بسم الله الرحمن الرحيم

انا لاحظت ان الكثير واغلب الاعضاء مو مصدق ان الأمبريزا يفصل على الـ 210 ك.م

فحبيت اني اأكد لهم الشغله هذي

قبل نص ساعه تقريبا مسكت الخط وصورت التسارع من الصفر الى الـ 210

مع العلم اني اتمنى اجد طريقه اشيل فيها الفصله

واعيد واكرر ان الأمبريزا عدادها مقفل من اول ما شريتها :)

http://www.youtube.com/watch?v=KasDmx6Ptoc

طبعا اسمحولي على التصوير بس كان ولد عمي هو اللي يصور وكل ما ابدل يرجع ويختل توازنه هههههههه ومثل ما تلاحظون في بداية الفيديو اشتغلت علامه التراكشن لأني نسيت لا اطفيه بس ماشاء الله جابت 7 ثواني :) من الصفر الى الـ 100 والمستوى تحسن :)


Dr.khalaf

والله مشكله الكل او الاغلب يعاني من هذه المشكله

من بدايه 2006 الى الحين اعتقد لازم برمجه علشان

تفك الفصله والله اعلم ومشكور على التصوير الله يعطيك خيرها ويكفيك شرها

والله يااخواني انا كانت تجيب تحت الطبلون بواجد بس بعد التشييك 216 بالضبظ ومو معقول ان هذا عزم السياره ابدا ابدا
وشي ثاني ليه كلنا بالخليج كذا 215 عقاب هو ما اقول الا الله يعينا على ما ابتلينا به

يعطيك العافيه اخوى مشكور او ماقصرت والله الله يعطيك خيرها او يكفيك شرها ان شاء الله انا بجرب او بشوف الله كريم ههههه

هلا شباب حياكم الله

في انتظار الحل :)

سيارتي تجيب 215 وصراحة المفروض 220 الا اذا كان نظام التعليق الي عليها افضل من ناحية التجهيزات لان كل مازادت السرعة تزيد تاثير الهواء وتضاريس الطريق وغيرة والسرعة بشكل عام تقلل من عمر المحرك اذا مهب مجهز لها ........اما موضوع الفصلة فما اعتقد....

معليش دكتور خلف رديت بموضوع سعد ونفس الرد ينطبق على موضوعك
لما تجيني العدة تبع البرمجة بوريكم بالصورة ان مافي شي اسمه قفل سرعة على السوبارو بره اليابان

بس باليابان كل السيارات مقفولة على 180

انا وديت سيارتي للصيانة وقفلوها على 120
مابقا الا واحد يجي يقول كذا هههههههههه

مستر فوجي القفله مو بكيف الشركه

القفله على ما سمعت ان لها حدود معينه حسب اللي يكون مناسب للمكينه

يعني مثلا موديل 2001 يقفل على التـ 220 لأنه هو المناسب

والـ 2008 على الـ 215 مثلا

وهكذا

مو اي واحد يقفل على كيفه

معليش دكتور خلف رديت بموضوع سعد ونفس الرد ينطبق على موضوعك
لما تجيني العدة تبع البرمجة بوريكم بالصورة ان مافي شي اسمه قفل سرعة على السوبارو بره اليابان

بس باليابان كل السيارات مقفولة على 180

طيب شلون اغلب المحلات يشيلون الفصله ؟؟

لأن صاحبي عنده كامري وقالي انها تفصل على الـ 220 !!

ليش ماتركبون طقم كلتش رياضي بحيث يحافض على العزم لاني احس ان القير مصمم بحيث يفقد العزم تديجياَ و يوصل لسرع محدد ويثبت مع مقاومة الهواء ووزن السيارة.....لان في سيارات اقل قوه وبسبب القير تعطي ادا وتسارع وسرعة قصوة اعلى من المتوقع.....صححني يافوجي اذا انا في نفر قلطان...؟

تصدق انا شكلي بجرب طريقتك ياH-kyd بس وين القاه وما يحتاج اغير معاه قطع ثانيه
ومشكوور على التنبيه لان راح عن بالي

المفروض كل واحد يراجع الرسم البياني لسيارتة ويعرف الحد الاعلى للاحصنة والعزم خصوصا راعين الامبريزات وبعدين يعرف ليش السيارة توقف عند سرعة معينة يعني تفصل على قولتهم
الكورفت الجير العادي مثلا تجيب بالخامس طبلونها ولا تفصل بس مجرد ما يحط السادس ترجع السرعة وتوقف ماتتعدى ليش يعني تفصل بالسادس ولا تفصل بالخامس ؟؟؟؟؟؟؟؟
ولا المسكين وداها الوكالة بعد تشيك الالف وفصلوها له؟؟؟؟؟؟؟؟
المسألة مسالة عزم وحسابات ماهي مسألة فصلة ووكالة وخرابيط
اتمنى تكون الفكرة وصلت خصوصا للي يقول ان السوبارو تفصل واي استفسار انا حاضر

