السلام عليكم
شباب هذا طبلون سيارتي
انا حطيت الموضوع لغرضين
1- الفصله نفس اخوي
Dr.khalaf

2- عشان تقارنوا بين الموديلين


وعلى فكره ترا السياره عند الـ180 كانت على طلعه وتأثيرها واضح وعند 200 الخط تعدل يعني مستقييم والفصله عند 216 واذكروا الله على التسارع
من 0 الى 100 لو تركزا صح على دخلت 7 ثواني ترى اليوتيوب يقدم ثانيه يعني حملوه وشوفوه احسن بيبان التسارع صح
0-100 7ثواني
0-140 14ثانيه
0-160 20ثانيه

وتسارعها كان اقوى قبل ما ينفصل الطبلون

:Arrow::Arrow:


http://www.youtube.com/watch?v=1sCEGE20hLs

تصدق هم نفس الفصله !!!

ما ادري شنو الموضوع اللي صاير

الله يعطيك خيرها ويكفيك شرها :)

مشكووووووووور على مرورك
بس مو معقول كلنا كذا واذا كانوا يقولوا هذا عزمها فهذا هراء <<<متعوب عليها
المهم انت 210 وانا 216 ما ادري كل الموديل القديم 215 والجديد 210 شكل اللي يبرمجها يستلكع او يستهبل
الله يعينا بس

سعد اسمع وجرب
امشي بالسيارة طبيعي وبالنمرة الرابعة زيد السرعة شوي شوي لحد الخط الأحمر
أول ماتعشق الخامس لاتحط الدعسة كاملة
حاول انك تساير السرعة الي انت ماشي عليها لفترة وبعدها حاول انك تزيد شوي شوي
مع الفترة بيبتدي الكمبيوتر يقرا أن مافي ضغط على المكينة وبيحسب معدل المتوسط للإشارات ويضبط لك الموضوع على هالسرعة

مشكلة الشباب دايم انهم مايجربون انهم يدخلون على هالسرعة إلا وهو داعس بكل نمرة على الأخر
والكمبيوتر ماقد قرأ انك بالخامس وصلت لهالسرعة من قبل
شلون بيحسب لك المعدل وهو ماوصل لها من قبل؟؟؟؟
اكيد وأنت داعس الدعسة بالكامل الكمبيوتر بيشوف ان البنزين زايد والضغط كثير على المكينة والمعروف
كمبيوتر المصنع مبرمج على وضعية انه يحافظ على المحرك فالي بيصير انه بيقلل كل شي وهذا الي يخلي السيارة تكون على هالسرعة

انا بسيارتي كانت نفس الموضوع بس واحد قال لي ان سيارته تجيب اكثر من 260 ليجاسي طبعاً 6 سلندر
ومع الأسئلة والكلام مع الشباب الثانيين عرفت السبب لأنهم يمسكون خطوط كثير
وأنا عارف ان الكمبيوتر مضبط صرفية البنزين والقوة والشغلات الثانية بحساب المعدل المتوسط للإشارات المستقبلة من الحساسات الي بالمكينة
المهم الي سويته اني بعدها صرت امشي على سرعة معينة أطول فترة ممكنة
ابتديت على 100 وبعدها بكم يوم 120 وبعدها 140 لحد ماوصلت إلى 200
الحين مشكلة السرعات العالية يبيلها خط طويل
الي صار اني صرت دايم اطلع من الدوام العصر وارجع انام واجلس بنص الليل تقريباً وأمسك لي خط
والحمدلله صارت السيارة تجيب فوق 260 بدون ماأني اكون داعس على الآخر
وصرت اجيب الطبلون في وقت قياسي ماشاء الله تبارك الله

هذا هو الموضوع ياسعد وجرب طريقتي وبتعرف

والله بالنسبه لي يا بلاكـ سيارتي تجيب تحت الـ 260 لكن اول مره واجهت صعوبه لاني ما مرنتها صح

