السلام عليكم ورحمة الله وبركاته

بسم الله الرحمن الرحيم


شلونكم يا شباب وربي اشتقت للمنتدى كنت مسافر وللصيف علينا حق ....... المهم طالبكم وطالب اللي عندهم خبرة بالنسبة للغير مالي أنا عندي ليجاسي 2005 وعندي أشارة الغير اللي هي sport الخضراء تطلعلي اذا فريت بالسيارة وااجد يعني وقت طويل او أذا دست عليها فوق الـ 160 وعلى فكرة انا ما اسرع كثيير بس بالسفر رحت للوكاله ((الزباله )) تكرمون اللي بالكويت قالولي تجفيت وغالي التجفيت يعني ما يقارب 9000 ريال وسويت تجفيت بكراج التأمين بس الى الان تطلع العلامة وقالي عامل الكراج انو الغير يحتر ولازمة راديتر وقلتله ركبة ولما يبي يركبة قالي مافي مكان للرديتر ... فاكل ما اشوف العلامة يضيق خلقي ومدري شنو اسوي وعلى فكرة لما أطفي السيارة تروح العلامة وترجع ..... ارجو انكم تفيدوني وبالنسبة للشباب اللي يعرفون كراجات ممتازة للغيرات بلكويت تخبرني ضروري الله يعطيكم العافية ادري طولت عليكم بس من الغبنة اللي فيني

سيارتك اربعة سلندر ولا ستة؟؟
إذا كانت ستة سلندر وأنت مركب لها زيت قير غير زيت السوبارو فهي المشكلة الأكبر

بس ياحبذا لو تقدر تروح الوكالة وتقول لهم يعطوك تقرير برموز الأعطال الي بالسيارة وبحاول اساعدك بقدر الإمكان
ترى هالحالة اسبابها كثير وأهمها هو الزيت

هلا والله فيك بلاك دراجون سيارتي 4 سلندر 2.5 انا اللي اعرفه ان زيت الغير يا كاسترول او موبيل اللي بالوكاله بس اللي بالكراج غيرهم والوكاله يقولون لازم نفتح الغير علشان نعرف شنو فيه وقلتلهم عن حرارة الغير قالولي مافي شيء اسمة حرارة غير ؟؟؟؟؟؟

بصراحة ماأقدر افيدك إلا لو تجيب لي رموز الأعطال الي يطلعها كمبيوتر الوكالة

ياسيدي لوسمحت ممكن تعرفنا بالتجفيت ؟

لان المصطلحات تختلف من مكان لأخر كما هو معروف !

والي يقول الجير ما يسخن ترى ماعنده سالفه

وانت سيارتك 2005 ان وصلت 85000 كم يفضل تغيير الزيت مع الفلاتر طبعا"

وترى زيوت الوكاله و شحومها و كفراتها ماهي الا عقود فقط !

وهذا يعتمد على حسب الأجهاد الي على الجير

وان مازالت الحراره ترتفع حط مبرد او لديتر خارجي

و المكان موجود كيف مافي مكان

ترى الي رحتلهم مضيعين بصراحه

وطمنا!

أهلين h6 التجفيت يعني تغيير أجزاء الغير يعني تجديد غير جديد بس الcover نفسة بس تتغير الاغراض اللي داخل الغير عاد مدري وش تسمونة بالسعودية مع اني سعودي المفروض اعرف بس خلها على ربك المهم يخووك الكراج سوريين والسوريين ما أثق فيهم ابد بس سويت عندهم لانهم كراج التأمين وخلص التأمين قبل اسبووع وقالي مافي مكان للمبرد عاد مدري والله زهقت لاني كل ما ادخلها واسافر ارد تطلع نفس الاشارة بس في سؤال ميكانيكي مادام هالغيرات تبيلها مبرد ليش ما يجي من الوكاله ؟؟؟؟؟؟؟؟؟؟؟

تسلم يا سيدي ع المعلومه

يسموها في السعوديه توضيب

حرام لا توضب اكيدما تحتاج !!!!!!!!!!!

وما تجي من الوكاله بسبب التكلفه

فيوصلوها بلديتر المكينه ارخص !

وعندي سؤال

كيف حرارة المكينه في نفس وقت المشكله ؟

ممتازة حرارة المكينة والغير ممتاز اللهم اذا مسكت بيريك عند اشارة فجأة اسمع نتله بالتبديل الاول ... بس انا بعرف الحرارة جاية من شنو هل من الزيت ولال ايش بالضبط

انا ماني فيلسوف في المكانيكة....لاكن هل زيت القير يتحرك في القير بشكل تلقائي ولا له مضخة يمكن في كسرة صغيرة تعرقل حركة الزيت او في حساس مركب غلط او متضرر ويعطي اشارات مغلوطة او مرتخي ومع الاهتزاز يفصل ويسوي لخبطة....!
تعرفون بعض الاحيان تكون المشكلة قدام عيونا ونقعد ندور حولها......وانشاء الله يفيدونك الشباب وتحل مشكلتك...

ياحبيبى زيت الوكاله مو موبيل ولا كاسترول انا ولد خالتى قالى انه زيت بيبى انا لحد الحين ماصادفت ولا سيرفس انشاء الله بعد اسبوعين بروح الوكاله حق السيرفس او بشوف النوعيه
على فكره تره امس مكلمنى ولد خالتى قالى رحت حطيت زيت السباروا او السياره تغير مشيها 100% يقول حتى التسارع فرق معاى
بل توفيق

حبيب قلبي روح كراج الوكاله

ولخهم يفتحون القير بس اول شي اسأله جم الفحص علشان ما يصلخك بالسعر

وترا وكيلنا شغلها مظبوط على كلام الناس والكل يمدحه

روح الوكاله ودور عن موظف اسمه يوسف هندي اصله

يظبطك وينصحك ,

لما تسأل عن سعر الفحص ويفحصون السياره يبين معاك كل شيئ

ويمكن يطلع خلل بسيط جدا والله اعلم

ولكن افضل حل الوكاله وفحص فيها

وبالتوفيق

هلا والله بالشباب والله كلامكم كله حطيتة ببالي بس الظاهر على قولت الدكتووور الظاهر اني بروح الوكاله وافحص فحص بفلوووس وبالنسبة للي يشتغلون بالوكاله كلهم ما يفتهموون الا اللي تقول عنه يا دكتوور اللي هو يوسف لان في واحد مدير المستعملات موصيني قالي روحله بس مارحتله وانشاءالله بروحله