السلام عليكم ورحمه الله وبركاته

الموضوع يا شباب زي ما انتوا شايفين عن الكفرات

انا ابي هذا الموضوع يكون خاصه بأنواع الكفرات اللي على سياراتنا او افضلها لسياراتنا
وارجوا من الشباب التفاعل الله يجزاكم خير

يعني مثلا
1- انواع الكفرات اللي تستحمل السرعات العاليه
2- افضل الكفرات ثباتا
3- افضل الكفرات تحملا للضغط والحراره

فالمعلومات اللي عندي تقول
ان البيرلي والميشلان افضل الانواع هذي المعلومات اللي املكها
ونبغى من الشباب الخبره طرح ما لديهم لانه الموضوع اكيد يهمنا
والسلام عليكم ورحمه الله وبركاته :050:

ياشباب هذا اللي قدرت اجمعه من النت

ايش معنى الرموز والكتابات اللي تجي مكتوبة على الكفرات

1- الحرف الموجود قبل مقاس الكفر يدل على نوع الكفر مثال(P215/65R15 89H) يكون تفصيلها كتالي:
p - يعني كفر خاص بسيارات الركاب

LT - يعني كفر خاص بالشاحنات الخفيفة

C - يعني كفر خاص بالشاحنات الكبيرة



الجزء الثاني من المثال:
215 = يدل هذا الرقم على عرض الاطار(بالمليمتر)وكلما زاد الرقم زاد عرض الكفر

65 = يدل هذا الرقم على ارتفاع الكفر (او كما يسمى ضغط الكفر)وكلما زاد الرقم زاد الارتفاع

R= يعني تصميم الكفر ويوجد رمزين هما:
R- يعني كفر بطبقات احزمة فولاذية(يعني فيه اسلاك حديد)
B- يعني كفر بطبقات احزمة نسيجية

الجزء الثالث من المثال:
15= يدل على قطر الكفر ( يعني مقاس الجنط)

الرقم الاخير من المثال:

89= يدل على مؤشر الحمولة ( يعني رمز الحد الاعلى للوزن )
الحرف الاخير بالمثال:
H= يدل على معدل السرعة ( يعني السرعة القصوى التي يتحملها الكفر في الضروف العادية)ويوجد من هذه الحروف على سبيل المثال VوWوY وغيرها



ناتي لمعاني الكلمات المكتوبة على الكفر وعلى ماذا تدل:


TREADWEAR220= تدل هذه الكلمة مع الرقم اللي بعدها على مؤشر تاكل الدعسة ومدى مقاومتها للسحل(كلما ارتفع الرقم زادت مقاومة الكفر عن السحل)

TRACTION A=وتدل على الاحتكاك ويتغير الحرف الاخير على حسب النوعية الجيدة
(AA,A,B,C)وتمثل هذه الحروف على قدرة الكفر على الوقوف على الاسطح او الارصفة الرطبة
(AAهي الاعلى والافضل)


TEMPRATURE A= وتدل على مقاومة الحرارة ومنها هذه الحروف(A,B,C)وتمثل مقاومة الكفر للحرارة من الاعلى الي الادنى(في المملكة الكفرات التي يجب استخدامها هي من فئة A)



MAXLOAD 1300 LBS= وتدل على الحمولة القصوى المحملة على الكفر بمافي ذلك وزن السيارة وتقاس بالرطل

MAX PRESS 35PSI=ويدل على الحد الاقصى لضغط هواء الكفر وهو بارد( يعني تقيس ضغط الهواء قبل لا تكمل السيارة كيلو واحد بالمشي) وتقاس بالكيلوبكسيل

YYY4706= وهذا يدل على تاريخ صناعة الكفر الرقم 47 يرمز الى رقم الاسبوع و 06 الى سنة الصنع
(يعني الكفر صنع في الاسبوع السابع والاربعين من سنة 2006)