طبعا يا شباب كل سياره تعتمد على تمرينها

سالفة انه ما نمشي فوق الـ 80 الا اذا خلصت السياره الـ 1000 كيلو الاولى فهذي مادري مين طلعها

ومين ماشي عليها لحد الحين لانها ((( خربوطه )))

الافضل مثل ما قال بلاكـ انه ما ندز على البنزين بالدعسه كامله وخلاص لازم الشغله شوي شوي

وانا والله يمكن سويتها من دون ما اعرف المعلومه لان توي عرفتها من بلاكـ بس عندي معتمد على شغله وحيده ( كل شي يجي بالقوه )

مشكورررين ياشباب على تعليماتكم وعلى مروركم
ولكن عندي ملحوظه ::::
الحين انا قبل ما اصور الفيديو كنت طالع للعزيزيه وماشي 120 وعشقت الخامس
ومشيت على رواقه والله نفس الطريقه ماتعدت 216 بس تحس ان السياره بعد الـ180 اسرع من انك تدعسلها في كل تعشيقه
وتروح بدون عناد بس ماتعدت 216
عشان كذا انا صوره المقطع وقلت ما في فايده خل اصور واوري المنتدى التسارع
ولكن اخوي بلاك انا راح اسوي اللي قلتلي عليه وانشاء الله تفك
وشاكر لمروركم

انا قريت موضوعكم بس سوالي هل يحدث بكل سيارات السوبارو والا الامبريزا لان الليجاسي اللي عندي جبت 223 كلم..
موديل 1998
حجم المكينة 2.5

لا اخوي حلمي المشكله هذي بالامبريزا من 2006 اذا كان عندك طريقه تساعدنا ارجوا طرحها وشاكر لمرورك

اقتباس:
المشاركة الأصلية كتبت بواسطة saad507 http://www.subaruksa.com/vb/images/buttons/viewpost.gif (http://www.subaruksa.com/vb/showthread.php?p=10807#post10807)
مشكورررين ياشباب على تعليماتكم وعلى مروركم

ولكن عندي ملحوظه ::::
الحين انا قبل ما اصور الفيديو كنت طالع للعزيزيه وماشي 120 وعشقت الخامس
ومشيت على رواقه والله نفس الطريقه ماتعدت 216 بس تحس ان السياره بعد الـ180 اسرع من انك تدعسلها في كل تعشيقه
وتروح بدون عناد بس ماتعدت 216
عشان كذا انا صوره المقطع وقلت ما في فايده خل اصور واوري المنتدى التسارع
ولكن اخوي بلاك انا راح اسوي اللي قلتلي عليه وانشاء الله تفك
وشاكر لمروركم




طيب انت حاول في كل مرة تسويها لما توصل 216 تثبت رجك على نفس حد السرعة يعني انت خف رجلك شوي شوي لحد ماتلاحظ ان السيارة ابتدت تقلل سرعتها وبعد كذا ثبت رجلك على سرعة 216 مدة خمس دقايق وبعدها ابتدي زيد السرعة بس شوي شوي

يعني لو حسيت انها ماتزيد لاتزيد دعسة البنزين خلك مثل ماأنت كلها ثواني معدودة والسيارة تمشي اكثر

والله يا اخوي بلاك بديت اخاف تدري ليش
لان احنا لما نجيب الطبلون علطول نخفف بس 5 دقايق اخاف اقرب لمبه وانا محضر فيها هههههههههههههههههههههههههه
ابشر ولا يهمك بسويها بس ادعولي خخخخخخخ لان من جد هذي تخوف

هي انت سعد شكلك تطلع بأي وقت وبأي مكان
اقول خلك في بيتكم وبلا طبلون وبلا خرابيط هههههههههه

الناس تدور ليها خط يكون سيدا وطويل ويدورون وقت مافيه احد وانت شكلك بكل وقت وبكل مكان ههههههههههه

