السلام عليكم ورحمة الله وبركاته
أخواني ودي أعمل مشروع على امبريزا
الهدف من المشروع تجهييز السيارة للأوتوكروس
الهدف 450 - 500 حصان
1- ماهو أفضل محرك ممكن يوصلني للهدف هذا وياليت لو يتم ذكر القوة الحصانية (شد بلد) + سعر المحرك
2- القطع المطلوبة لترقيق أداء المحرك *
3هل الأوفر شراء سيارة امبريزا عادية مستعملة ثم تعديلها للوصول للمستوي المطلوب أم شراء sti مستعملة و من ثم تعديلها 4ـ هل الوصول لهذا الهدف مكلف ماديا أرجو منك وضع تكلفة تقديرية*ابتداءا من سعر المحرك + سعر التيربو + مستلزمات

أخيرا أشكر جميع الأعضاء اللذين شرفوني في أول موضوع لي في هذا المنتدى

اهلين اخوي يوسف نورت المنتدى والله يوفقك بمشروعك

لي رجعه لموضوعك

نورت موضوعي أخوي
أنا في انتظارك وكل خبير أو صاحب تجربة

السلام عليكم اخوي يوسف كيف الحال انشالله بخير ومرحبا فيك بالمنتدى بحاول افيدك على قد خبرتي


انك تشتري امبريزا 2006 - 2007 مستعملة قيمتها فحدود الثلاثين او على حسب نظافتها وممشاها تزيد وتنقص والهورس بور فحدود ل160

انك تشتري STi مستعملة 2006 - 2007 حدها ثمانين ما تزيد انشالله والهورس بور فحدود ال300

انك ترسل الامبريزا العادية للاردن يقلبونها لك STi بين الثلاثين والاربعين الف
يعني تشتري امبريزا بثلاثين وتقلبها STi باربعين تطلع سبعين وهذا ارخص لك من انك تشتري STi

الطريقة الثانية تشتري امبريزا مستعملة بقيمة ثلاثين ومكينتها 2.0 وتطلبها كت من امريكا ويشمل الكت كرنك وبساتم وتكايات وعصافير وكامات وظفيرة وكمبيوتر وتيربو كبييييييييير وووو كامل متطلبات المكينة بقيمة 27 الف مع الشحن
وتزيد عليها جير STi 6 نمر بحدود الثلاثة تقريبا وسسبنشن ما بيزيد عن خمسة الاف ودفرنسات واكزوزت وهوبات وكلبرات وكت STi او الشكل اللي انت تبيه يعني القيمة ما تزيد عن ثمانين او تسعين واذا مرررررة مية الف

تطلعلك STi والمنمم هورس باوراللي بتوصله 700 حصان على الكفر وهذا بصراحة احسن حل لان كل الشغل اللي بتشتغله هنا في السعودية ولا بترسلها الاردن ولا شي وصح انها اغلى من الحلول الاولى بعشرة او عشرين بس انك تشتري STi 300 حصان وتعدلها الى خمسمية شف كم يبيلك مبلغ وانك تشتري امبريزا عادية وترسلها للاردن وترجعلك STi وبعدين توصلها ل500 حصان شف كم يبيلك بس انك تمشي مع اخر حل بيكون عندك STi ب700 حصان والشكل اللي انت تبيه وانت مستانس

وهذا اللي عندي اتمنى اني افدتك

إذا تبي مشروع صح اسمع مني

تاخذ لك مكينة مجهزة ستروكر إلى 2.7 ومجهزة انها تتحمل لحد 700 حصان
وبعد كذا تطلب لك ظفيرة امبريزا تربو إذا مهي متوفرة عندك
وتطلب لك تربو باك كت مع إكزوست مانيفولد وأب بايب وداون بايب
وإنجكترات 750 سي سي على الأقل
وميثانول إنجيكشن سيستم
وتربو حجم وسط علشان مايكون عندك لاقتايم لأن بالأوتو كروس بتحتاج العزم على عدد دورات منخفض بشكل كبير
وطرمبة بنزين والبرو بحسب حجم الإنجكترات الي تبي تركبها
ولاننسى الإنجكشن تركب لك شي محترم ومكلف بصراحة لأن الي يجي على السيارة شد بلدها من أحسن الأنواع فصعب الموضوع
وطبعاً في ملحقات لكل شي ذكرته مثل الفيول ريل والفيول ريقوليتر ولاننسى الوايست قايت ومبرد لزيت المكينة وأفضل لو تركب مبرد لزيت الدفرنشات مثل الشباب الي يجهزون سياراتهم للدريفت