ارجوا انكم استفدتوا ياشباب

ياشباب هذا اللي قدرت اجمعه من النت

ايش معنى الرموز والكتابات اللي تجي مكتوبة على الكفرات

1- الحرف الموجود قبل مقاس الكفر يدل على نوع الكفر مثال(p215/65r15 89h) يكون تفصيلها كتالي:
p - يعني كفر خاص بسيارات الركاب

lt - يعني كفر خاص بالشاحنات الخفيفة

c - يعني كفر خاص بالشاحنات الكبيرة



الجزء الثاني من المثال:
215 = يدل هذا الرقم على عرض الاطار(بالمليمتر)وكلما زاد الرقم زاد عرض الكفر

65 = يدل هذا الرقم على ارتفاع الكفر (او كما يسمى ضغط الكفر)وكلما زاد الرقم زاد الارتفاع

r= يعني تصميم الكفر ويوجد رمزين هما:
r- يعني كفر بطبقات احزمة فولاذية(يعني فيه اسلاك حديد)
b- يعني كفر بطبقات احزمة نسيجية

الجزء الثالث من المثال:
15= يدل على قطر الكفر ( يعني مقاس الجنط)

الرقم الاخير من المثال:

89= يدل على مؤشر الحمولة ( يعني رمز الحد الاعلى للوزن )
الحرف الاخير بالمثال:
h= يدل على معدل السرعة ( يعني السرعة القصوى التي يتحملها الكفر في الضروف العادية)ويوجد من هذه الحروف على سبيل المثال vوwوy وغيرها



ناتي لمعاني الكلمات المكتوبة على الكفر وعلى ماذا تدل:


treadwear220= تدل هذه الكلمة مع الرقم اللي بعدها على مؤشر تاكل الدعسة ومدى مقاومتها للسحل(كلما ارتفع الرقم زادت مقاومة الكفر عن السحل)

traction a=وتدل على الاحتكاك ويتغير الحرف الاخير على حسب النوعية الجيدة
(aa,a,b,c)وتمثل هذه الحروف على قدرة الكفر على الوقوف على الاسطح او الارصفة الرطبة
(aaهي الاعلى والافضل)


temprature a= وتدل على مقاومة الحرارة ومنها هذه الحروف(a,b,c)وتمثل مقاومة الكفر للحرارة من الاعلى الي الادنى(في المملكة الكفرات التي يجب استخدامها هي من فئة a)



maxload 1300 lbs= وتدل على الحمولة القصوى المحملة على الكفر بمافي ذلك وزن السيارة وتقاس بالرطل

max press 35psi=ويدل على الحد الاقصى لضغط هواء الكفر وهو بارد( يعني تقيس ضغط الهواء قبل لا تكمل السيارة كيلو واحد بالمشي) وتقاس بالكيلوبكسيل

yyy4706= وهذا يدل على تاريخ صناعة الكفر الرقم 47 يرمز الى رقم الاسبوع و 06 الى سنة الصنع
(يعني الكفر صنع في الاسبوع السابع والاربعين من سنة 2006)


ارجوا انكم استفدتوا ياشباب




شرحك وافي جدا

واحب اضيع معلومه ان اقوى الاطارات بلا منافس هي ميشلان ولكن سعره غالي

وقبل لا تاخذ الكفر حاول انك تاخذ اعلى سرعه

لأن في كفرات سرعاته متنديه , وكل ما زادت السرعه قل الظغط على الكفر وزاد عمره

والحراره لازم تكون a لأن هي المناسبه لدول الخليج

كفرات سيارتي : نوعها دنلوب الحراره a والسرعه القصوى للكفر 320 ظغط الهواء 35

مشكور على الشرح وطرحك للموضوع

أنا الكفرات الي على سيارتي بصراحة من أحسن الكفرات الي جربتها لحد الأن بالنسبة للسعر
Bridgestone Potinza Adrenalin RE-001

من ناحية الثبات في المنعطفات الحادة وتغيير المسار دقيقة لآخر درجة
وحتى في أيام المطر ثباتهم خياااااااااااااال ماشاء الله تبارك الله