اقول سعد بس انت خلك من موضوع السرعة وفكر في شي ثاني احسن لك

إذا تبي سرعة بدل المكينة احسن

اخوي بلاك ابشرك انا خربتها ومسكت خط الرياض يمكن 50 كيلو وبعدين وانا راجع رحت الجبيل وطول الخط داعس الطبلون الا قبل الردار هديت
والرجعه من الجبيل ما هديت الا عند مدخل الخبر تدري وش اللي حسيته تغير تسارع
السياره من فوق 100 صار اسرع وواضح الين 216
و شكرا على الافاده وزي ما قلت خلني عن السرعه ههههههههههه

تسارعها ممتاز جدا .. وعزمها جيد جدا ..

لكن معنا ف عمان العداد مفتوح إلى 220 !!

والله قبل شوي طلعت ادور واجرب السيارة على الدائري..وعلى ال160 سمعت صوت يضرب بالسيارة..وهديت..شفت ان الكفر الامامي اليسار انسلخ..مدري كيف..بس الهوا والضغط موجودين..فوق ال50 اسمع صوت الكفر المنزوع يضرب بالسيارة..

هو بصراحة لازم تغير الاربع كفرات..الله يعين على سعر الكفر وابوي مسافر ليو مالسبت....الحمدلله على السيارة مو شي ثاني..

الكلام فية شي من الصحة ...اطلع الفجر للشرقية واقعد ادور فيها لين العصر اريح السيار لمدة ماتزيد عن ساعتين ولفلفة لين العشاء وساعة عشاء ثم دز للرياض تدرون ان السيارة تسوى الهوايل في الطريق يوصل المؤشر للخط الاحمر وانا مادري من قوه التسارع والهدواء الغريب لاكن لانة ليل مااقدر اجازف واوصل لاكبر سرعة ممكنه
ولما ادخل الرياض واوقف عند اشارة ادز بالموتر صاروخ يخليني بدل ما اروح اريح في البيت اقعد الفلف زيادة من0 ال160 تجيبها بين الاشارات بشكل يخلي كل الى يمشون بسرعة بعد الاشارة يهدون من هول المشهد .. لاكن بمجرد ما اريح الموتر تختفي هاذي القوة الغريبة ويرجع الموتر لطبيعتة....؟

صحيح كلامك h-kyd بس ودنا انها تقعد على هالقوة مو لما نريح الموتر ونجي اليوم الثاني نلاقي العزم نازل ومشكوور على المرور

لا حول ولا قوه الا بالله والله تعبت

الكامري قبل والله ما يوقف جنبي الحين قاموا يطوفوني خط هع هع هع

عموما اليوم بجرب حركه التسارع الخفيف عاد بالكويت ما يمدي اوصل 200 الا انا معدي الجوازات ههههههههه

وعلى فكره كلامكم صحيح اني لما امشي على الـ 160 فتره طويله وبعدها ادعس على طول تروح للـ 200 ويصير عزمها خيالي لكن من اطفيها فتره واشغلها يرجع العزم طبيعي :)

اليوم بجرب الحركه وبعطيكم خبر

هييي تعال لا تجرب ولا هم يحزنون خلها بالشتا زي ما قلتلك بموضوعك لانه الجو براد والمكينه ما بيجيها الا هوا بارد والمويه تكذب الغطاس اذا جابت الطبلون ندربها عليه عشان في الصيف ما تقول 210 ولا 215 .....سلام

هييي تعال لا تجرب ولا هم يحزنون خلها بالشتا زي ما قلتلك بموضوعك لانه الجو براد والمكينه ما بيجيها الا هوا بارد والمويه تكذب الغطاس اذا جابت الطبلون ندربها عليه عشان في الصيف ما تقول 210 ولا 215 .....سلام