وبالنسبة للقير لازم يكون عندك على الأقل ستيج 2 بحسب رأيي انا يعني انت ممكن تركب ستيج 1 بس
وبالنسبة للقير يفضل قير امبريزا STi 2003 - 2004 والدفرنش الخلفي R-160 سواء الجيل القديم أو الجيل الجديد

التربو ملحقاته الي هي الإنتركولر وفي كأوتو كروس يفضل توب ماونت علشان يقل عندك اللاقتايم وفي عندك الأشياء الي بتحتاجه معاه من ناحية كمبيوتر السيارة والبرمجة الصح

بعد كذا نروح للعضلات وموضوع تخفيف الوزن وهذا الي انا اقدر افيدك فيه بالي تبيه لو حبيت
طبعاً بتحتاج إلى تدعيم للشاسيه السفلي بحيث مايكون عندك فري بلاي في العضلات ابد وبتغير المساعدات والسبرنقات وبتحتاج إلى مسامير توازن خاصة لتعديل الكامبر والدامبر والشي الأهم مركز الثقل بحيث انه يكون متركز بأسفل نقطة ممكنة للسيارة

من ناحية الجنوط ركز على جنوط خفيفة الوزن وصلبة مثل BBS أو O.Z.
الكفرات من تجربتي من ناحية الكنترول الممتاز والي تقدر بنفس الوقت انك تعمل بهم دريفت بريدجستون بوتينزا ادرنالين RE-001
هالكفرات مو اختياري انا بس ، هي اختيار ابطال كثيرين من استراليا في بطولات الدريفت والأوتو كروس

وبالنهاية لو حبيت بدي كت علشان الإنسيابية وتوزيع الهواء علشان التبريد وتبديد الحرارة

هذا من قرائاتي وتواصلي هنا وهناك مع منتديات او مواقع وحتى اشخاص اجانب بشكل مباشر
وإذا في أي إستفسار ممكن افيدك فيه انا حاضر

وصح الأفضل تبتدي بسيارة بدون محرك وبدون دفرنشات ولا حتى قير
بالنسبة للتكلفة المحرك ويكون بدون ثلاجة ولا ثروتل سعره مع الشحن عن طريق البحر ويوصل خلال شهرين تقريباً مابين 25 إلى 28 ألف ريال والبقية مكلفة والمشروع إذا تبيه كامل وصح بيكلفك أكثر من 150000 ريال غير قيمة السيارة هذا إذا تبي كل شي صح وجديد

الله يعطيك العافيه اخوي بلاك ما قصرت قلت كل شي

بس ممكن السعر يكون ارخص من كدا 60000الف الى 80000الف

لاني اعرف ناس جهزو السياره بهده الحدود

هذولا أكيد بدون مايغيرون البلوك أو انهم اكتفوا بقوة حول 350 حصان بس على الكفر
الرجال يبيها حول 400 وهذي لازم تكون بتربو كبير بس ماتنفع للأوتوكروس ولا حتى الدريفت
علشان كذا انا قلت تربو متوسط الحجم واهتميت له بموضوع نظام الإشعال علشان مايكون فيه وقت السيارة بدون قوة

ياريت اخوي يوسف لو تذكر لنا ميزانيتك علشان نقدر نحكم لأي مستوى ممكن تجهز مشروعك

أخواني بلاك دراقون أبو زعبللة مشكووووريين على مرروركم ومشاركتكم
إمبريزا 2003 اهلا بعودتك

الميزانية حول 70000 ريال
يهمني المستوي يكون 450 500 على الكفر لأ نني والله أحب هذي السيارة وودي ما تظهر إلا بمستوى يرضيني
أخوي امبريزا 2003 كم المستوى اللي وصلوا له ؟