عيبهم الوحيد انهم قاسيين بس

من ناحية السعر سعرهم نفس سعر الميشلان البايلوت سبورت بالضبط
الميشلان ماجربته على سيارتي بس جربته على سيارة ثانية امريكية لصاحبي وماطولت الكفرات اكثر من 9 شهور
بعدها غير إلى بريلي بي زيرو نيرو وبصراحة فرق كبيييييييييييير في التراكشن عند التسارع من صفر

وعلى فكرة مو كل بريدجستون جربته عجبني
الموديل الي يجي على الليجاسي جنط 17 أو 18 ممتاز بصراحة بس الي عندي حالياً أفضل منه في الثبات

ولو الجيب منور كان دقيت لي بريلي بي زيرو روسو بصراحة ولا أروع
هالنوع خفيف الوزن وناعم وثبات مو طبيعي من جد
جربته على سيارة صاحبي مرسيدس إس 500 2008 وجربت سيارة واحد من اصحابه نفس الموديل بس الإطارات كانت ميشلان
الميشلان كان يخلي السيارة تتزحلق في المنعطفات هههههههههههه بينما البريلي يتزحلق بس بنسبة أقل بكثير من الميشلان

وكان نفسي اجرب يوكوهاما ادفان بصراحة بس للحين ماحصلت لي فرصة لأن يمدحووووووووه كثير بره

لا تحكمون على اي اطار كان قبل التجربة
بالنسبة لي انا استخدم dunlop sp sport maxx كفر ولا ارووووووووع من جميع النواحي

dunlop sp sport maxx ماعرفتة الى متاخر ويوم ركبتة تحسفت على كل كفر ركبتة من شركة ثانية.....

مشكووووووورين ياشباب على التفاعل
ونبي معلومات يعني وش الل يركب للامبريزا او الليجاسي مع ذكر المميزات والعيوب

وانا اشوف ان كفرات بيرجستون حلوة مرة على الخط
بس سعرها غالي جدا .
انقطع علي كفر واخذت تويو حلو تويو ياباني وسعره حلو .

انا احتاج كفرات..حصلت على هانكوك 235/40R18 ب 450
بصراحة مو واثق من هانكوك...كم سعر الdunlop sp sport maxx؟؟

والله ماعندي فكرة عن سعرها بس معقولة انا كفراتي 225\40\18 شريتها ب375 ريال
وصدقني بتشوف فرق غير طبيييييعي

شوف هانكوك ما حد مدحها الا نوع واحد فيها وهو من انواع السبورت ولو انت من الخبر اكيد تعرف الايفو السوداء هذا مركب هانكوك ويدور على الدوارات على سرعه 140 هذا الدوار الي عند الكرنيش اللي يوديك على الراكه
يعني بس نوع واحد بس ما ادري وس نوعه في السبوت حق الهانكوك

اهاا..140... حلو...

انا بالرياض..بالغرابي عندهم شي اسمه طبعه رياضية..ههههه...يعني ما تعرف سنة 2008

طيب في مشكلة لو اركب الخلفي 235 والامامي 225 ؟؟؟؟

لازم تنتبه من شغلت اندرستير(Understeer) والاوفرستير (Overstreer) نوع الكفر يفرق...كمان ثباته على الارض المبللة..

خياراتي من الي حصلت عليه
هانكوك, دنلوب, جوديير طبعة رياضية..كذا يفهمون..

اهم شي انتبه من تغيير مقاس الكفرات لااااااااازم تكون الاربعة نفس المقاس

ليش نفس لمقاس؟ عشان الدفع الرباعي؟

شريت Dunlop SP Sport Maxx
225\40R18

والله ماسك الارض بقوة..جربت بعد شويت تحميه للكفرات على 160 وادخل منعطف وما تزيح ابدااااااااااا

بس شي تغير علي وزعلان منه كثير..