انا ما يفرق معاي لا صيف ولا شتى

اليوم بجربها الساعه 10 او 11 بليل يكون الجو بارد

اقتباس:
المشاركة الأصلية كتبت بواسطة H-KYD http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=10920#post10920)
الكلام فية شي من الصحة ...اطلع الفجر للشرقية واقعد ادور فيها لين العصر اريح السيار لمدة ماتزيد عن ساعتين ولفلفة لين العشاء وساعة عشاء ثم دز للرياض تدرون ان السيارة تسوى الهوايل في الطريق يوصل المؤشر للخط الاحمر وانا مادري من قوه التسارع والهدواء الغريب لاكن لانة ليل مااقدر اجازف واوصل لاكبر سرعة ممكنه
ولما ادخل الرياض واوقف عند اشارة ادز بالموتر صاروخ يخليني بدل ما اروح اريح في البيت اقعد الفلف زيادة من0 ال160 تجيبها بين الاشارات بشكل يخلي كل الى يمشون بسرعة بعد الاشارة يهدون من هول المشهد .. لاكن بمجرد ما اريح الموتر تختفي هاذي القوة الغريبة ويرجع الموتر لطبيعتة....؟



كلامك اخوي حمة صحيح والسبب انه مع المسافات الطويلة نسبة كبيرة من الكربون اللي في المحرك خصوصا اللي على البلوف تطلع من الشكمان وتنظف اكثر مما كانت عليه قبل الخط وبالتالي يكون خليط الهواء والبنزين محترق على اكمل وجه وتقفيلة البلوف بعد تكون على اكمل وجه

شباب ترى والله قفلت عندي

كل واحد مو مصدق يرفع سيارته الأربع كفرات ماتلمس الأرض ويجرب كم تجيب وبعدين أتحدى اي واحد يجي يقول لي تفصل على سرعة معينة
ماراح تفصل إلا مع فصلة الأر بي أم أنت وهو

وغير هالكلام مافي

الحين الفصلة مو يعني يرجع الrpm ..لو تفصل على ال 210 ما كان احد طلع فوقها..

طيب شباب لو ارفع السياره وامشي فيها الى سرعه الـ 200 وهي على الهواء مو خطره ؟؟؟!!

ولا تنسى اخوي بلاك دراقون

انها اذا كانت في الهواء اكيد ماراح تفصل , لأني اقدر انزل 200 على الثالث لأن مافي مقاومه للأطارات

ولا شتقولون ؟؟؟!!

الحين الفصلة مو يعني يرجع الrpm ..لو تفصل على ال 210 ما كان احد طلع فوقها..

اخوي في انواع من الفصلات يرجع الأر بي ام

وفي انواع جديده يثبت على سرعه معينه نفس مثلا اليوكن

او الفورد

تثبت على سرعه معينه كأنك حاط مثبت سرعه ومثبتها على الـ 210

السوبارو مافيها فصلة إلا إذا كانت مخصصة للسوق الياباني بس لأن قانون عندهم مافي أي سيارة تقدر تستخدمها طبلونها مفتوح أكثر من 180
السوبارو مافيها غير فصلة الـrpm بس

ويادكتور خلف شلون بتجيب 200 على الثالث؟؟؟
لو تحسبها بقوانين الفيزياء ولو في الفضاء ماراح تقدر تجيب أكثر من النسبة الي يعطيك إياها الترس الي بالقير بالنمرة الي أنت عليها
أسهلها لك أكثر.....
أنت الحين لو واقف على شارع فيه زيت وعست الدعسة حدها، تقدر تجيب أكثر من السرعة الي أنت تجيبها في العادة؟؟؟
طبعاً لا ونفس الشي لبقية النمر

هل تقصد بكلامك اني لما ارفع السياره واوصل السرعه الى الـ 200 كيلو ما يأثر

لأني راح اطبقها واشوف ؟؟!!

ولا راح يأثر على العكوس ولا شي او حتى الأطاراه اخاف انها تنفجر ؟؟!!