دخلت على دليل المستخدم للأمبريزا اليوم ولقيت الجدول

مكتوب فيه :

السرعات القصوى المسموج بها , ومكتوب ان السرعات المكتوبه ما تخلي السائق يدخل ابره الظغط على المنطقه الحمراء لتفادي اهتراء المحرك

مكتوب :

اعلى سرعه للترس الرابع 160 ك.م

الخامس : اقصى سرعه (( يعني مو مكتوب 210 او حد معين ))

وايضا الموديلات التربينية ((التيربو)) wrx

الرابع على الـ 168 ك.م

الخامس : السرعه القصوى

اخوي Dr.Khalaf ما عندنا الا حل واحد وهو اننا نجرب السياره بالشتاء لان الكثير من الناس تقول ما راح تجيب الطبلون لانه حر وان الكمبيوتر يعطي معدل معين عشان المكينه ما تنظر
ولكن في البرد نشوف ونحكم عشان ماتكون فيه اعذار والله يعينا نستنى لين ما يجي البرد ..... بعد كم شهر اصلا البراد لاننا مقطوعين منه هههه الله يعين

السرعات اللي موجودة في دليل المستخدم هي السرعات الفعلية وليست اللي في عداد السيارة
وصحيح ان درجة الحرارة لها تاثير على اداء السيارة لكن في التسارع لان الهواء البارد كثافتة اقل من الحار يعني كمية اعلى =انفجار اقوى لكن في السرعة القصوى لايوجد هناك تاثير واضح او كبير بين الشتاء والصيف لان حرارة المحرك ثابتة في جميع الفصول

شباب ترى والله قفلت عندي

كل واحد مو مصدق يرفع سيارته الأربع كفرات ماتلمس الأرض ويجرب كم تجيب وبعدين أتحدى اي واحد يجي يقول لي تفصل على سرعة معينة
ماراح تفصل إلا مع فصلة الأر بي أم أنت وهو

وغير هالكلام مافي

اقتباس:
المشاركة الأصلية كتبت بواسطة dr.khalaf http://www.subaruksa.com/vb/images/buttons/viewpost.gif (http://www.subaruksa.com/vb/showthread.php?p=10835#post10835)
طيب شلون اغلب المحلات يشيلون الفصله ؟؟

لأن صاحبي عنده كامري وقالي انها تفصل على الـ 220 !!



دكتور خلف أنا خصصت السيارات الي موجودة باليابان بس مو المخصصة للأسواق الخارجية

إذا تعرف أي احد باليابان اسأله عن القانون الي عندهم بالنسبة للسرعة القصوى للسيارات والقوة القصوى للمحرك

حتى مكاينهم مقفولة علشان كذا تشوف شركات يابانية كثير عندها شلغلات تلغي الفصلة ومن هالأمور

وسع صدرك اخوي ماجد هههههه انا مرتفع ضغطي اكثر ننك من ذا الموضوع
فيه طريقة ثانية اسهل من رفع السيارة !!!!! يعطيني السيارة ويركب معي ويشوف ينسدح الطبلون ولا لا واذا ما انسدح حلال عليه الليجاسي حقتي

شباب ترى والله قفلت عندي

كل واحد مو مصدق يرفع سيارته الأربع كفرات ماتلمس الأرض ويجرب كم تجيب وبعدين أتحدى اي واحد يجي يقول لي تفصل على سرعة معينة
ماراح تفصل إلا مع فصلة الأر بي أم أنت وهو

وغير هالكلام مافي


والله اني فكرت فيها لكن اخاف على السياره

يعني الطريقه هذي تأثر على السياره بشيئ ؟؟!!!

انا اليوم سمعت ان في داينو للسوبارو بالكويت واليوم بروح له وبكلمه يمكن يقدر ينزل السياره على الداينوا ويقيس السرعه القصوى

وسع صدرك اخوي ماجد هههههه انا مرتفع ضغطي اكثر ننك من ذا الموضوع
فيه طريقة ثانية اسهل من رفع السيارة !!!!! يعطيني السيارة ويركب معي ويشوف ينسدح الطبلون ولا لا واذا ما انسدح حلال عليه الليجاسي حقتي


ههههههههههههههههه



=====================

شباب انتظروا لين الليل وبرجع لكم خبر عن الفصله بروح كم ميكانيكي فاهمين وبسألهم :)

طيب احنا ناطرين.......