اول كنت مركب الخلفي طبعة غير الامامي..ومقاس 235
كنت اقدر ازحف السيارة...يعني اكون بالاول وادعسلها على اللفة يسار وانطل شوي وهي تبدا تزحف ...والله فلة..بس ما قدرت سويها الحين..ابد.ماسكين بقوة

ما ادري السبب انه المقاس مثل بعض وا لانهم جديدات..؟
الكفرين الخلفي القديمات خليتهم معي..عشان متى ما فكرت اركبهم ثاني (معهم عمر..)

والله الصراحة فرحان لانهم ماسكين صح بس زعلان اكثر لاني ما اقدر ازحفها..

والله ياخوي ديفيد انه احسن لك من الخرابات اللي بتطلعلك مستقبلا ومبروك على الكفرات الجديده بس ماقلت لنا كم سعرهم وتعال جرب كم تقدر تسرع داخل دوار >> دوره كامله مو تدخله بس
وبعدين هل اثرو على التسارع يعني صار افضل ولا اقل

اقتباس:
المشاركة الأصلية كتبت بواسطة DavidB http://www.subaruksa.com/vb/Subaruksa/images/buttons/viewpost.gif (http://www.subaruksa.com/vb/showthread.php?p=13433#post13433)
شريت Dunlop SP Sport Maxx
225\40R18

والله ماسك الارض بقوة..جربت بعد شويت تحميه للكفرات على 160 وادخل منعطف وما تزيح ابدااااااااااا

بس شي تغير علي وزعلان منه كثير..

اول كنت مركب الخلفي طبعة غير الامامي..ومقاس 235
كنت اقدر ازحف السيارة...يعني اكون بالاول وادعسلها على اللفة يسار وانطل شوي وهي تبدا تزحف ...والله فلة..بس ما قدرت سويها الحين..ابد.ماسكين بقوة

ما ادري السبب انه المقاس مثل بعض وا لانهم جديدات..؟
الكفرين الخلفي القديمات خليتهم معي..عشان متى ما فكرت اركبهم ثاني (معهم عمر..)

والله الصراحة فرحان لانهم ماسكين صح بس زعلان اكثر لاني ما اقدر ازحفها..



اولا مبروك على الكفرات :yagahrhom:
ثانيا انا الشي الوحيد اللي فقدتة يوم ركبت هذي الكفرات هو الدرفت
ثالث شي السبب في عدم الانزلاق هو نوعية الكفر بطل وماسك بقوة مو من اختلاف المقاس

موضوع اكثر من رائع والردود اروع
بالنسبه للدنلوب ركبت نوع منه بس ماهو سبورت وتندمت اني ركبته السياره قامت تزحف مع اللفات القويه اكثر من اول طبعا المقاس 16 لكن انا اخذت اعرض من مقاس الوكاله شوي ممكن هذا السبب:047:
وشكرا
ابــ غلا ـــو

ياليت تعطينا نوع الكفر والمقاس اللي ركبته

والله ياخوي ديفيد انه احسن لك من الخرابات اللي بتطلعلك مستقبلا ومبروك على الكفرات الجديده بس ماقلت لنا كم سعرهم وتعال جرب كم تقدر تسرع داخل دوار >> دوره كامله مو تدخله بس
وبعدين هل اثرو على التسارع يعني صار افضل ولا اقل

الله يبارك فيك..
طلعو علي كامل مع الترصيص 420 ريال بالغرابي (الرياض)
على دوار؟ يعني في دائرة نقول؟ دوار ما جربت..ماشفت دوار اقدر اسوي الحركة.. بس عند مخرج 13 يوم تطلع على خريص او تنزل منه..اكون ماشي عادي على اللفة الكل يخفف.. انا امسك اليمين وادعس وانا على الفله اوصل سرعه 100-120 وما تزيح وتحس في مجال تسرع اكثر
بصراحة تخاف اذا اسرعت اكثر...
بعدين الفرامل يمشك اقوى من اول..
شوفو هذا الموقع عن الكفرات وعن الدنلوب الي جبته..
http://www.tyrereviews.co.uk/Tyre/Dunlop/SP-Sport-Maxx.htm
ال نوع الثاني هو Maxx GT اقوى من هذا..


