد لله قدرت اسيطر على السياره

وديروا بالكم يا شباب اللي مو متأكد من سلامه الأطارات لا يسرع

واللي ما عنده سوبارو لا يدوس :)

واتمنى السلامه للكل ان شاء الله وبالتوفيق

الف الف حمدا لله على سلامتك يا دكتور خلف

وما تشوف شر والحمدلله انها جت سليمه

وقدامك العافيه ان شاء الله

سلامات والله يا دكتور خلف الحمدلله جات على كذا

السيارات الجديده كلها مشكله والله يضرب عليك الكفر تلاقي الباب الخلفي ومعه الشنطه طايره في الهوا والله يستر لا تطير معها انت

وتخلي السياره

الله يعينك اخوى كايد والله قصه حزينه صراحه
---------------------------------------
اخوى خلف الف سلامه ماتشوف شر والله الحمد لله على السلامه

يسلمكم ربي من كل مكروه ومن كل ظالم ومن كل من لايخاف الواحد الاحد

شباب نبى تفاعلكم معانا اللى عنده قصه ولا حادث حصل له فى الطريق خلى يقول عشان نستفيد او نزيد من خبرتنا فى هل امور لان فى لحظات هذى الواحد يسير مشوش او من غير تفكير يعنى كل وحد يقول الشغلات اللى سواها عشان الباقى يتجنبون مثل هل امور

اانا صارت لي اشياء كثيره وبذكر وحده منها
انا متعود اروح خط اسمه خط قطر اسرع فيه بسيارتي ة جاني يوم واخذت سيارت اخوي ومشيت في الخط ومريت في عيون القطط
قريب من تقاطع وبنشر الكفر وضليت نص ساعه عشان حد يوقف ويعطيني عفريته بس للاسف ماوقف الا راعي سوبر والعفريته غير وضلينا نص ساتعه وبعدين ركبنا الكفر ووديت سيارت اخوي وبعد سبوع مريت في نفس الشارع ونفس المطبه خربت الكفر بس الحمد لله اتصلت على الوالد وجا وعطاني العفريته قلت معصي اخذ سيارت اخواني واجي في الطريق هذا

مشكور اخوى لجاسى على مرورك
-------------------------------
وينكم يا اخوانى وين مشاركاتكم وين تفاعلكم يلا احنا فى انتظار باقى القصص اللى صارت معاكم

السااالفة ياا صااحبي
مرة كنت على مخرج الداائري الشماالي للدااائري الشرقي
كنت توي مطلع الليجااسي بس عاااد كنت اتوقع اني لو امشي الف بالمنحنى والله ماا تهج فلعلي داايس .. قلت هالحين لفة بسيطة جدا وتعدل السياارة .. خبرك سوباارو
يووم لففت الليجاسي .. بلاا رسااوة بلا بطييخ
ويييييييين ويمين يساار الى ماا وقفت او هدت شوي بالاصح
يعني والله لو انها كااامري والا التيما ومن هالخراابيط
كااان تلقاااني معلم بالرياااض
لكن ربك ستر :p73:
وسلااامتكم

اقتباس:
المشاركة الأصلية كتبت بواسطة ل ق س 999 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=12298#post12298)
السااالفة ياا صااحبي

مرة كنت على مخرج الداائري الشماالي للدااائري الشرقي
كنت توي مطلع الليجااسي بس عاااد كنت اتوقع اني لو امشي الف بالمنحنى والله ماا تهج فلعلي داايس .. قلت هالحين لفة بسيطة جدا وتعدل السياارة .. خبرك سوباارو
يووم لففت الليجاسي .. بلاا رسااوة بلا بطييخ
ويييييييين ويمين يساار الى ماا وقفت او هدت شوي بالاصح
يعني والله لو انها كااامري والا التيما ومن هالخراابيط
كااان تلقاااني معلم بالرياااض
لكن ربك ستر :p73:
وسلااامتكم



اويلاااااااااااااااوه !!!
شدني شي واحد بردك اعلمك بعدين :p73:

الحمد لله على السلامه او شاكر مشاركت قصتك معانا