الله يسامحكم توني مسكت الخط وطبقت اللي قالوه الشباب

وهو اني ازيد السرعه شوي شوي

ولكن مع الأسف بائت الطريقه بالفشل

لأن ثبتت على الـ 200 فقط !!

مع العلم ان الهواء معاي يعني علشان ما يقولون ان الهوا ضد السياره ومخليها ما تنزل!!

يعني انت الحين تبي تقول ان الوكالة برمجوا لك السيارة وخلوها تفصل على 200؟؟؟
لا وبعد لاسلكي بواسطة الأقمار الصناعية ههههههههههههه

تدري هذا معناه يادكتور خلف ان عندك مشكلة في شي اسمه OCV Selionoid مدري إذا السبيلنج صح أو لا
وممكن فلتر الهواء الي عندك مسكر مو بس وصخ

وانت دامك بالكويت هل قد جربت تعبيها 98؟؟؟
لو هالنوعية عندنا سويت بلاوي بسيارتي بوزنيات بسيطة مره

اخوي انا ما قلت ان الشركه قفلوها هي ماهي باب علشان كل من هب ودب قفلها ومشى

انا اول ما شريت السياره وقبل لا اسوي اول سيرفس وقفت عند الـ 210 ايضا !!

وصدقني السياره نظيفه لكنها تفصل على الـ 210

لأن لما ابدا بالتسارع توصل الـ 210 بسرعه وبعدها توقف على طول وحتى السائق او جنب السائق يحس ان السياره وقفت خلاص كأني هديت الدعسه بس ثابته على الـ 210

بالنسبه للبانزين ولا يهمك بجرب وبشوف :)


ملاحظه : ما تلاحظون اني قاعد اطبق كل اللي تقولونه لي ؟؟!! لأن فعلا خاطري اشوفها تنزل تحت الـ 210

وراح اطبق واستمر في التطبيق الين ما تنزل ويا انا اللي بنسدح بالمستشفى يا العداد :d

دكتور خلف أنا سيارتي بأول 60000 كانت تجيب 250 بالرابع ولما تعشق خامس ترجع إلى 230 هذا لو داعس حددي
ولو اتمشى على ودزيت بالخامس حدها 230 بس مافي غيرها
الحين السيارة ودها اغير الطبلون لشي أكبر من 260

وش ذا الحوسه الي صايره

يا شباب اانا سيارتي قبل ال 1000 كيلو مشت معي لين 230 بعدها خفت لانو السياره جديده

وبعدها بدأت تفصل لين 210

وبعدين يا سعد وشو الي الله يعينا على ما ابتلانا

ترى الموضوع ما يستاهل وبعدين وش تبي تمشي اكثر من 210 بتطير

ترى ما ورا السرعه خير

فوجي شخبارك ؟

بعدين يا دكتور

جيب تفصل العداد وشغل النظام الملاحه وشو السرعه كم بتجي معاك

يعني شوف بتفصل السياره ولا لا اذا فصلت العداد

نفس النيسان والتايوتا

هههه الحمد لله انا بخير دامك بخير حبيب قلبي

اقول اخوى بل نسبه للبانزين احنا فى الكويت كله انعبى 98 مو اقل من جذى يعنى من ناحيه البانزين مافى مشاكل او مجرد معلومه الحين نزل عندنا بانزين جديد اكثر من 98 انا بسأل عنه او بجربه بس السعر حدث ولا حرج اذا اخوى خلف مر عليه ولا لا اسمه سوبر خصوصى او شى جذى شفته فى الرقعى

أنا الأسبوع الجاي محضر عندكم بالكويت وقولولي بس وين هالبنزين ابي اشرب منه
قصدي ابي اشرب السيارة منه ههههههههههههههههههه

انت تعال وما يصير الا كل خير

اذبحلك فيل بس شوفلي سيارتي هههههههههه

ياحماعه حاب اخبركم حاجه الامبريزا موديل 2006 و2007 ف عمان

مفتوح إلى 220 وينزل ع الراحه .