اولا مبروك على الكفرات
ثانيا انا الشي الوحيد اللي فقدتة يوم ركبت هذي الكفرات هو الدرفت
ثالث شي السبب في عدم الانزلاق هو نوعية الكفر بطل وماسك بقوة مو من اختلاف المقاس

الله يبارك فيك...والله يااخوي ابي الدرفت يرجع..بجرب اركب القديم اخليه خلفي
Firestone TZ100 Traction B
الدنلوب Traction A


موضوع اكثر من رائع والردود اروع
بالنسبه للدنلوب ركبت نوع منه بس ماهو سبورت وتندمت اني ركبته السياره قامت تزحف مع اللفات القويه اكثر من اول طبعا المقاس 16 لكن انا اخذت اعرض من مقاس الوكاله شوي ممكن هذا السبب
وشكرا


لو نوع الكفر ومقاسه..


سؤال: لو رجعت الكفرات الخلفية وخليت الامامي... وش يصير؟

بالنسبه لكفراتي دنلوب sp sport d8z
والمقاس 225/55/16
بس بصراحه تندمت اني ركبتها السيار تزحف مع اللفات غير عن اول وآسف ما رديت علطول بس توني نزلت شفت المقس و طلعت (عجاز) ههههه:053:

على 55؟ على اربعين اثبت..

والكفر ماهو بمثل قوة ال SP Maxx على حسب كلام النت..

حياك اخوي ديفد
ممكن 40 اثبت من 55 بس الي انا مستغرب ان الاوله مقاس 205/55
بس نوعها بردجستون
والثاني برضه 55 لن على 225 والنوع دنلوب فمادري المشكله هي في فرق العرض من 205 الى 225 او في نوع الكفر( الشركة ):047:

نوع الكفر... العرض اعتقد انه يمسك اكثر لانه المساحة على السطح(الشارع) اكبر..

الثبات ما يكون بس من اسم الشركة يعني في مواصفات واغراض الاستخدام..

الدنلوب له اكثر من نوع...اثبت نوع شفته للدنلوب هو SP Sport Maxx GT

كمان في كفرات للشتاء وكفرات للصيف...كفرات لثبات على المبلله وفي للجاف...في لاستخدام للمضمار وفي للثلج وفي للتراب وغيره..

مثلا SP Sport Maxx لكل المواسم...ثبات بالجاف والمبلل..

المهم لاشي تسوي بحث يعني تدخل النت وتشوف كلام...وبعدين تجرب..

لا تنسى نوعية الطريق وحرارة الكفر..يعني اذا كان بارد اكييييد بتزحف معك (ما تشوف سباق الفورميلا كيف يمشو يمين يسار لمدة عشان يحمى الكفر ويرفع ضغطه(الهواء..بس اكيد مو لازم توصل لمرحله هاذي. ههه )

انا استغرب من الي يقول مقاس الامامية يختلف عن الخلفية ...!
اغلب سيارات الدنيا كفراتها متساوية والسيارات السوبر رياضية تلقي الكفرات الاماميه اصغر لتسهيل المناورة والحد من الاضرار على الاجزاء الميكانيكية مثل الفيراري واللومبرجيني وحتي الكورفيت وتلاحضها اكثر على اذا كانت دفع خلفي....وبالنسبة للهانكوك افشل كفرات على وجة الارض ناعمة تزحلق تونون وتولول وتسولف على الطريق وتتقطع مع الجوانب وبالخصوص الرياضيه (يطلع الهواء من الجوانب ) وياليت لاتحكم على الكفرات على سيارى اصلا ثابتة مثل الايفو او المرسيدس...