اقتباس:
المشاركة الأصلية كتبت بواسطة dr.khalaf http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=10998#post10998)
هل تقصد بكلامك اني لما ارفع السياره واوصل السرعه الى الـ 200 كيلو ما يأثر

لأني راح اطبقها واشوف ؟؟!!

ولا راح يأثر على العكوس ولا شي او حتى الأطاراه اخاف انها تنفجر ؟؟!!



لا يا دكتورنا يرحملي امك لا تجرب ذكرتني بسالفة صارت بالقصيم + سيارة ايجار + وفصلة طبلون = المغسلة بغت تنهد فوق روسهم عاد انت حط الحروف وكمل الناقص

نصيحة لا ترفع السيارة لك مني مكينة sti ولا يصير لك شي يا شيخ هههههههههه

شباب فيه لخبطة في الموضوع توي انتبهلها

السوبارو مثل ما قالو الاخوان ومثل ما يصر مستر فوجي ما تفصل ليييييييييييش !!

الفصلة: هي ان السيارة لا وصلت ال215 تقوم وتنقص سرعتها مع تراجع ملحوظ في الrpm ومهما تدوسلها بنزين ما ينفع وهذا الشي ما يصير عندنا

اللي احنا نتكلم عنها من صباح الله خير هي
القفلة: وهي ان السيارة تقعد على ال215 ما تزيد بس ما تنقص السرعة ولا يتراجع الrpm

فخلونا نتفق على المصطلحين عشان ما تصير لخبطة

الفصلة انها ترجع بالrpm والسرعة

والقفلة انها ما تتحرك لا بزيادة ولا نقصان وهذا اللي صاير عندنا

اسمعو كلام عمكم ابو سعبولة .............والي بيرفع السيارة لاينسي ان مافي هواء يبرد اللاديتر وبترتفع الحرارة بسرعة يعني الله يذكر المكينة بالخير....

هي انت حمزة ترى لما ترفع السيارة تقدر تجيب من صفر إلى 100 في اقل من ثلاث ثواني يعني كلها نص دقيقة وانت جايب الطبلون يالحبيب

وثاني شي انت الحين بتجازف وبترفع سيارتك علشان تشوف كم تجيب أو تتأكد انها تفصل أو لا؟؟؟

اقول انت وهو كل واحد يبيع سيارته وياخذ له السيارة الي تمشي بالسرعة الي يبيها ويريحنا وياه بس

الله يعطيك خير السياره ان شاء الله اليوم انا بطلع او بحاول اجرب مع الوالد بس عسى الوالد ما يتكلم بس ههههههه

اقتباس:
المشاركة الأصلية كتبت بواسطة dr.khalaf http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=10998#post10998)
هل تقصد بكلامك اني لما ارفع السياره واوصل السرعه الى الـ 200 كيلو ما يأثر

لأني راح اطبقها واشوف ؟؟!!

ولا راح يأثر على العكوس ولا شي او حتى الأطاراه اخاف انها تنفجر ؟؟!!



لا يا دكتورنا يرحملي امك لا تجرب ذكرتني بسالفة صارت بالقصيم + سيارة ايجار + وفصلة طبلون = المغسلة بغت تنهد فوق روسهم عاد انت حط الحروف وكمل الناقص

نصيحة لا ترفع السيارة لك مني مكينة sti ولا يصير لك شي يا شيخ هههههههههه

ههههههههههه لا تخاف ماراح اكون راكب السياره من بعيد بعصاه ولا بشي بدعس البانزين :)

:yagahrhom:

الله يسلمكم شباب انا مشيت فى السياره 215 لافصلت ولا شى السياره امبريزا 2007 بس اذا باقى السيارات تفصل مادرى بس شخصيا ماتفصل

اخوي نايت ديث اتمنى انك تحط مقطع في هذا الموضوع تجيب فيه 220 او زياده اذا قدرت احنا عارفين انها تجيب 215 بس ما تزيد
هذا اللي نتكلم عنه ومشكوووووور على مرورك