وين ممكن أحصل سيارة بدون محرك ولا جربكس وبكم ممكن يكون السعر ؟

في هالحالة في شي يخفف عليك التكلفة بس بتوصل بحد اقصى تقريباً 380 حصان على الكفر
اول شي تشوف لك امبريزا 1.6 2004 - 2007 بحيث تكون بأقل تكلفة
بعدها تروح بالسيارة إلى الإمارات وتتوجه إلى ميناء العوير الدولي وتشتري سيارة من هناك وارد اليابان دريكسيون يمين
تشحنها إلى المنطقة الصناعية بالشارقة وتكون معاك سيارتك وتدخلهم ورشة وتخليهم يشيلون كل شي من إلى
يعني تبدل مابين السيارتين بالقطع وبعدها تبيع السيارة اليابانية لأي معرض هناك وطبعاً مابتجيب لك سعر كثير بس أقلاً راح يرجع لك جزء من المبلغ الي صرفته
بعدها تبتدي مسلسل التعديل بحسب الأشياء الي تقدر تركبها على المحرك لأن في فرق بسيط بس في اشياء ماتركب إلا على موديلات محددة
وكل الأغراض بدون ماتبدل شي بالمكينة ماعدا انك تاخذ جنزير أقوى وهو STi ويختلف عن الي فيها وبيكون تبع Group N Cars
وبكرات والتربو تكبره وتاخذ نفس الي يجي على الليجاسي الجي تي 2004 - 2009 أو أكبر منه شوي وبقية الأغراض الي ذكرتها لك من قبل

وأهم شي التونينق لازم يكون في محل محترف لأن بصراحة المحركات الجديدة سواء سوبارو أو غيره فيها حساسات وتعديل توقيت الصمامات والإشعال وكمية البنزين

بكمل لك بعدين لأن مشغول مره

انا اشوف 450 الى 500 حصان كثيره على اوتو كروس

الاوتوكروس تعتمد اكثر شي على المهارات الفينيه التى تمتلكها

وتماسك السياره ولاليس القوه الحصانيه صحيح لها دور بس مو للدرجه هذه

انا اعرف ابطال نزلو الحلبه ببطولات كثيره وكل واحد سيارته ما تتجاوز ال 350 حصان

وحققو المراكز الاولى

بس عندهم مهاره فرديه وخبره والسياره مجهزه من شدادات واعمدة توازن ومساعدات.... الخ
ارجوا اعادة النظر من ناحيه الاحصنه وراح توفر عليك الكثير

وبالتوفيق ان شاء الله

بلاك دراقون يعطيك العافية أخوي انا في إنتظارك لكن كم ممكن يون سعرها وكم موديلها
وهل الفرق بين الــsti وال توين تيربو بوكسر التيربو فقط أو هنالك اختلاف في المكينة
أنا سمعت انه توجد مشكله في الظفيرة إذا أخذت المكينة من سيارة دركسون يمين فما أدري ايش صحة هالكلام

أخوي امبريزا 2003 بطل الأوتو كروس عندن (جدة) سيارته 500 حصان وهذا الكلام قاله في مقابله مصورة فيديو له في الحلبة
وقال انه اكثر من كذا ماراح يفيد في الأوتوكروس
لكن هل في سيارة (امبريزا) 350 حصان على الكفر حصلت على المركز الأول عندنا في جدة؟

خطأ مشاركة متكررة

ايه اخوي يوسف في عندك البطل بندر غالب سيارته حول 350 علىالكفر sti 2005

وعندك الامير خالد سيارته 350 او اكثر بشي بسيط على الكفر وحققو مراكز اولى

وفي عندك مشاركين كثير حققو مراكز بدون زياده الاحصنه الى 400 وما فوق

انا اتفق معاك على زياده القوه الحصانيه بس الاعتماد على مهارات وفنية السواق

وتجهيز السياره بعضلاتها مثل ماذكرت وترى 300 حصان على سياره 4 سلندر قويه

ماهي قليله. وانت وقرارك

أخوي امبريزا مشكور على متابعتك لموضوعي

لكن هل تقصد عضلات sti أو شيء إضافي وماهي أفضل الشركات لها

HKS أفضل مصدر لك كتجهيز دريفت أو أوتوكروس
بالإضافة إلى تجهيزات STi Group N

يعطيكم العافية ياشباب ماقصرتم