حياكم الله شباب
DavidB كلامك صحيح ويعطيك العافيه
h-kyd يعطيك العافيه والله ضحكتني سلافة يولول هههه:rqs:

الكفرات الي تكون اكبر بالخلف واصغر بالامام...هذا بسبب الدفع...الدفع الخلفي يكون مقاسه اكبر (الجنط بكون صغير والريشيو كبير عشان يعطي تماسك و Grip وكمان بالسباق الدراج يستخدمو كفرات ناعمه يعني مافي طبعه..ويكون مثل الصمغ..مع الحرارة يدوب ويلصق بالطريق على الكفرات الي عليكم الدفع..هذا اغلبه للسباقات.. مثلا الدراج ريس Drag race تشوف الكفرات كبييير من الخلف او امام

(تشوفهم يوم يخلو نالكفر يحمى بانهم يفحطونها شوي عشان ترتفع حرارته ويلصق اكثر وكمان تشوف واحد يبخ نار على الارض عشان تماسك اكبر) شوف قناة Gear One

اعتقد السبب لتماسك اقوى مو مناورة...لان الدفع عليهم والماكينه قوية (مو متأكد)

الدفع الرباعي لازم المقاس واحد دائما...اما سيارات الشوارع حقت كل يوم مقاس واحد اكيد..

هذا الي اعرفه واتوقعه..

يا هلا بـ DavidB
وانا اقول ليش في الدراق ريس يجلس يفحط قبل البدايه بوقت:047: مشكور عالمعلومه
تحياتي

البريجستون اللي يجي راكب على الليجاسي 2008-2009 وهو مقاس 215/45/17 بس لاحظت ان الtreadwear حقة مره منخفض

تخيلوا 140 بس وبعض الكفرات من ماركات اخرى نفس المقاس يوصل الtreadwear الى 400 فرق كبير ليه البريجستون كذا

انا قررت اني اذا غيرت المره الجاية مااركب بريجستون باجرب الميشلان

البريجستون اللي يجي راكب على الليجاسي 2008-2009 وهو مقاس 215/45/17 بس لاحظت ان الtreadwear حقة مره منخفض

تخيلوا 140 بس وبعض الكفرات من ماركات اخرى نفس المقاس يوصل الtreadwear الى 400 فرق كبير ليه البريجستون كذا

انا قررت اني اذا غيرت المره الجاية مااركب بريجستون باجرب الميشلان

هلا بوليد

بس اخوي انا دايم اقرا كلمة الtreadwear بس ما اعرف معناها

ممكن تنورنا الله يعطيك العافيه

هذا تاكل الاطار ,,,, يعني ان درجة تاكل المداس هي تقدير نسبي يستند الى معدل التاكل الحاصل للاطار عند فحصة في ظروف معينة في طرق مخصصة للفحص يعني مثلا الاطار اللي يقدر ب150 يتاكل بفترة تعادل مرة ونص فترة الاطار المقدر ب100
يعني لا له علاقة لا في تماسك ولا ثبات ولا شي وهي عبارة عن نسب وارقام صعب تحليلها وتفكيكها

هذا تاكل الاطار ,,,, يعني ان درجة تاكل المداس هي تقدير نسبي يستند الى معدل التاكل الحاصل للاطار عند فحصة في ظروف معينة في طرق مخصصة للفحص يعني مثلا الاطار اللي يقدر ب150 يتاكل بفترة تعادل مرة ونص فترة الاطار المقدر ب100
يعني لا له علاقة لا في تماسك ولا ثبات ولا شي وهي عبارة عن نسب وارقام صعب تحليلها وتفكيكها

الله ينور عليك

مشكور مستر فوجي عالمعلومه

صحيح انه ليس له علاقة بالثبات لكن له علاقة بطول او قصر عمر الاطار يعني كلما كان الtreadwearرقمه عالي كلما دام الاطار عمرا اطول وسلامتكم

صحيح انه ليس له علاقة بالثبات لكن له علاقة بطول او قصر عمر الاطار يعني كلما كان الtreadwearرقمه عالي كلما دام الاطار عمرا اطول وسلامتكم

يعطيك الف عافيه