اقتباس:
المشاركة الأصلية كتبت بواسطة saad507 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=11068#post11068)
اخوي نايت ديث اتمنى انك تحط مقطع في هذا الموضوع تجيب فيه 220 او زياده اذا قدرت احنا عارفين انها تجيب 215 بس ما تزيد
هذا اللي نتكلم عنه ومشكوووووور على مرورك



لاحظ انك الحين تكلمت صح
تجيب 215 وماتزيد

تدرون ان في واحد عارض سيارتة للبيع اذا ما لقى حل لهاذي المشكلة ....هاذا اذا كانت مشكلة..!

شباب انا سمعت ان الـ sti 2008 يفصل على الـ 250 !!!

يا جماعه سوبارو شفيها خربت ؟؟

تيربو وقيمتها 13 الف كويتي وتفصل على الـ250؟؟؟

سابقا كنت اظحك على اللانسى ايفو , الحين والله قمت اضحك على السوبارو

الأيفو طبلونه 300 ويجيبها والسوبارو 260 ويجيب 250

مع العلم ان الأيفو مكينته 2 لتر والسوبارو 2.5 لتر

وانا اتحداكم تلقون امبريزا اس تي اي منزل 290 او 300 ستوك !!

اخوي بلاك : انا من الصبح اقول انها ماتتعدى 215 يعني انها تجيبها وتوقف على هالسرعه وش الجديد انا ابيها مثل ماكانت 220 وزياده
اخوي h-kyd : انا عارضها نعم اذا ما نحلت هالمشكله راح ابيعها
بعدين اللي يقول السياره لازم تدرب خطوط انا اذكر تدربها اذا كانت تجيب مثلا 200 وانت تبيها زياده
مو وهي جديده تنزل من قوتها سلامات يعني لو اني شاريها وما تجيب اا 215 بقول اي الشباب معاهم حق
اما انها تجيب الطبلون وزياده وبالراحه وشوي اشيكها واغير زيت واطلع من الوكاله وروح بالليل الا اشوفها على 215 وين قاعدين بس نصبر عليها الين يجي الوقت اللي يخليني اقرر ابيعها و لا لا

شوف ياخوى انا يوم مشيت 215 الضغط كان 6 او شوى بس حسيت ان السياره مافيها تعطى الا اذا عطيتها خط اطول يمكن لان التسارع بعد ال 200 يسير بطىء جدا او بعدين مين اللى يقول ندرى انها تجيب 215 انتو قلوت السياره مقفوله على 210 خلاص انا من ناحيتى كسرت الرقم هذا او بل نسبه للتصوير اسف ما اقدر يعنى كيف امسك السكان او يد وحده بس او على هذى السرعه مستحيل

اقتباس:
المشاركة الأصلية كتبت بواسطة saad507 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=11122#post11122)
اخوي بلاك : انا من الصبح اقول انها ماتتعدى 215 يعني انها تجيبها وتوقف على هالسرعه وش الجديد انا ابيها مثل ماكانت 220 وزياده
اخوي h-kyd : انا عارضها نعم اذا ما نحلت هالمشكله راح ابيعها
بعدين اللي يقول السياره لازم تدرب خطوط انا اذكر تدربها اذا كانت تجيب مثلا 200 وانت تبيها زياده
مو وهي جديده تنزل من قوتها سلامات يعني لو اني شاريها وما تجيب اا 215 بقول اي الشباب معاهم حق
اما انها تجيب الطبلون وزياده وبالراحه وشوي اشيكها واغير زيت واطلع من الوكاله وروح بالليل الا اشوفها على 215 وين قاعدين بس نصبر عليها الين يجي الوقت اللي يخليني اقرر ابيعها و لا لا