مشكوووور ياصوت المستقبل على المرور بس ليه اللي عندكم واحنا لا هنا المشكله
واحنا عارفين انها تجيب بس عندنا مثلا سيارتي رحت الوكاله عند تشييك 10 الاف وانا رايح للوكاله داعس 230 وشيكتها وغيرت الزيت
ويوم رجعت البيت طلعت بالليل ومشيت على الزيت 100 كيلو بعدها جيت ادعس الطبلون الا وقفت على 216 يعني بالظهر جبت 230
والليل بعد التشيييك 216 بس وللعلم السياره في ذاك التشييك اخذت 5 ساعات والتشيييكات الي قبلها كانت كلها ساعتين بالكثير ومافي زحمه عشان محد يتعذر والله يخليلكم وكيلكم بعمان

شباب خلاص موضوع الفصله او القفله ذا قفلوه لاحد يفتحه الا بحل لان كثير من الشباب تضايقوا
اذا احد لقى حل يكتبه عشان ما نخلي الموضوع يطول وتقلب هوشه بالمنتدى الله يرحم والديكم

لا تنقلب هوشة ولا شي
ليش اصلا تنقلب هوشة ؟؟؟؟ الموضوع ما يستاهل وكلة مزح×مزح
بس انا لا زلت اقول لا يوجد سوبارو يفصل ههههه

اهنيك على سعة صدرك 3.0 ههههههههههههههههههه لا يامستر بس انا يوم شفت الوضع خرج عن السيطره قلت خلاص
واشكرك مره ثانيه

انتوا الي خليتوا الجد ينقلب مزح
اجل اعصر مخي علشانكم واشرح ليكم وشعر راسي كله طاح علشان اعرف واعطيكم المعلومة جاهزة
قمتوا تشوفوا ليكم اسألة إستباطية ثانية

مالكم من اليوم ورايح غير المزح لأن انتو امبريزا مافيها وزن مثل الليجاسي ينخاف عليكم بصراحة

جربت بس مرتين مشيت فوق الطبلون والإحساس كان ممتع بس والله لما افكر في الموضوع وكيف ان بهالسرعة أتحدى اي مخ بشري انه يقدر يتحكم بأعضاء الجسم علشان يكون فيه ردة فعل وبعدها يتم التحكم بالسيارة
وأتحداه انه ينقل الإشارات من المخ لحد ماتوصل للسيارة عن طريق أعضاء الجسم بنفس سرعة السيارة

كل واحد يعقل ويخليه على الفن الي مدري ليش ماتقدرونه أحسن لكم
ايييييييييييه ياان خلينا سيارات تنباع بس بدخلة منعطفات بسرعة عالية لا وأتجاوز بعد
وياما خلينا ناس تفكر الف مرة ومرة قبل لايدقون سلف ويطلعون بالسيارة

عندكم سيارات فيها ميزة فريدة ومهي موجودة بأي سيارة من مصنع آخر ولسه طمعانين؟؟

السبب ان الأمبريزا ماتجيب أكثر لأن وزنها خفيف والمصنع عامل نسبة التروس كذا بحيث أن لما توصل النمرة الخامسة يكون اقصى عزم على ضغط معين وعلى هالأساس السيارة ماتجيب أكثر يعني ماهي فصلة

حمزة أهنيك بصراحة لأخلاصك والي أتوقع انه هو الي خلاك تعرف السبب بصراحة
الي يبي يجيب اكثر يبدل طرمبة البنزين والإنجكترات والقير كامل مع الدفرنشات والعكوس وتجيب سيارته اكثر

والسلام بالختام

يعني افهم من كلامكم يا مستر فوجي والاخ العزيز بلاك دراقون
انه عادي نفتح الموضوع مره ثانيه <<<<<ههههههههههههههههههههههه بيتصطر امزح:uhhh:

محد بيتصطر ولا شي لاننا تعدينا هاذي المرحلة ودخلنا في مرحلة الاسلحة البيضاء:c007: وكلها فترة وتلقي واحد زابن ورا الامبريزا الي فووووووووووووق وقاعد يقنص الزوار ولاعضاء ثم نوصل للمرحلة النهائية ونسمع عن انفجار تعليق في وجة مراقب ووفاتة بلحظات قبل التمكن من اسعافة في قسم الورشة :p73:
وتسلم يا black dragon

ههههههههههههههههههههههههههه تصدق توني اكتشف ان حتى انت فيك فصله ههههههههههههههههههههههه

ههههههههههههه

شباب قفلوا الموضوع

وتضل الأمبريزا تفضل هع هع هع

تفضل تفضل تفضل فضلة فضلة فضلة
طن طن طن طنطن ههههههههههههههههه

خلصنا من شماته الفصله بدينا على البدليات ههههههههههههههه