اخوى اذا تبى تبسع السياره عشان الفصله انا اقولك من الحين انت ماقدرت السياره او بعيها احسن لك او مجرد سؤال يعنى الحين مشت 215 ولا 220 شنو الفرق ؟؟؟؟ والله ان السالفه كلها تفاهه او ماتستاهل حتى والله السياره زين كذا ممشاها يعنى كلها 4 سلندل او 170 حصان تبونها تمشى 400 !!!!!!:054:

انا والله اتمنى اقابلك عشان تفهم السالفه كامله من -- الى وبعدين اذا تقولي 170 حصان انا اقولك كانت معي ليجاسي 94 145 حصان واضعف من الامبريزا اللي معي ولكن كانت تجيب طبلونها 240 الين ما خبطت المكينه والسبب الحراره
المهم نرجع وانا اقولك الفرق الفرق يطلع معك بالتسارع من عند ال200 يكون اسرع وانا يوم شريتها ما أخذتها عشان اطالع فيها انا اخذتها سبورت يعني رياضي ومن هنا الواحد يفهم انها لقومات لو ابي ركاده كان اخذت الليقاسي
ومين قال اني ماقدرت السياره وانا حياتي كلها ما قد سقت الا سيارات سوبارو وهذا الموديل ومكينته كرهتني فيها ولكن مازلت احبها عضب عني والسبب الرئيسي اني ابي ابيعها لاني ممكن اطلع لكندا وماني براجع الا بعد 5 سنوات يعني وش اسوي فيها

طيب خذ هاذي المعلومة تدري ياعزيزي ان من الاشياء الى تحد من سرعة السيارة الجناح الخلفي والمرايات والمساحات ...!
اكدت تجربة على سيارة ان بعد شيله الجناح زادت السرعه 5كم يعني شل الجناح وغير المرايات واذا سيارتك مرتفعة نزلها شوي ...يمكن توصل 220 وصراحة ماني شايف داعي للسرعات الكبيرة تتعب الموتر اذا مهب مجهزة لها

صحيح كلامك اخوي ان السرعه الزايده ما ليها داعي بس احيانا في سباقات شوارع يعني انا اطلع يجي راعي سيفك او اي سياره يبي يجرب معي لما اشق وجهه قومه وخط يعرف وش معناة سوبارو اما اني اقوم عليه بعدين يجيبني اكيد الكل بيقول ان السوبارو بس قومه اما خط ما في راسها وهذا الكلام بين الشباب اللي مايعرف السوبارو موجود وشوف بقوقل ابحث عن هالمعلومه تلاقيها بكثره وهذي اعتبرها اهانه لي وللسوبارو خاصه وانا ما أرضى هل الكلام ينقال على سياره قليله لو قلت اني اعشقها او اموت فيها وشكرا على حوارك الهادئ

تدرون انا متاكد ان المشكله في القيييييييييييييييييييييير وبالخصوص النمره الاخيرى وانا مستغرب من الي يقولون ن سياراتهم كانت توصل 230 قبل الصيانه وين التصوير ..وماعمري شفت في اليوتيوب امبريزا غير معدلة تجيب اكثر من 215 حتى المديل المخصص للدول الثانيه 2.5 170 حصان....؟؟؟؟؟؟؟؟؟؟؟؟؟ افيدونا اذا المعلومة غلط

كلامك صحيح والله المفروض نحط تصوير ولكن انا يوم اني مشيت 230 ترى مشيت بعد اكثر والله يشهد على كلامي
وليه ما حطيت فيديو والله ماكنت ادري ان السياره مستقبلا بتسوي الحركه ذي لو ادري كان صورت وحطيت فيديو
وانا يوم اني دعست ايام اول تدري كم وصل الrpm والله انه قبل ال7 بشوي وكان عداد السرعه داخل في ربع المربع الاخضر حق عداد الكيلو متر وكنت داعس في في عز الظهر ومشغل المكيف بعد وهذا الكلام قبل ما اشيك ال10 الاف ومشكوووووور اخي على النقطه هذي انا ما اقول الا ان شاء الله نلاقي حل وترا القير مشيك عليه بالوكاله من اول قالو لي السياره سليمه كلها ما فيها شي

شباب انا توني اكتشف ان الشغله عاديه

اس تي اي يفصل وصراحه شي انصدمت منه

لأني اتحداكم تلقون اس تي اي مطبق فوق الـ 260 او 270 ستوك !!

هذا عيب شرعي في الأمبريزا

واللي قاهرني ان الليجاسي الـ 6 سلندر ما تفضل وتجيب طبلونها وزياده



وشباب الليجاسي b4 كم تجيب معاكم ؟؟؟؟؟؟؟؟؟

شباب الكامري تجيب 260 وش رايكم تبيعون مواتركم في واحد يا حول كل ما دخل موضوع قال ابي امبريزا عادي وش رايكم واحد يبيعها له ويشتري كامري عشان يشق الامبريزا والاس تي اي بالخط


معليش وش هالكلام الفاضي يا خوي اذا تبيها تجيب 220 ترا اجددامبريزا بالدنيا ما جاب 220 ومستحيل امبريزا تجيب اكثر من كذا يا شباب انتم افهمو ترا السالفة مو فصلة السالفة هذي قدرة المكينة انا من يوم ما اخذت السيارة وهي ماشية صفر الى يومها وانا ما عتبت ال215 الا مرة وحدة ومهب انا اللي اسوق اخوي وجاب 218 وبعدها باليالله اشوف ال215 اركدو يا شباب ولا خوذو كامري وروحو شقو الsti

اقولكم كلام حلو ممكن يعجبكم تدرون ان طبلون الsti wrc كم تدرون انه 180 ليش ما نجيب كرولا موديل واحد وواحدين تمشي 190 ونقول انها طرحت سيارة رالي

اخوي سعد عند سؤال انت طبقت كلام ماجد اللي قالك اياه ؟؟

حفظته شفهي وطبقته عملي وبعدين خلاص رضينا بالامر الواقع قفلوا الموضوع :mh93::mgbor:

اقتباس:
المشاركة الأصلية كتبت بواسطة saad507 http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=11192#post11192)
حفظته شفهي وطبقته عملي وبعدين خلاص رضينا بالامر الواقع قفلوا الموضوع :mh93::mgbor:


يا حبيلك يا سعد احسك بمعهد انجليزي وجيت اول يوم متحمس تبي تطبق على اخوانك هههههههههه


بس سؤال اخير على مدى كم طبقته خيو

خخخخخخخخخخخخخخخخخخ معهد انقليزي هذا اول يوم كنت برا كذا احفظ واطلع طبق ههههه
انا والله جربتها لمدة 3 ايام من بعدها الى الحين صرت اطلع امسك خط حدود 50 كيلو روحه وارجع 50 كيلو على 120 -140 ثابته مواقعد ادز واتقاوم خلاص انتهى هذ الشي مؤقتا الين تجيب طبلونها بتقاوم

شباب خلاص موضوع الفصله او القفله ذا قفلوه لاحد يفتحه الا بحل لان كثير من الشباب تضايقوا
اذا احد لقى حل يكتبه عشان ما نخلي الموضوع يطول وتقلب هوشه بالمنتدى الله يرحم والديكم

فصله فصلة فصلة فصلة فصله وفصلتييييييييييييييين :056:

اقتباس:
المشاركة الأصلية كتبت بواسطة H-KYD http://www.subaruksa.com/vb/Subaruksa2/images/buttons/viewpost.gif (http://www.subaruksa.com/vb/showthread.php?p=11326#post11326)
فصله فصلة فصلة فصلة فصله وفصلتييييييييييييييين :056:


ويا لا لا لالللللييييييييييييي

ترى في مثل ينقال
الي بالقدر يطلعه الملاس
بس إذا الملاس صغير بنقول حده
أما إذا في واحد بخيل بنقول فصله

احلى تشبيه لأحلى امبيرزات عندنا ههههههههههههههههههههههه